DANIEL 11:34 - KA BAIBL

³⁴ Te haba kin hap, da kaba khyndiat ka jingïarap, yn ïarap ïa ki: hynrei, bun kin pynïasoh ïa lade bad ki, da kaba arsap.

Khasi CL Bible (BSI)

³⁴ Katba dang don ka jingpynïap, ki briew jong U Blei kin ïoh khyndiat ka jingïarap, wat la kiba bun kiba ïasoh bad ki kin leh kumta na ka bynta ki daw shimet.

DANIEL 11:34 ပူးပေါင်းရင်းမြစ်များ

DANIEL 11:21

Te ha ka jaka jong u, un mih u briew uba khlem burom, ha uba kim shym la ai ka burom ka hima: hynrei, un wan ha ka por basuk, bad un ïoh ïa ka hima da ki jingkren arsap.

DANIEL 11:32

Te kat ïa kita kiba leh sniew pyrshah ïa kata ka jutang, un pynkylla da ki jingshukor: hynrei, kita ki briew kiba ithuh ïa U Blei jong ki kin long kiba khlaiñ, bad kiba nang jop.

MATHAÏOS 7:15

“To sumar na ki nongïathuhlypa balamler, kiba ïawan ha phi ha ki jaiñkup snieh langbrot, hynrei, hapoh ki long ki suri bapynjot.

Ka Shithi U Paul Sha Ki Nong Rom 16:18

Namar kiba kum kita, kim shakri ïa U Jisu Khrist uba U Trai jong ngi, hynrei, ïa la ka jong ka kpoh; bad da ka ktien jali ja-um bad ka ktien ïaroh arsap, ki ïashukor ïa ki dohnud jong kiba lui lui.

GALATIA 2:4

Bad kata ruh, namar kita ki para kiba arsap ïa kiba la wallam sian hapoh, kiba la ïawan sian hapoh ïa ka ban syntiat ïa ka jinglaitluid jong ngi kaba ngi don ha U Khrist Jisu, khnang ba kin ïoh pynlong mraw ïa ngi:

2 TIMOTHI 4:3

Namar ka por kan jia, haba kin ym shahshkor ïa ka jinghikai bajanai; hynrei, haba ki don ki shkor ba-dait, kin ïakynton ha lade ïa ki nonghikai katba kum ki jingkwah brai jong ki hi;

TITOS 1:11

kiba ïa ki shyntur jong ki dei ban set noh, ki briew kiba pynkyllon ïa ki ïing baroh shi ïing da kaba hikai ïa kiei kiei ki bymdei, na ka bynta ka jingkhwan myntoi.

1 ÏOANNIS 4:1

Ko hep ba-ieit, wat ngeit ïa ki mynsiem baroh, hynrei, to phin tynjuh ïit ïa kita ki mynsiem, la ki long ne em na U Blei: naba shibun ki nongïathuhlypa balamler ki la leit mih noh sha ka pyrthei.

1 ÏOANNIS 4:5

Kita ki long na ka jong ka pyrthei, namar kata, ki ïakren na ka jong ka pyrthei, bad kata ka pyrthei ka sngew ïa ki;

2 ÏOANNIS 1:7

Naba shibun ki nongshukor ki la ïaleit mih sha ka pyrthei, ki bymïaphla ba U Jisu Khrist u wan ha ka doh. Une keiñ, u long uta u nongshukor bad u nongïaleh pyrshah ïa U Khrist.

JUDAH 1:4

Namar don kino kino ruh ki briew kiba la par sian shapoh, ïa kiba la kynthoh lypa la mynslem khnang sha kane ka jingpynrem, ki briew ki bymriewblei, kiba pynkylla ïa ka jingaiei U Blei jong ngi sha ka jingleh jakhlia, bad kiba len noh ïa U Jisu Khrist, uba long tang ma u hi U Kynrad bad U Trai jong ngi.

JINGPYNPAW 12:13

Te mynba uta u ïakjakor u la ïohi ba la shop noh arsut ïa u sha ka khyndew, u la behbeiñ ïa kata ka briew kaba la kha khun shynrang.

JINGPYNPAW 2:20

Hynrei, nga don kane kaba pyrshah ïa pha, naba pha shah ïa kata ka briew ka Jesabel, kaba khot ïa lade “ka nongïathuhlypa”, bad ka hikai bad ka shukor ïa kita ki shakri jong nga ban klim sih, bad ban bam ïa kiei kiei ruh ba la kñia ïa ki bleithaw.