DANIEL 11:6 - KA BAIBL

⁶ Te ha ka bakut ki snem kin ïasoh lang; bad ka khun kynthei jong uta u syiem na shathie kan wan sha uta u syiem na shatei ban pynlong ka jingïakut: hynrei, kan ym bat ïa ka bor ka ksang'ti jong ka; u ruh, un ym ïeng, lymne ka ksang'ti jong u; hynrei, yn aiti noh ïa ka, bad ïa kita kiba la wallam ïa ka, bad ïa uta uba la pynkha ïa ka, bad ïa uta uba la ai bor ïa ka ha kita ki por.

Khasi CL Bible (BSI)

⁶ Hadien bun tylli ki snem u syiem ka Ijipt un pynlong ka jingïateh lok bad u syiem ka Syria bad un ai shongkurim ïa ka khun jong u. Hynrei ka jingïateh lok kan ym neh; bad ïa ka, ïa u tnga jong ka, ïa i khun jong ka bad ïa ki shakri kiba la ïaleit bad ka yn pynïap baroh.

DANIEL 11:6 ပူးပေါင်းရင်းမြစ်များ

Ka Kitab U Job 38:15

bad la khang ïa ka jingshai jong ki na ki bymman, bad ka ksangkti ba la pynjrong la pynkheiñ.

SALM 10:5

Ki lynti jong u ki skhem ha ki por baroh; ki jingbishar jong me ki sha jrong eh palat ïa ka jingkhmih jong u: ïa kita ki nongïaleh pyrshah jong u baroh, u pyrsad ha ki.

ESEKIEL 30:21

“Ko khun u briew, nga la kdiah ïa ka ksang'ti u Pharaoh u syiem ka Ijipt; te ha khmih, ym shym la sop ïa ka ban tah dawai, ban buh ka jaiñ teh ban sop spaiñ ïa ka, ba kan skhem ban bat ïa ka waitlam.

DANIEL 11:13

Te uta u syiem na shatei un wan phai pat, bad un ïalum ïa u paidbah uba kham khraw ban ïa uta u banyngkong; bad ha ka bakut ki aïom, ki snem keiñ, un wan lem bad u paidbah bakhraw bad ka spah kaba bun.

DANIEL 11:15

Kumta uta u syiem na shatei un wan, bad un pynïeng ka kynton, bad un jop ïa ka nongbah ba la ker kut: bad ki ksang'ti jong ka shathie kin ym lah ïashan, lymne ki briew ba la kynsai jong u, lymne yn ym don kano kano ka bor ban ïashan.

DANIEL 11:40

“Bad ha ka por jong ka bakut, u syiem na shathie un tur sha u: bad u syiem na shatei un wan ïaleh ïa u kum ka lyer langthari, da ki kali ïapom, bad ki shipai shong kulai, bad bun ki lieng ïapom ruh; te un rung hapoh kita ki ri, bad un tap lup bad un ïaid lyngba.

DANIEL 11:7

“Hynrei, na u shylluit uba na ki thied jong ka, un ïeng uwei ha ka jaka jong u, u ban wan sha u paidïapom, bad un rung shapoh ka kut jong uta u syiem na shatei, bad un ïaleh ïa ki, bad un jop:

SEKHARAÏAH 11:16

Naba ha khmih, ngan pynmih ïa u nongsharai ha ka ri, u ban ym khmih ïa kita kiba la pynduh noh, lymne un ym wad ïa kiba la pynsakma, lymne pynkhiah ïa kata kaba la mong; lymne un ym bsa ïa kata kaba sahkut, hynrei, un bam ïa ka doh jong ki basngaid, bad un pynlwet ïa ki khnap jong ki.