DANIEL 12:3 - KA BAIBL

³ Bad kita ki bastad, kin tyngshaiñ kum ka jingshai ka sahit bneng; bad kita kiba pynkylla bun sha ka hok kum ki khlur junom la junom.

Khasi CL Bible (BSI)

³ Ki nongïalam kiba stad kin tyngshaiñ da ka jingphyrnai baroh jong ka suiñbneng. Bad kito kiba la hikai ïa kiba bun ki briew ban leh ïa kaei kaba dei kin tyngshaiñ kum ki khlur junom.”

DANIEL 12:3 ပူးပေါင်းရင်းမြစ်များ

EKSODOS 34:35

bad ki khun Israel ki la ïohi ïa ka khmat u Moses, ba ka snieh khmat u Moses ka la tyngshaiñ ber: te u Moses u la buh pat ïa kata ka jingkah halor la ka khmat, haduh ha un da leit hapoh ban kren bad U.

PROBERB 11:30

U soh jong u bahok u long u dieng ka jingim; bad uta u bastad u pynngat ïa ki mynsiem.

PROBERB 3:35

U bastad un ïoh bynta ïa ka burom; hynrei, ka jinglehrain kan long ka jingkyntiew jong ki babieit.

PROBERB 4:18

Hynrei, ka lynti jong u bahok ka long kum ka jingshai ka batyngshaiñ, kaba nang tyngshaiñ nang tyngshaiñ haduh kaba janai ka sngi.

EKLESIASTIS 12:9

Bad nalor kane, namar ba u Nongïathuhkhana u la long u bastad, u la ïaihikai ïa ka jingstad ha u paidbah; shisha, u la puson, bad u la wad noh, bad u la buh ryntih bun ki proberb.

ISAÏAH 53:11

Un ïohi ïa ka jingtrei shitom ka mynsiem jong u, bad yn pynhun: da la ka jingtip u shakri bahok jong nga un pynksan ïa ki babun: bad u un bah ïa ki jingbymhok jong ki.

JEREMAÏAH 23:22

Hynrei, lada ki la ïeng ha ka jingsylla jong nga, kumta kin da la pynsngew ïa ki briew jong nga ïa ki ktien jong nga, bad kin da la pynphai ïa ki na ka lynti basniew jong ki, bad na ka jingsniew ki jingleh jong ki.

DANIEL 11:33

Bad kita ki bastad hapdeng kita ki briew kin hikai ïa shibun: pynban, kin hap da ka waitlam bad da ka ding, da ka jinglongmraw bad da ka jinglute, bun sngi.

DANIEL 11:35

Te katto katne na kita ki bastad kin hap, ïa ka ban phrang ïa ki, bad ban pynkhuid, bad ban pynlieh ïa ki, haduh ka por jong ka bakut: namar ba ka long ïa ka por ba la buh.

DANIEL 12:10

Bun kin pynkhuid ïa lade, bad pynlong lieh ïa lade, bad yn phrang ïa ki; hynrei, ki bymman kin ïai-leh bymman; bad yn ym don na ki bymman u ban sngewthuh: hynrei, kita ki bastad kin sngewthuh.

MATHAÏOS 13:43

Ynda kumta, ki bahok kin ïatyngshaiñ noh kum ka sngi ha ka hima U Kpa jong ki. Uba don ki shkor ban sngew, to un sngew.

MATHAÏOS 19:28

U Jisu te u la ong ha ki: “Shisha nga ong ha phi, ba phi kiba la ïabud ïa nga, ha ka jingpynthymmai ynda U Khun u briew un shong ha ka khet ka burom jong u, phi ruh phin shong ha ki khat-ar ki khet, ban bishar ïa ki khat-ar ki jaid Israel.

MATHAÏOS 24:45

“Naba kumta, uno uba long u shakri bangeit bad bastad, ïa uba u kynrad jong u, u la buh halor ki ba-ha-ïing jong u ïa ka ban ai ha ki, ïa ka jingbam ha ka por kaba biang?

ÏOANNIS 4:36

Uta uba ot te u ïoh diang ïa ka bainong, bad u lum soh ïa ka jingim bymjukut, ba uta uba bet ruh un ïoh ïakmen lem bad uta uba ot.

ÏOANNIS 5:35

Uta u la long ka sharak ba la thang bad batyngshaiñ; phi te phi la ïasngewbha ban ïashadkmen tang shibit ar bit ha ka jingshai jong u.

KI KAM 13:1

Te la don ha Antiok, ha ka balang kaba la don hangta, ki nongïathuhlypa bad ki nonghikai, u Barnabas, bad u Simeon ïa uba la khot “Niger”, bad u Loukios uba na Kyrini, bad u Manain u para ba la ïoh jingbsa lem bad u Herod u Tetrark, bad u Saul de.

1 KORINTH 3:10

Katba kum ka jingaiei U Blei ïa kaba la ai ha nga, kum u rangbah nongtei u bastad nga la seng ïa ka nongrim, te uwei pat u tei nalor. Hynrei, to uwei pa uwei un da sumar kumno u tei nalor.

EPHESOS 4:11

Bad u la thung ïa kiwei, ban long ki apostol; bad ïa kiwei, ki nongïathuhlypa; bad ïa kiwei, ki nongïathuhkhana; bad ïa kiwei, ki nongsharai bad ki nonghikai;

HEBRU 5:12

Namar haba la dei ïa phi ban long ki nonghikai, haba khmih ïa ka por, phi donkam pynban ba uno uno un hikai pat ïa phi ïa ki jingsdang ki tynrai banyngkong ki orakl U Blei; bad phi la jia long kiba donkam ïa ka dud, te ym ïa ka jingbam kaba eh.

2 PETROS 3:15

To phin ïañiew te ïa kata ka jingïaishah-slem U Trai jong ngi ba ka long ka jingpynim; kumba u Paul ruh, uba u parabangeit ba-ieit jong ngi, u la thoh ha phi katba kum kata ka jingstad ïa kaba la ai ha u;

JINGPYNPAW 1:20

ïa ka jingmaïan shaphang kita ki hynñiew ki khlur ïa kiba me la ïohi ha ka kti kamon jong nga, bad ïa kita ki hynñiew ki dieng pynïeng sharak ksiar. Kita ki hynñiew ki khlur ki long ki angel jong kita ki hynñiew balang, bad kita ki hynñiew ki dieng pynïeng sharak ki long ki hynñiew balang.

NONGBISHAR 5:31

“Kumta ai kin jot ki nongshun jong me baroh, A Trai: hynrei, ai ba kita kiba ieit ïa U kin long kum ka sngi haba ka dang ïeng ha ka bor jong ka.” Ka ri te ka la suk sawphew snem.