DANIEL 10:3 - KA BAIBL

³ Ngam shym bam jingbam babang, lymne ym shym la don ka doh lane ka Waiñ ha ka shyntur jong nga, lymne ngam shym sleh ïa lade satia, tad ynda la dap lai taïew.

Khasi CL Bible (BSI)

³ Ngam shym bam ïa kano kano ka jingbam bang lane kano kano ka doh, lane dih ïa kano kano ka waiñ, lane sad ïa u shñiuh jong nga tad haduh ba ki lai taïew ki la leit noh.

DANIEL 10:3 ပူးပေါင်းရင်းမြစ်များ

2 SAMUEL 19:24

Bad u Mephibosheth u khun u Saul ruh u la wan hiar ban tan ïa u syiem; te um shym la sum ïa la ki kjat, lymne shna ïa la ki tmain, lymne sait ïa la ki jaiñ, naduh kata ka sngi ba u la leit noh u syiem haduh ka sngi ba u la wan sha la ïing ha kaba suk.

Ka Kitab U Job 33:20

ba kumta, ka jingim jong u ka isih ïa u kpu, bad ka mynsiem jong u ïa ka jingbam ka babang.

DANIEL 10:12

Ynda kumta, u la ong ha nga, “To wat sheptieng, ko Daniel; namar naduh kata ka sngi ka banyngkong ha kaba me la buh ïa la ka dohnud ban sngewthuh, bad ban pyndem ïa lade ha khmat U Blei jong me, la sngew ïa ki ktien jong me: bad na ka bynta ki ktien jong me nga la wan.

DANIEL 11:8

bad ïa ki bleithaw jong ki, bad ïa ki durblei ba la shu saiñ jong ki, bad ïa ki khiew babha jong ki, kiba da ka rupa bad ka ksiar, un ring mraw sha Ijipt; bad un kynran khyndiat snem na uta u syiem na shatei.

DANIEL 6:18

Ynda kumta, u syiem u la leit sha la ïing, bad u la pynleit ïa kata ka miet da kaba shah jingit: lymne ym shym la wallam jingtem ha khmat jong u: bad ka jingïohthiah ka la duh noh na u.

AMOS 5:11

Namar kata, naba phi ïaïuh roit ïa u baduk, bad ba phi khrong khia ïa u Kew na u: phi la tei ïa ki ïing da ki maw ba la shniah, hynrei, phin ym ïoh shong ha ki; phi la thung ki brisoh Waiñ kiba itynnad, hynrei, phin ym ïoh dih na ka Waiñ jong ki.

NAHUM 2:9

“To shim ïa ka jinglute ka rupa, shim ïa ka jinglute ka ksiar: naba ym don ka bakut shuh ïa kata ka jingkynshew, ka burom ka jingbuh jingsat ba-itynnad baroh.”

MATHAÏOS 6:17

Hynrei, me, haba me shah jingit, to sleh ïa la ka khlieh, bad bta ïa la ka khmat;

LOUKAS 7:46

mem shym la pynsleh ïa ka khlieh jong nga da ka umphniang, hynrei, kane, ka la pynsleh ïa ki kjat jong nga da ka jingsleh:

1 KORINTH 9:27

hynrei, nga pynshitom khop ïa la ka met, bad nga ïalam mraw ïa ka keiñ; ïoh ba kumno re kumno, ynda la lah ïalap ha kiwei, ngan jia long ïa lade ïa uba la kyntait noh.