DANIEL 11:12 - KA BAIBL

¹² Te yn pynsarong ïa uta u paidbah, bad ka dohnud jong u kan sngewmeng: bad un pynkyllon bun phew hajar, hynrei, un ym jop.

Khasi CL Bible (BSI)

¹² Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

DANIEL 11:12 ပူးပေါင်းရင်းမြစ်များ

2 SYIEM 14:10

Shisha me la jop ïa ka Edom, bad ka dohnud jong me ka la pynsngew meng ïa me: to sngewsarong ha kata, bad to sah ha la ïing namar balei men leh lushia ïa ka ban sniew, ba men kyllon, ma me keiñ, bad ka Judah lem bad me?”

2 KHRONIKL 25:19

Me ong, ‘Ha khmih, me la jop ïa ka Edom’; bad ka dohnud jong me ka la pynsngew meng ïa me ban sngewsarong: to sah ha la shnong; balei men lushia ban sniew ïa lade, ba men kyllon, ma me hi, bad ka Judah ruh lem bad me?”

2 KHRONIKL 26:16

Hynrei, haba u la man khraw bor, ka dohnud jong u ka la meng kat ïa ka ban sniew, bad u la leh palat ïa U Trai U Blei jong u; naba u la leit rung ha ka templ jong U Trai ban thang jingiwbih halor ka duwan ba thang jingiwbih.

2 KHRONIKL 32:25

Hynrei, u Hesekaïah um shym la ai pat katba kum ka jingmyntoi ba la leh ha u; namar ïa ka dohnud jong u la pynmeng: namar kata, ka jingbitar ka la long halor jong u, bad halor ka Judah bad ka Jerusalem.

PROBERB 16:18

Ka jingsarong ka leit ha shuwa ka jingpynjot, bad ka mynsiem basngewmeng ha shuwa ka jingkyllon.

ESEKIEL 28:17

Ka dohnud jong me ka la meng namar ka jingitynnad jong me, me la pynsniew ïa la ka jingstad na ka daw ka jingphyrnai jong me: nga la bred ïa me ha ka khyndew, nga la buh ïa me ha khmat ki syiem, ba kin shu khmih ïa me.

ESEKIEL 28:2

“Ko khun u briew, to ong ha u nongsynshar ka Tyros, ‘Kumne u ong U Trai U Blei: “ ‘Namar ba ka dohnud jong me ka la sngewmeng, bad me la ong, “Nga long u blei, nga shong ha ka jingshong U Blei, hapdeng ki duriaw;” haba me hi u briew, ym U Blei, la me la buh la ka dohnud kum ka dohnud U Blei:

ESEKIEL 28:5

da ka jingstad bakhraw jong me bad da ka kam khaïi jong me, me la pynkhraw la ki spah, bad ka dohnud jong me ka la meng namar ki spah jong me:’ ”

DANIEL 11:11

Te uta u syiem na shathie un khih bitar, bad un mih noh bad un ïaleh thma bad u, bad uta u syiem na shatei keiñ: te un ïalum ïa u paidbah bakhraw, bad ïa uta u paidbah yn ai noh ha ka kti jong u.

DANIEL 11:13

Te uta u syiem na shatei un wan phai pat, bad un ïalum ïa u paidbah uba kham khraw ban ïa uta u banyngkong; bad ha ka bakut ki aïom, ki snem keiñ, un wan lem bad u paidbah bakhraw bad ka spah kaba bun.

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

DANIEL 8:25

Bad da ka buit jong u, un pynroi ïa ka jingshukor ha ka kti jong u; bad un pynkhraw ïa lade ha la ka dohnud, bad ha ka jingsngewshngain jong ki, shibun un pynjot; un ïeng ïaleh ruh ïa uta U Syiem ki syiem; hynrei, yn pynlwet ïa u ym da ka kti.

DEUTERONOMI 8:14

te hadien kata ba ka dohnud jong me ka da sngewkhraw, bad men klet te ïa U Trai uba U Blei jong me, uba la wallam noh ïa me na ka ri Ijipt, na kata ka ïing ka jinglongmraw;

1 TIMOTHI 3:6

ym u synran ba dang shibit, ïoh ba ynda u la sngewmeng, un hap sha ka jingpynrem jong u Soitan.

1 PETROS 5:5

Kumjuh, phi ki samla, to kohnguh ha kiba kham tymmen. Hynrei, baroh to phin ïakup ïa ka jingsngewrit ïa ka ban shakri paralok hi: naba “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”