DANIEL 11:13 - KA BAIBL

¹³ Te uta u syiem na shatei un wan phai pat, bad un ïalum ïa u paidbah uba kham khraw ban ïa uta u banyngkong; bad ha ka bakut ki aïom, ki snem keiñ, un wan lem bad u paidbah bakhraw bad ka spah kaba bun.

Khasi CL Bible (BSI)

¹³ “U syiem ka Syria un leit phai pat bad lum ka kynhun shipai kaba kham khraw ban ïa kaba u la don mynshuwa. Haba ka por babiang ka poi, un wan phai bad ka kynhun shipai kaba khraw bad kaba la kieng atiar bha.

DANIEL 11:13 ပူးပေါင်းရင်းမြစ်များ

DANIEL 11:12

Te yn pynsarong ïa uta u paidbah, bad ka dohnud jong u kan sngewmeng: bad un pynkyllon bun phew hajar, hynrei, un ym jop.

DANIEL 11:14

“Bad ha kita ki por bun kin ïaïeng ïaleh ïa uta u syiem na shathie; bad ki khun jong kita kiba leh jubor hapdeng ki briew jong me kin pynïeng ïa lade ban pyndep ïa kata ka jingithuhpaw; hynrei, kin kyllon noh.

DANIEL 11:40

“Bad ha ka por jong ka bakut, u syiem na shathie un tur sha u: bad u syiem na shatei un wan ïaleh ïa u kum ka lyer langthari, da ki kali ïapom, bad ki shipai shong kulai, bad bun ki lieng ïapom ruh; te un rung hapoh kita ki ri, bad un tap lup bad un ïaid lyngba.

DANIEL 12:7

Bad nga la ïohsngew ïa uta u briew uba la kup jaiñ linen, uba la don halor ki um jong kata ka wah, mynba u la rah ïa ka kti kamon jong u bad ïa ka kti kadiang jong u sha bneng, bad ba u la smai ha uta u ba-im ha la ka rta ba kan long shi por, ki por, bad ka shiteng; bad ynda ki la lah pynduh ïa ka bor jong kita ki briew ki bakhuid, ïa kine baroh yn sa pyndep.

DANIEL 4:16

to ai ba yn pynkylla ïa ka dohnud jong u na ka jong u briew, bad ba un ïoh ïa ka dohnud mrad; bad ai ba hynñiew ki aïom kin lut ha u.