DANIEL 12:1 - KA BAIBL

¹ “Te ha kata ka por, un ïeng u Meikhal, uta u rangbah bakhraw uba ïeng na ka bynta ki khun ki briew jong me: bad kan long ka por kaba jynjar, kat kata ym shym la don naduh ba la long ka jaid bynriew haduh kata ka por: bad ha kata ka por, yn pynim ïa ki briew jong me, ïa kat u ban shem ba la thoh ha kata ka kitab.

Khasi CL Bible (BSI)

¹ U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 12:1 ပူးပေါင်းရင်းမြစ်များ

SALM 56:8

Me ñiew ïa ki jingïaid sakma jong nga, to thep ïa ki ummat jong nga ha ka lywa snieh jong me; hato kim don ha ka kitab jong me?

SALM 69:28

To ai ban pyndam noh ïa ki na ka kitab ka jingim, bad ban ym thoh ïa ki lem bad ki bahok.

ISAÏAH 4:3

Te uta ïa uba la iehnoh ha ka Seïon, bad uta uba ïaisah ha Jerusalem, yn khot “u bakhuid” ïa u, ïa uwei uwei baroh keiñ ba la thoh hapdeng ki ba-im ha Jerusalem:

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

JEREMAÏAH 30:10

“Namar kata, wat sheptieng, ko Jakob, u shakri jong nga,” ong U Trai; “lymne wat khaw-eit, ko Israel: namar, ha khmih, ngan pynim ïa me na jngai, bad ïa u symbai jong me na ka ri ka jinglongmraw jong ki; bad u Jakob un wan phai pat, bad un long jai jai, bad ha kaba suk, bad yn ym don mano mano u ban pynsheptieng ïa u.

JEREMAÏAH 30:7

Dur lanot! namar kata ka sngi ka long ka bakhraw, kumta ba ym don kano kano kaba kum ma ka: ka long ka por jynjar u Jakob; hynrei, un ïohlait im noh na ka.

ESEKIEL 13:9

“Bad ka kti jong nga kan long pyrshah ïa kita ki nongïathuhlypa kiba ïohi ïa ka jingthala, bad kiba kren byrtong ïa ki jinglamler: kin ym long ha ka jingïaseng ki briew jong nga, lymne yn ym thoh ïa ki ha ka rejistor ka ïing Israel, lymne kin ym ïoh rung ha ka ri Israel; te phin sa tip ba nga long U Trai U Blei.

ESEKIEL 34:24

Bad ma nga U Trai ngan long U Blei jong ki, bad u Dabid u shakri jong nga un long u nongïalam hapdeng jong ki; ma nga U Trai nga la kren ïa ka.

ESEKIEL 5:9

Bad ngan leh ha pha ïa kata kaba ngam pat ju leh, bad ïa kaba ngan ym leh shuh kaba kajuh, namar ki jingijli jong pha baroh.

DANIEL 10:13

Hynrei, u syiem jong ka hima Persha u la ïeng ïaleh ïa nga arphew wei sngi; hynrei, ha khmih, u Meikhal, uwei u rangbah na ki bakhraw, u la wan ïarap ïa nga: te nga la sah hangta bad ki syiem ka Persha.

DANIEL 10:21

Hynrei, ngan ïathuh ha me ïa-ei ba la thoh ha ka jingthoh jong ka jingshisha: bad ym don ba ïaineh bad nga pyrshah ïa kine, hynrei, tang u Meikhal u syiem jong phi.”

DANIEL 11:45

Bad un sher ïa ki dara ka ïing jong u hapdeng ka duriaw bad uta u lum bakyntang ba-donburom; pynban, un poi sha ka bakut jong u, bad yn ym don ban ïarap ïa u.

DANIEL 7:10

Ka wah ding ka la mih bad ka la tuid noh na khmat jong u: hajar ki hajar ki la shakri ïa u, bad shiphew hajar sien shiphew hajar ki la ïeng ha khmat jong u: ka jingbishar la long, bad ki kitab la plied.

DANIEL 9:12

Bad u la pynskhem ïa la ki ktien, ïa kiba u la kren pyrshah ïa ngi, bad pyrshah ïa ki nongbishar jong ngi kiba la bishar ïa ngi, da kaba pynwan halor jong ngi ïa ka jingsniew kaba khraw: namar hapoh ka bneng baroh ym shym la leh katba la leh halor ka Jerusalem.

JOEL 2:2

ka sngi kaba dum bad baïong, ka sngi ki lyoh bad ka jingdum barben, kumba ka step phyrngab ka phriang halor ki lum; u paidbah u bakhraw bad u bakhlaiñ, ym shym don mynno mynno uba kat uta, lymne kan ym long shuh ruh hadien jong u, haduh ki snem pateng la pateng keiñ.

MALAKHI 3:16

Ynda kumta, kita kiba la sheptieng ïa U Trai ki la ïakren paralok: bad U Trai u la shahshkor, bad u la ïohsngew, bad la thoh ïa Ka Kitab Ka Jingkynmaw ha khmat jong u, ïa kita kiba la sheptieng ïa U Trai, bad kiba la pyrkhat ïa ka kyrteng jong u.

MATHAÏOS 24:21

Naba hangta, ka kordit bah kan long, kat kaba ym pat ju long naduh myndanglong ka pyrthei haduh mynta, em, lymne kan ym long shuh ruh.

MARKOS 13:19

naba kin long ki sngi ki jingjynjar, kat ki bym pat ju la long la myndanglong ka pyrthei ïa kaba U Blei u la thaw, haduh mynta, kat kita ruh kin ym long shuh.

LOUKAS 10:20

Hynrei, wat kmen ha kane, ba ïa ki mynsiem la pyndem hapoh jong phi; hynrei, to kmen namar ba la thoh ïa ki kyrteng jong phi ha bneng.”

Ka Shithi U Paul Sha Ki Nong Rom 11:15

Namar lada kata ka jingkyntait noh ïa ki, ka jia long ka jingpynïasuk ïa ka pyrthei; kaei te kan long kata ka jingpdiang ïa ki, tang ka jingim na ki baïap?

Ka Shithi U Paul Sha Ki Nong Rom 11:26

Ynda kumta te, yn pynim ïa ki Israel baroh, kumba la thoh: “U Nongpyllait noh un wan mih noh na Seïon, bad un pynphai noh ïa ka jingbymriewblei na u Jakob;

EPHESOS 1:21

kham sha jrong eh keiñ ïa ka jingsynshar, bad kaba don bor, bad ka bor, bad ka jinglong trai baroh, bad halor ka kyrteng baroh ba la kyrteng, ym tang ha kane ka pyrthei, hynrei, ha kata ka ban sa wan ruh:

PHILIPPI 4:3

Ho-oid, nga kyrpad ïa me ruh, ko para baïakit lyngkor lem basngur, to men ïarap ïa kine ki kynthei, naba ki la ïatrei lem bad nga ha ka gospel, bad u Klemen ruh, bad kita ki para baïatrei lem jong nga, kiba ki kyrteng jong ki, ki don ha ka kitab ka jingim.

JUDAH 1:9

Hynrei, u Mikhal u angel rangbah, mynba u dang ïa-pyneh bad u Soitan, ba u da ïasaid nia shaphang ka met u Moses, um nud ban bishar kat ban krenbeiñ ïa u, hynrei, u la ong, “To U Trai un da sneng ïa me!”

JINGPYNPAW 1:5

bad na U Jisu Khrist, uba long U Nongphla ïa uba lah ban shaniah, ïa uba la kha nyngkong na ki baïap, bad U Nongsynshar ki syiem ka pyrthei. Ha uta uba la ieit ïa ngi, bad uba la sait ïa ngi na ki pop jong ngi ha ka snam jong u hi;

JINGPYNPAW 12:7

Bad ka thma ka la long ha bneng: u Mikhal bad ki angel jong u ki la ïaleh thma ïa uta u ïakjakor; te uta u ïakjakor ruh bad ki angel jong u ki la ïaleh thma;

JINGPYNPAW 13:8

Te kita baroh kiba shong halor ka khyndew kin ïamane dem ïa u, kiba ki kyrteng jong ki ym shym la thoh ha kata ka kitab ka jingim jong uta U Khun langbrot, ïa uba la pynïap la myndanglong ka pyrthei.

JINGPYNPAW 17:14

Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 20:12

Bad nga la ïohi ïa ki baïap, ki barit bad ki bakhraw, ba ki da ïeng ha khmat kata ka khet; bad la plied ïa ki kitab: bad la plied ïa kawei pat ka kitab, kaba long ka kitab ka jingim: te la bishar ïa kita ki baïap na kita kiei kiei ruh ïa kiba la thoh ha kita ki kitab, katba kum ki jingleh jong ki.

JINGPYNPAW 20:15

Te jar ïa uba ym shym la shem ba la thoh ha kata ka kitab ka jingim, la bred ïa u sha kata ka pung ka ding.

JINGPYNPAW 3:5

Uta uba jop, ïa uta, yn pynkup kumta ha ki jaiñkup balieh; bad ngan ym pyndam noh da lei lei ïa ka kyrteng jong u na ka kitab ka jingim, bad ngan phla keiñ ïa ka kyrteng jong u ha khmat U Kpa jong nga, bad ha khmat ki angel jong u.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.