DANIEL 10:6 - KA BAIBL

⁶ ka met jong u ruh ka la long kum u Beril, bad ka khmat jong u, kum ka leilieh, bad ki khmat jong u, kum ki sharak ba la thang, bad ka rong ki ksang'ti bad ki kjat jong u ka la long kum ka rnong ba la pynphyrnai, bad ka jingsawa ki ktien jong u, kum ka jingsawa u paidbah.

Khasi CL Bible (BSI)

⁶ Ka met jong u ka tyngshaiñ kum u mawlynnai. Ka durkhmat jong u ka thaba kum ka jingthaba ka leilieh, bad ki khmat jong u ki la meh kum ka ding. Ki kti bad ki kjat jong u ki tyngshaiñ kum ka rnong ba la shut phyrnai, bad ka sur jong u ka sawa kum ka jingkyrhuh u paidbah bakhraw.

DANIEL 10:6 ပူးပေါင်းရင်းမြစ်များ

EKSODOS 28:20

Bad ka kyrdan ka basaw, u Beryl, bad u Oniks, bad u Jasper; yn thep ïa ki ha ka ksiar ha ki jaka ker jong ki.

JINGRWAI SOLOMON 5:14

Ki kti jong u ki long kum ki kyrwoh ksiar ba la pyndait Beryl; ka met jong u ka long kum ka jingthaw bniat hati ba la dap da u Sapheiros.

ESEKIEL 1:14

Bad kita ki jingthaw ba-im ki la ïamareh bad ki la ïaphai kum ka jing-i ïa ka jingba ka leilieh.

ESEKIEL 1:16

Ka jing-i ïa kita ki shalyntem bad ïa ka jingtrei jong ki ka la long kum ka rong u maw Beril: bad ki baroh saw, ki la don kawei ka dur: ka jing-i jong ki bad ka jingtrei jong ki ruh ka la i kumba kawei ka shalyntem ka la long hapdeng kawei pat ka shalyntem.

ESEKIEL 1:24

Te haba ki la ïaid, nga la ïohsngew ïa ka jingsawa ki thapniang jong ki kum ka jingsawa ki um bah, kum ka jingsawa U Badonbor Baroh, ka jingsawa ka jingkhihwin keiñ kum ka jingsawa u paid: haba ki la ïeng, ki la pynhiar la ki thapniang.

ESEKIEL 1:7

Bad ki kjat jong ki, ki la long ki kjat kiba beit; bad ka poh'jat jong ki ka la long kum ka poh'jat ka khnap khun masi: bad ki la thaba kum ka rong ka rnong ba la pynphyrnai.

ESEKIEL 10:9

Te nga la khmih, bad ha khmih, saw tylli ki shalyntem hajan kita ki Kherub, kawei ka shalyntem hajan uwei u Kherub, bad kawei pat ka shalyntem hajan uwei pat u Kherub: bad ka jing-i kita ki shalyntem ka la long kum ka rong u maw Beril.

ESEKIEL 40:3

Bad u, u la lam ïa nga shata, bad ha khmih, la don u briew, ka jing-i jong u ka long syriem kum ka jing-i ka rnong, lem bad u ksai uba da u 'saihon, bad u dieng thew ruh ha ka kti jong u; bad u la ïeng ha ka khyrdop.

ESEKIEL 8:2

Te nga la khmih, bad ha khmih, kawei ka dur kaba i kum ka ding; naduh bapaw ka syngkai jong u arsut, ka ding; bad naduh ka syngkai jong u artet, i kum ka jingphyrnai, kaba i kum ka rong ka laha.

MATHAÏOS 17:2

bad la pynkylla dur ïa u ha khmat jong ki; ka khmat jong u te ka la tyngshaiñ kum ka sngi, bad ki jaiñ jong u ki la long lieh kum ka jingshai.

MATHAÏOS 28:3

Ka khmat jong u te ka la long kum ka leilieh, bad ka jaiñ jong u ka la lieh kat ka ïor.

LOUKAS 9:29

Te katba u dang duwai, ka dur ka khmat jong u ka la kylla, bad ka jaiñ jong u ka la lieh phyrnai eh.

JINGPYNPAW 10:1

Bad nga la ïohi ïa uwei pat u angel bakhrawbor ba u wan hiar na bneng, uba la kup da u lyoh; bad u simpyllieng halor ka khlieh jong u, bad ka khmat jong u ka la kum ka sngi, bad ki kjat jong u, kum ki rijied ding;

JINGPYNPAW 19:12

Te ki khmat jong u ki kum ka thylliej ka ding, bad halor ka khlieh jong u don ki pansngiat shibun: u don ruh ka kyrteng ba la thoh, ïa kaba uno uno ruh um ithuh, hynrei, tang ma u hi.

JINGPYNPAW 2:18

“Bad ha uta u angel jong ka balang kaba ha Thiateira to thoh: Ïa kine kiei kiei ruh u ong U Khun U Blei, uba don la ki khmat kum ka thylliej ka ding, bad ki kjat jong u kiba kum ka rnong baphyrnai:

JINGPYNPAW 21:20

kata ka basan, da u Sardonyks; kata ka bahynriew, da u Sardios; kata ka bahynñiew, da u Khyrsoleit; kata ka baphra, da u Beryl; kata ka bakhyndai, da u Topas; kata ka bashiphew, da u Khrusoprasos; kata ka bakhatwei, da u Hyakinthos; kata ka bakhat-ar, da u Amethyst.