DANIEL 11:18 - KA BAIBL

¹⁸ Hadien kane un phai la ka khmat sha kita ki 'dewlynnong, bad un jop ïa shibun: hynrei, uwei u rangbah un pynduh noh ïa ka jingpynkheiñ-burom kaba u la leh; shisha keiñ, un pynphai ruh ïa ka jingpynkheiñ-burom jong u halor jong u hi.

Khasi CL Bible (BSI)

¹⁸ Hadien kata un tur ïaleh ïa ki hima kiba harud duriaw bad u jop ïa kiba bun na ki. Hynrei u nongïalam nongwei un jop ïa u bad un pynkut ïa ka jinglehmeng jong u; da shisha un pynphai pat ïa ka jinglehmeng jong u syiem ka Syria sha u.

DANIEL 11:18 ပူးပေါင်းရင်းမြစ်များ

ESTHER 10:1

Bad u Ahasueros syiem u la buh ka khajna ha kata ka ri, bad ha ki 'dewlynnong jong ka duriaw.

ISAÏAH 66:19

Bad ngan buh ka dak hapdeng jong ki, te kat kiba ïohlait na ki ngan phah sha ki jaid bynriew, sha Tarshish, sha Pul bad sha Lud, kiba wiat ïa ka ryntieh, sha Tubal bad sha Jaban, sha ki 'dewlynnong kiba sha jngai, ki bym shym la ïohsngew ïa ka nam jong nga, lymne kim shym la ïohi ïa ka burom jong nga; te kin sa pynbna ïa ka burom jong nga hapdeng ki jaid bynriew.

JEREMAÏAH 2:10

Namar to ryngkang sha ki 'dewlynnong Kittim, bad to khmih; bad to phah sha Kedar de, bad da pyrkhat bha; bad to khmih lada ju don kaba kum kane.

JEREMAÏAH 31:10

“To sngew ïa ka ktien U Trai, ko phi ki jaid bynriew, ban pynpaw ïa ka ha ki 'dewlynnong kiba jngai: bad to ong, ‘uta uba la pynsakma ïa u Israel un lum pat ïa u, bad un sumar ïa u, kumba u nongaplangbrot u leh ïa la ka kynhun.’

ESEKIEL 27:6

Na ki dieng Sning ka Bashan ki la thaw ïa ki boitha jong pha; ki la thaw ïa ki jingshong jong pha da ki bniat hati ba la pyndait ha ki dieng Boks, kiba na ka 'dewlynnong Kittim.

HOSIA 12:14

U Ephraim u la pankwah than eh ban bitar: te ïa ka snam jong u yn iehnoh halor jong u, bad ïa ka jingbeiñ jong u, U Trai jong u un pynphai ha u hi.”

SEPHANAÏAH 2:11

U Trai un long uba shyrkhei ïa ki: naba un pynïapthngan ïa ki blei jong ka khyndew baroh; bad ki briew kin mane ïa U, uwei pa uwei na ki na la ka jaka, ki 'dewlynnong baroh jong ki jaid bynriew.

MATHAÏOS 7:2

Naba da ka jingbishar ba phi bishar, yn bishar ïa phi: bad da ka jingthew ba phi thew, yn thew pat ïa phi.

NONGBISHAR 1:7

U Adoni-besek te u la ong, “Hynñiewphew ki syiem, ba la ot noh ïa ki 'ti kmie bad ïa ki 'jat kmie jong ki, ki la ju khar ïa la ka jingbam hapoh ka miej jong nga: kumba nga la leh, kumta U Blei u la leh kylliang ïa nga.” Te ki la wallam ïa u sha Jerusalem, bad hangta u la ïap.