DANIEL 11:32 - KA BAIBL

³² Te kat ïa kita kiba leh sniew pyrshah ïa kata ka jutang, un pynkylla da ki jingshukor: hynrei, kita ki briew kiba ithuh ïa U Blei jong ki kin long kiba khlaiñ, bad kiba nang jop.

Khasi CL Bible (BSI)

³² Da ka buit shukor u syiem un ïoh ïa ka jingkyrshan jong kito kiba la iehnoh ïa la ka niam, hynrei kito kiba bud ïa U Blei kin ïaleh pyrshah.

DANIEL 11:32 ပူးပေါင်းရင်းမြစ်များ

1 KHRONIKL 28:9

“Bad ma me, ko Solomon u khun jong nga, to ithuh ïa U Blei jong u kpa jong me, bad shakri ïa u da ka dohnud bajanai bad da ka jingmut ba mon sngewbha: naba U Trai u ïit ïa ki dohnud baroh, bad u sngewthuh ïa ki jingpyrkhat baroh jong ki jingmut: lada men wad ïa u, men shem ïa u; hynrei, lada men kyntait ïa u, u ruh un kyntait noh ïa me ha la ka rta.

NEHEMAÏAH 4:14

Bad nga la khmih, bad nga la ïeng joit, bad nga la ong ha ki bakhraw batri, bad ha ki nongsynshar, bad ha kita kiwei pat na u paidlang, “Wat sheptieng ïa ki: kynmaw ïa U Trai, uba long u bakhraw bad ba-itieng, ban ïaleh na ka bynta la ki para, la ki khun shynrang bad la ki khun kynthei, la ki tnga bad la ki ïing.”

SALM 9:10

bad kita kiba ithuh ïa ka kyrteng jong me kin shaniah ha me; naba me, A Trai, mem shym la iehnoh noh ïa kiba wad ïa me.

PROBERB 19:5

U nongsakhi lamler un ym lait na ka jingpynshitom; bad uba kren ïa ki jinglamler un ym lait.

PROBERB 26:28

U thylliej uba lamler u shun ïa kita kiba u la pynmong; bad ka shyntur kaba arsap ka pynlong ka jingpynjot.

JEREMAÏAH 31:34

bad kin ym hikai shuh uwei uwei ïa la u paramarjan, bad uwei uwei ïa la u para, da kaba ong, ‘To tip ïa U Trai:’ namar ki baroh kin sa ithuh ïa nga, naduh uba poh tam haduh u bakhraw tam na ki,” ong U Trai: “namar ngan map ïa ka jingbymhok jong ki, bad ngan ym kynmaw shuh ïa ka pop jong ki.”

DANIEL 11:21

Te ha ka jaka jong u, un mih u briew uba khlem burom, ha uba kim shym la ai ka burom ka hima: hynrei, un wan ha ka por basuk, bad un ïoh ïa ka hima da ki jingkren arsap.

DANIEL 11:34

Te haba kin hap, da kaba khyndiat ka jingïarap, yn ïarap ïa ki: hynrei, bun kin pynïasoh ïa lade bad ki, da kaba arsap.

SEKHARAÏAH 10:12

Bad ngan pynkhlaiñ ïa ki ha U Trai; te kin ïaid sharum shaneng ha ka kyrteng jong u,” ong U Trai.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

ÏOANNIS 17:3

Kane te ka long ka jingim bymjukut, ba kin ïoh ithuh ïa me U Blei uba shisha tang ma me hi, bad ïa U Jisu Khrist, ïa uba me la phah.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.

JINGPYNPAW 6:11

Bad la ai ha uwei pa uwei baroh ïa ka jaiñkup balieh; bad la ong ha ki, ba kin da ïashong thait shuh sa shibit ar bit, tad ynda yn pyndep noh ïa kita ki para shakri jong ki ruh bad kita ki parabangeit jong ki, ïa ki ban sa pynïap noh kumba ïa ki ruh.