DANIEL 11:10 - KA BAIBL

¹⁰ “Hynrei, ki khun shynrang jong u kin ïahiar thma, bad kin ïalum ïa u paidïapom bakhraw, u ban wan, bad u ban tap lup, bad u ban ïaid lyngba: bad kin phai pat sha ka kut jong u keiñ, bad kin ïaleh thma.

Khasi CL Bible (BSI)

¹⁰ “Ki khun shynrang jong u syiem ka Syria kin pynkhreh ïa ka thma bad ki ïalum ka kynhun shipai bakhraw. Kawei na ki kan sar kum ka jingshlei um bad kan tur ïaleh ïa ka kut jong u nongshun.

DANIEL 11:10 ပူးပေါင်းရင်းမြစ်များ

ISAÏAH 25:12

Ïa ka kut baskhem ruh jong ka kut bajrong ki kynroh jong me u la pyndem, pynhiar, bad pynhap ha khyndew, haduh ka 'dewmet keiñ.

JEREMAÏAH 51:42

Ka duriaw ka la wan kiew halor ka Babilon: la tap lup ïa ka da ki jingbun ki jingat phyllung jong ka.

DANIEL 11:22

Bad da ki ksang'ti jong ka jingshlei yn kit noh ïa ki na khmat jong u, bad yn pynduh noh ïa ki; shisha, bad ïa u rangbah jong kata ka jutang ruh.

DANIEL 11:26

Shisha keiñ kita kiba bam na ka jingbam jong u kin pynjot ïa u, bad u paidïapom jong u, un shlei noh: bad bun kin kyllon ïap.

DANIEL 11:7

“Hynrei, na u shylluit uba na ki thied jong ka, un ïeng uwei ha ka jaka jong u, u ban wan sha u paidïapom, bad un rung shapoh ka kut jong uta u syiem na shatei, bad un ïaleh ïa ki, bad un jop:

DANIEL 11:9

Te un wan shapoh ka hima jong uta u syiem na shathie, hynrei, un phai pat sha la ka ri hi.

DANIEL 9:26

Te hadien kita ki hynriewphew ar taïew, ïa uta uba la sleh yn ot noh, bad un ym ïoh ei ei ruh: bad ki briew jong uta u syiem u ban wan, kin pynjot noh ïa kata ka nongbah bad ïa kata ka jaka kyntang; bad ka bakut jong u kan long da ka jingshlei, te haduh ka bakut keiñ kan long ka thma; la thmu ïa ki jingpynjot.