DANIEL 12:4 - KA BAIBL

⁴ Hynrei me, ko Daniel, to tap ïa ki ktien, bad to pyndait laha ïa ka kitab, haduh ka por jong ka bakut keiñ: bun kin long ki ban phet shane shatai, bad ka jingtip kan roi.”

Khasi CL Bible (BSI)

⁴ U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

DANIEL 12:4 ပူးပေါင်းရင်းမြစ်များ

ISAÏAH 11:9

Kin ym pynmynsaw lymne pynjot ha u lum bakyntang jong nga baroh: namar ka pyrthei kan dap da ka jingtip ïa U Trai, kumba ki um ki tap lin ïa ka duriaw.

ISAÏAH 29:11

Te ka jingithuhpaw baroh ka la jia long ha phi kum ki ktien ka kitab ba la pyndait laha, kaba ki briew ki aiti ha uwei uba nang, da kaba ong, “To pule ïa kane, nga kyrpad ïa me:” u ruh u ong, “Ngam lah, namar la pyndait laha ïa ka.”

ISAÏAH 30:26

Ka jingshai u bnai ruh kan long kum ka jingshai ka sngi, bad ka jingshai ka sngi kan long hynñiew shah kat ka jingshai ki hynñiew ki sngi, ha kata ka sngi ba U Trai u spaiñ ïa ka jingmong u paidlang jong u, bad u pynkhiah ïa ka jingshoh ka jingmynsaw jong ki.

ISAÏAH 32:3

Bad ki khmat jong kita kiba ïohi kin ym byrïe, ki shkor ruh jong kita kiba ïohsngew kin sngap.

ISAÏAH 8:16

To teh ïa ka jingphla, to pyndait laha ïa ka hukum hapdeng ki synran jong nga.

JEREMAÏAH 5:1

To phet kylleng ïa ki lynti shnong ka Jerusalem, bad to khmih mynta, bad to tip, to wad ruh ha ki jaka bakylluid jong ka, lada phi lah ban shem ïa u briew, lada don uno uno uba leh hok, uba wad ïa ka jingshisha; te ngan map ïa ka.

DANIEL 10:1

Ha ka snem ka balai jong u Seiros syiem ka Persha la pynpaw ei ei ha u Daniel, ïa uba la khot “u Belteshassar”; kata ruh ka la long kaba shisha, ka thma ka bakhraw keiñ: bad u la sngewthuh ïa kata, bad u la ïoh ka jingshemphang ïa kata ka jingithuhpaw.

DANIEL 10:14

Mynta nga la wan ban pynsngewthuh ïa me shaphang kata ka ban jia ïa ki briew jong me ha ki sngi ki bakhatduh: namar ka jingithuhpaw ka long ïa kaba lawei lathai.”

DANIEL 10:21

Hynrei, ngan ïathuh ha me ïa-ei ba la thoh ha ka jingthoh jong ka jingshisha: bad ym don ba ïaineh bad nga pyrshah ïa kine, hynrei, tang u Meikhal u syiem jong phi.”

DANIEL 11:33

Bad kita ki bastad hapdeng kita ki briew kin hikai ïa shibun: pynban, kin hap da ka waitlam bad da ka ding, da ka jinglongmraw bad da ka jinglute, bun sngi.

DANIEL 11:40

“Bad ha ka por jong ka bakut, u syiem na shathie un tur sha u: bad u syiem na shatei un wan ïaleh ïa u kum ka lyer langthari, da ki kali ïapom, bad ki shipai shong kulai, bad bun ki lieng ïapom ruh; te un rung hapoh kita ki ri, bad un tap lup bad un ïaid lyngba.

DANIEL 12:13

Hynrei, to ïai-leit ma me haduh ka bakut: namar men ïoh shongthait, bad men ïoh ïeng ha la ka bynta, ha ka bakut jong kita ki sngi.”

DANIEL 12:5

Ynda kumta, nga, u Daniel, nga la khmih, bad ha khmih, la ïeng ar ngut kiwei pat, uwei harud ka wah ha kane ka liang, bad uwei pat harud ka wah ha katai ka liang.

DANIEL 12:9

Bad u la ong, “Koit, khie noh, Daniel: namar ïa ki ktien la tap bad la pyndait laha haduh ka por jong ka bakut.

DANIEL 8:17

Kumta, u la wan hajan kaba nga ïeng; bad haba u la wan, nga la sheptieng bad nga la hap da pyllup: hynrei, u la ong ha nga, “To sngewthuh, ko khun u briew; naba kata ka jingithuhpaw ka dei ïa ka por ka jong ka bakut.”

DANIEL 8:19

Bad u la ong, “Ha khmih, ngan pyntip ha me ïa kata ka ban jia ha ka por ka bakhatduh jong kata ka jingbitar: namar ka dei ïa ka por ba la buh jong kata ka bakut.

DANIEL 8:26

Bad kata ka jingithuhpaw jong kita ki janmiet bad ki step ïa kaba la ïathuh ka long kaba shisha: hynrei, to pyndait noh ïa kata ka jingithuhpaw; namar ka dei ïa kaba lawei lathai.”

MATHAÏOS 24:14

Te ïa kane ka gospel jong ka hima yn ïalap ha ka pyrthei baroh, ïa ka ban long ka jingphla ha ki kynja bynriew baroh; ynda kumta keiñ, kan jia kata ka bakut.

Ka Shithi U Paul Sha Ki Nong Rom 10:18

Hynrei, nga ong, “Kim shym la ïohsngew?” Ho-oid shisha keiñ; “Ka jingsawa jong ki ka la leit ïaid keiñ ha ka khyndew baroh, bad ki ktien jong ki shaduh ki bakut ka pyrthei.”

JINGPYNPAW 10:4

Te mynba kita ki hynñiew ki pyrthat ki la ïalap, nga la sa ba ngan sa thoh; hynrei, nga la ïohsngew ïa ka ktien na bneng kaba ong ha nga, “To pyndait laha ïa kita kiei kiei ruh ïa kiba kita ki hynñiew ki pyrthat ki la ïalap, bad to wat thoh ïa kita kiei kiei ruh.”

JINGPYNPAW 22:10

Bad u ong ha nga, “To me wat pyndait laha ïa kita ki ktien jong ki jingïathuhlypa kane ka kitab; naba kata ka Ïa ka long hajan.

JINGPYNPAW 5:1

Bad nga la ïohi ha ka kti kamon jong uta uba shong halor kata ka khet ïa ka kitab, ïa kaba la thoh shapoh bad shalor, ïa kaba la pyndait laha da ki hynñiew ki jingpyndait.