DANIEL 10:9 - KA BAIBL

⁹ Pynban, nga la ïohsngew ïa ka jingsawa ki ktien jong u: te haba nga la ïohsngew ïa ka jingsawa ki ktien jong u, hangta nga la lap ha ka jingïohthiah lyngngai da pyllup, la ka khmat sha ka khyndew keiñ.

Khasi CL Bible (BSI)

⁹ Haba nga la ïohsngew ïa ka sur jong u, nga la kyllon ha khyndew khlem tipbriew bad nga thiah pyllup hangta.

DANIEL 10:9 ပူးပေါင်းရင်းမြစ်များ

JENESIS 15:12

Bad haba ka sngi kan sa sep noh, la shoh samthiah eh ïa u Abram; bad ha khmih, ka jingsngewkyiuh bad ka jingdum ka bakhraw ka la ngat ha u.

JENESIS 2:21

Te U Trai uba U Blei u la pynngat ha u Adam da ka jingsamthiah kaba jur, u ruh u la ïohthiah: bad u la shim ïa kawei na ki shyieng krung jong u, bad u la set pat da ka doh ha ka jaka jong ka;

Ka Kitab U Job 33:15

Ha ka jingphohsniew, ha ka jingithuhpaw mynmiet, haba ka jingïohthiah lyngngai ka hap ha ki briew, ha ki jingsamthiah ha jingthiah;

Ka Kitab U Job 4:13

Ha ki jingmut kiba na ki jingithuhpaw mynmiet, haba ka jingïohthiah lyngngai ka hap ha ki briew,

JINGRWAI SOLOMON 5:2

Nga la ïohthiah, hynrei, ka dohnud jong nga ka la kyndit: ka long ka jingsawa uta u ba-ieit jong nga ba tied, ka da ong, “To plie ïa nga, ko ka para jong nga, ka ba-ieit jong nga, ka paro jong nga, ka bakhuid jong nga: namar ka khlieh jong nga ka dap da ka umjer, bad u shñiuh jong nga da ki jingjaw jong ka miet.”

DANIEL 10:16

Te ha khmih, uwei uba kum u khun bynriew u la ktah ïa ki rmiang shyntur jong nga: ynda kumta, nga la ang la ka shyntur bad nga la kren bad nga la ong ha uta uba ïeng ha khmat jong nga, “A kynrad jong nga, ki jingsngewsih jong nga ki la tyllep ïa nga namar kata ka jingithuhpaw, te ka bor kam don shuh ha nga.

DANIEL 8:18

Te katba u dang kren bad nga, nga la lap kaba ïohthiah lyngngai da pyllup ha khyndew: hynrei, u la ktah ïa nga, bad u la pynïeng ïa nga.

HABAKKUK 3:16

Nga la ïohsngew, te ka kpoh jong nga ka la kyiuh, ki rmiang shyntur jong nga ki la khynñiuh ha kata ka jingsawa; ka jingpyut ka la bsut sha ki shyieng jong nga, bad nga la kyiuh ha la ka jaka: ba ngan ïoh shongthait ha ka sngi ka jingjynjar, haba ka wan kiew pyrshah ïa uta u paidbah uba wan bun kynhun ban hiar thma ïa u.

LOUKAS 22:45

Te haba U la ïeng na kata kaba duwai, U la wan ha ki synran jong U, bad U la shem ïa ki ba ki da ïohthiah na kaba sngewsih;

LOUKAS 9:32

U Petros te bad kita kiba don lem bad U ki la sngewkhia da kaba samthiah, hynrei, haba ki la peitmat bha, ki la ïohi ïa ka burom jong U, bad ïa kita ar ngut ki rangbah kiba la ïeng lem bad U.

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;