DANIEL 12:6 - KA BAIBL

⁶ Te uwei u la ong ha uta u briew uba la kup jaiñ linen, uba la don halor ki um jong kata ka wah, “Sa katno kan long haduh ka bakut jong kine ki jingphylla?”

Khasi CL Bible (BSI)

⁶ Uwei na ki u la kylli ïa u angel uba ïeng kham pajih shatei shaneng wah, “Slem katno kan long tad haduh ba kine ki jingjia kiba phylla kin poi sha kaba kut?”

DANIEL 12:6 ပူးပေါင်းရင်းမြစ်များ

SALM 74:9

Ngim ïohi shuh ïa ki dak jong ngi: ym don shuh u nongïathuhlypa; lymne ym don hapdeng jong ngi uno uno uba tip haduh lano.

ESEKIEL 9:2

Bad ha khmih, hynriew ngut ki rangbah ki la wan na ka lynti ka khyrdop kaba haneng, kaba don shaphang shatei, man la u briew u don la ka atiar pynïap ha la ka kti; bad uwei u briew napdeng jong ki uba la kup da ka jaiñ linen, uba bad u khiew sia u nongthoh ha ka krung jong u. Bad ki la leit hapoh, bad ki la ïaïeng hajan ka duwan rnong.

DANIEL 12:5

Ynda kumta, nga, u Daniel, nga la khmih, bad ha khmih, la ïeng ar ngut kiwei pat, uwei harud ka wah ha kane ka liang, bad uwei pat harud ka wah ha katai ka liang.

DANIEL 12:8

Bad nga la ïohsngew, hynrei, ngam shym sngewthuh: ynda kumta, nga la ong, “Ko kynrad jong nga, kaei kan long ka bakut jong kine kiei kiei ruh?”

DANIEL 8:13

Ynda kumta, nga la ïohsngew ïa uwei u bakhuid ba u da kren; bad uwei pat u bakhuid u la ong ha uta uba la kren, “Slem katno kan long kata ka jingithuhpaw shaphang kata ka jingainguh thang kaba borabor, bad kata ka jingpalat kaba pynjot, ban aiti noh ïa kata ka jaka kyntang bad ïa uta u paidbah ba yn ïuh roit ïa ki?”

DANIEL 8:16

Bad nga la ïohsngew ïa ka ktien briew hapdeng ka wah Ulai, kaba pyrta, bad ka ong, “Ko Gabriel, to pynsngewthuh ïa une u briew shaphang kata ka jingithuhpaw.”

MATHAÏOS 24:3

Te haba u dang shong halor u lum ki Olib, ki synran ki la wan ha u jar jar, ki ïa-ong, “To ïathuh ha ngi, lano ba kine kiei kiei ruh kin long? bad kaba kumno ka dak ka jingwan jong me, bad kaba wai noh kane ka pyrthei?”

MARKOS 13:4

“To ïathuh ha ngi, lano kine kiei kiei ruh kin long? bad ka dak kaba kumno ha ban sa pyndep ïa kine kiei kiei baroh?”

EPHESOS 3:10

khnang ban ïoh pyntip mynta ha ki jingsynshar bad ha ki bor ha ki jaka bneng, da ka balang, ïa ka jingstad babun syrtap ka jong U Blei;

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.

JINGPYNPAW 15:6

bad kita ki hynñiew angel kiba don kita ki hynñiew ki jingïapthem, ki la ïawan mih noh na kata ka templ, kiba la kup ïa ka jaiñ linen ka bakhuid bad ka batyngshaiñ, bad kiba la panpoh ha la ki shadem da ki jingpanpoh ksiar.

JINGPYNPAW 19:14

Bad kita ki paidïapom kiba ha bneng ki la ïabud ïa u halor ki kulai balieh, kiba la kup da ka jaiñ linen bani, ka balieh bad bakhuid.

JINGPYNPAW 6:10

Te ki la pyrta da ka ktien bajam, ki da ïa-ong, “Tad lano, ko Trai Kynrad, U Bakhuid bad U Bashisha, mem bishar kut bad pynhiar kput na ka bynta kata ka snam jong ngi halor kita kiba shong ha kata ka khyndew?”