DANIEL 11:11 - KA BAIBL

¹¹ Te uta u syiem na shathie un khih bitar, bad un mih noh bad un ïaleh thma bad u, bad uta u syiem na shatei keiñ: te un ïalum ïa u paidbah bakhraw, bad ïa uta u paidbah yn ai noh ha ka kti jong u.

Khasi CL Bible (BSI)

¹¹ U syiem Ijipt ha la ka jingbitar un leit sha ka thma pyrshah ïa u syiem ka Syria bad kem ïa ka kynhun shipai bakhraw jong u.

DANIEL 11:11 ပူးပေါင်းရင်းမြစ်များ

1 SYIEM 20:13

Te ha khmih, uwei u nongïathuhlypa u la wan ha u Ahab u syiem ki Israel, bad u la ong, “Kumne ong U Trai, ‘Me la ïohi ïa une u paidbah babun baroh? ha khmih, ngan ai noh ïa u ha ka kti jong me ha kane ka sngi; bad men sa tip ba ma nga, nga long U Trai.’ ”

1 SYIEM 20:28

Bad uta u briew U Blei u la wan bad u la kren ha u syiem ki Israel, bad u la ong, “Kumne ong U Trai, ‘Namar ba ki nong Syria ki la ong, “Uta U Trai u long u Blei ki lum, hynrei, um long u Blei ki them;” namar kata, ngan ai noh ïa une u paidbah baroh ha ka kti jong me, bad phin sa tip ba ma nga, nga long U Trai.’ ”

SALM 76:10

Shisha ka jingbitar u briew kan ïaroh ïa me: kaba sah ka jingbitar men panpoh ha me.

JEREMAÏAH 27:6

Mynta te nga la ai noh ïa kine ki ri baroh ha ka kti u Nebukhadnessar u syiem ka Babilon, u shakri jong nga; bad ïa ki mrad ha khlaw nga la ai ha u ban shakri ïa u.

DANIEL 11:12

Te yn pynsarong ïa uta u paidbah, bad ka dohnud jong u kan sngewmeng: bad un pynkyllon bun phew hajar, hynrei, un ym jop.

DANIEL 11:40

“Bad ha ka por jong ka bakut, u syiem na shathie un tur sha u: bad u syiem na shatei un wan ïaleh ïa u kum ka lyer langthari, da ki kali ïapom, bad ki shipai shong kulai, bad bun ki lieng ïapom ruh; te un rung hapoh kita ki ri, bad un tap lup bad un ïaid lyngba.

DANIEL 11:44

Hynrei, ki jingbna na mihngi bad na shatei kin pynkhuslai ïa u: bad un mih noh da ka jingbitar bakhraw ban pynjot bad ban pynduh noh khoit ïa kiba bun.

DANIEL 11:5

“Bad uta u syiem na shathie un long uba don bor, hynrei, uwei na ki rangbah jong u un kham don bor ïa u, bad un ïoh ka jingsynshar; ka jingsynshar jong u kan long ka jingsynshar kaba khraw.

DANIEL 2:38

bad kat ha kaba ki shong ki khun bynriew, u la ai ha ka kti jong me ïa ki mrad khlaw bad ïa ki sim bneng, bad u la buh ïa me ban synshar halor jong ki baroh: me long kata ka khlieh ksiar.

DANIEL 8:7

Bad nga la ïohi ba u la wan hajan uta u langbrot, bad u la bitar lep ïa u, bad u la pakhuh ïa uta u langbrot, bad u la pynkheiñ baroh ar tylli ki reng jong u; bad ym shym don bor ha uta u langbrot ban ïeng ha khmat jong u: hynrei, u la pynkyllon ïa u ha khyndew, bad u la ïuh roit ïa u; bad ym shym don uba lah ban pyllait ïa uta u langbrot na ka kti jong u.