DANIEL 12:9 - KA BAIBL

⁹ Bad u la ong, “Koit, khie noh, Daniel: namar ïa ki ktien la tap bad la pyndait laha haduh ka por jong ka bakut.

Khasi CL Bible (BSI)

⁹ U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

DANIEL 12:9 ပူးပေါင်းရင်းမြစ်များ

ISAÏAH 29:11

Te ka jingithuhpaw baroh ka la jia long ha phi kum ki ktien ka kitab ba la pyndait laha, kaba ki briew ki aiti ha uwei uba nang, da kaba ong, “To pule ïa kane, nga kyrpad ïa me:” u ruh u ong, “Ngam lah, namar la pyndait laha ïa ka.”

ISAÏAH 8:16

To teh ïa ka jingphla, to pyndait laha ïa ka hukum hapdeng ki synran jong nga.

DANIEL 10:14

Mynta nga la wan ban pynsngewthuh ïa me shaphang kata ka ban jia ïa ki briew jong me ha ki sngi ki bakhatduh: namar ka jingithuhpaw ka long ïa kaba lawei lathai.”

DANIEL 11:40

“Bad ha ka por jong ka bakut, u syiem na shathie un tur sha u: bad u syiem na shatei un wan ïaleh ïa u kum ka lyer langthari, da ki kali ïapom, bad ki shipai shong kulai, bad bun ki lieng ïapom ruh; te un rung hapoh kita ki ri, bad un tap lup bad un ïaid lyngba.

DANIEL 12:4

Hynrei me, ko Daniel, to tap ïa ki ktien, bad to pyndait laha ïa ka kitab, haduh ka por jong ka bakut keiñ: bun kin long ki ban phet shane shatai, bad ka jingtip kan roi.”

DANIEL 12:8

Bad nga la ïohsngew, hynrei, ngam shym sngewthuh: ynda kumta, nga la ong, “Ko kynrad jong nga, kaei kan long ka bakut jong kine kiei kiei ruh?”

DANIEL 8:26

Bad kata ka jingithuhpaw jong kita ki janmiet bad ki step ïa kaba la ïathuh ka long kaba shisha: hynrei, to pyndait noh ïa kata ka jingithuhpaw; namar ka dei ïa kaba lawei lathai.”

JINGPYNPAW 10:4

Te mynba kita ki hynñiew ki pyrthat ki la ïalap, nga la sa ba ngan sa thoh; hynrei, nga la ïohsngew ïa ka ktien na bneng kaba ong ha nga, “To pyndait laha ïa kita kiei kiei ruh ïa kiba kita ki hynñiew ki pyrthat ki la ïalap, bad to wat thoh ïa kita kiei kiei ruh.”