DANIEL 10:20 - KA BAIBL

²⁰ Ynda kumta, u la ong, “Me tip balei nga la wan sha me? te mynta ngan leit phai pat ban ïaleh bad u syiem ka Persha; bad haba nga leit mih noh, ha khmih, u syiem ka Gris un wan.

Khasi CL Bible (BSI)

^20-21 U la ong, “Hato me tip balei ba nga la wan sha me? Ka long ban pynpaw ha me ïa kaei kaba la thoh ha ka Kitab ka Jingshisha. Mynta nga dei ban leit noh pat bad ban ïaleh ïa u angel ïada jong ka Persia. Hadien kata, u angel ïada jong ka Gris un mihpaw. Ym don mano mano ban ïarap ïa nga lait noh u Mikhael, u angel ïada jong ka Israel.

DANIEL 10:20 ပူးပေါင်းရင်းမြစ်များ

ESRA 4:4

Te ki briew jong kata ka ri ki la pynduna bor ïa ki kti u paidbah Judah bad ki la pynshitom ïa ki ha kaba tei,

ISAÏAH 37:36

Te u angel U Trai u la mih noh, bad u la shoh ïap ha ka jaka shong dara jong ki nong Assyria shispah phraphew san hajar: te haba ki briew ki la khie mynstep eh, ha khmih, ki baroh ki la long ki metïap.

DANIEL 10:13

Hynrei, u syiem jong ka hima Persha u la ïeng ïaleh ïa nga arphew wei sngi; hynrei, ha khmih, u Meikhal, uwei u rangbah na ki bakhraw, u la wan ïarap ïa nga: te nga la sah hangta bad ki syiem ka Persha.

DANIEL 7:6

Hadien kane, nga la khmih, bad ha khmih, sa uwei pat kum u 'labasa, uba la don saw tylli ki thapniang sim ha ka ingdong jong u; uta u mrad u la don saw tylli ki khlieh ruh; bad ïa ka jingsynshar la ai ha u.

DANIEL 8:21

Bad uta u 'lang sohmoh uba runar u long u syiem ka Gris: bad kata ka reng bakhraw kaba hapdeng ki khmat jong u, ka long u syiem u banyngkong.

KI KAM 12:23

Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.