DANIEL 11:30 - KA BAIBL

³⁰ Namar ki lieng ïapom na Kittim kin wan ïaleh ïa u; namar kata, un sngewsih, bad un phai noh pat, bad un khih bitar ïa kata ka jutang bakhuid, bad un leh katba u mon: un phai pat, bad un khmih sngewbha ïa kita kiba kyntait ïa kata ka jutang bakhuid.

Khasi CL Bible (BSI)

³⁰ Ki nong Rom kin wan ha ki liengbah bad kin pyrshah ïa u, bad un sa sheptieng. “Te un leit phai pat ha ka jingbitar shla bad un pyrshang ban pynjot ïa ka niam jong ki briew jong U Blei. Un bud ïa ka jingai jingmut jong kito kiba la iehnoh ïa kata ka niam.

DANIEL 11:30 ပူးပေါင်းရင်းမြစ်များ

JENESIS 10:4

Bad ki khun shynrang u Jaban: u Elishah, bad u Tarshish, ki Kittim, bad ki Dodanim.

1 KHRONIKL 1:7

Bad ki khun shynrang u Jaban: u Elishah, bad u Tarshish, u Kittim, bad u Rodanim.

NEHEMAÏAH 6:12

Bad nga la sngewthuh, bad, ha khmih, U Blei um shym la phah ïa u: hynrei, u la kren ïa kane ka jingïathuhlypa pyrshah ïa nga: bad u Tobiah bad u Sanballat ki la wer nong ïa u.

ISAÏAH 23:1

Ka jingkit ka Tyros. To lynñiar, phi ki lieng bah ka Tarshish; namar la pynlong jaka kynjah ïa ka, haduh bymdon ïing, bymdon kad lieng: naduh ka ri Kittim la pynpaw sha ki.

ISAÏAH 23:12

Te u la ong, “Phan ym shadkmen shuh, ko ka khun ba la banbor ka Sidon: to ïeng joit, to leit noh sha Kittim; wat hangta phan ym ïoh jingshongthait.”

JEREMAÏAH 2:10

Namar to ryngkang sha ki 'dewlynnong Kittim, bad to khmih; bad to phah sha Kedar de, bad da pyrkhat bha; bad to khmih lada ju don kaba kum kane.

ESEKIEL 27:6

Na ki dieng Sning ka Bashan ki la thaw ïa ki boitha jong pha; ki la thaw ïa ki jingshong jong pha da ki bniat hati ba la pyndait ha ki dieng Boks, kiba na ka 'dewlynnong Kittim.

DANIEL 11:28

Ynda kumta, un phai pat sha la ka ri bad ka spah ka bakhraw; bad ka dohnud jong u kan long pyrshah ïa kata ka jutang bakhuid; te un leh katba u mon, bad un phai pat sha la ka ri.

DANIEL 11:29

“Ha ka por ba la buh un phai pat, bad un wan shaphang shathie; hynrei, kan ym long ha ka por bakhatduh kumba ka la long ha ka banyngkong.

DANIEL 7:25

Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

JINGKHEIÑ 24:24

Kin wan ki lieng lama ruh na ki rud ka Kittim, bad kin ïa-pynshitom ïa u Asshur, bad kin ïa-pynshitom ruh ïa u Eber, te u hi ruh un ïap duh noh junom.”

MATHAÏOS 24:10

Ynda kumta te, shibun kin ïathut, bad kin ïadie paralok, bad kin ïashun paralok.

JINGPYNPAW 12:12

Naba kumta to ïakmen, ko ki bneng, bad phi kiba shong ha ki. Kordit ïa kata ka khyndew, bad ïa ka duriaw! naba uta u Ksuid u la leit hiar ha phi, uba don ka jingbitar bakhraw, naba u tip ba u don tang khyndiat por.”