DANIEL 10:12 - KA BAIBL

¹² Ynda kumta, u la ong ha nga, “To wat sheptieng, ko Daniel; namar naduh kata ka sngi ka banyngkong ha kaba me la buh ïa la ka dohnud ban sngewthuh, bad ban pyndem ïa lade ha khmat U Blei jong me, la sngew ïa ki ktien jong me: bad na ka bynta ki ktien jong me nga la wan.

Khasi CL Bible (BSI)

¹² Nangta u la ong, “Ko Daniel, to wat sheptieng. U Blei u la shahshkor ïa ki jingduwai jong me naduh ka sngi kaba nyngkong ba me la kut jingmut ban pynrit ïa lade khnang ban ïoh ïa ka jingshemphang. Nga la wan ban ai jubab ïa ka jingduwai jong me.

DANIEL 10:12 ပူးပေါင်းရင်းမြစ်များ

SALM 69:10

Haba nga la ïam, bad nga la pynshitom ïa la ka mynsiem da ka jingshah jingit, kata ka la long ka jingkrenbeiñ ïa nga.

ISAÏAH 35:4

To ong ha kita kiba ka dohnud ka sheptieng, “To long skhem, wat sheptieng: ha khmih, U Blei jong phi un wan lem bad ka jingpynhiar kput, lem bad ka jingleh kylliang U Blei; un wan bad un pynim ïa phi.”

ISAÏAH 41:10

to wat sheptieng me, namar nga long ryngkat bad me; wat sngewma, namar nga long U Blei jong me: ngan pynshaitbor ïa me; ho-oid, ngan ïarap ïa me; ho-oid, ngan kyrshan ïa me da ka kti kamon ka hok jong nga.

ISAÏAH 41:14

Wat sheptieng, me u Jakob uba kum u khñiang, bad phi ki rangbah Israel; nga ngan ïarap ïa me, ong U Trai, U Nongsiewspah jong me, uta U Bakhuid jong ki Israel.

ISAÏAH 58:9

Ynda kumta, men khot, bad U Trai un sngew; men kyrpad, u te un ong, ‘Nga hangne’. “Lada men shim noh napdeng jong me ïa ka lyngkor, ïa kaba kdew noh ïa ka shynriah'ti, bad ïa kaba kren sniew;

ISAÏAH 65:24

Te kan jia ruh haba kim pat khot kyrpad, ngan phai ktien; bad katba ki dang kren, ngan sngew.

DANIEL 10:11

Bad u la ong ha nga, “Ko Daniel, me u briew ïa uba la ieit eh, to sngewthuh ïa ki ktien kiba nga kren ha me, bad to ïeng beit; namar ha me la phah ïa nga mynta”: bad haba u la lah kren ïa kane ka ktien ha nga, nga la ïeng da kaba khynñiuh.

DANIEL 10:19

Bad u la ong, “A u briew ïa uba la ieit eh, to wat sheptieng: to long ka jingsuk ïa me, to long uba khlaiñ, shisha, to long uba khlaiñ.” Te ynda u la kren ha nga, la pynkhlaiñ ïa nga, bad nga la ong, “To u kynrad jong nga un kren; namar me la pynkhlaiñ ïa nga.”

LEBITIKOS 16:29

“Bad kane kan long ka hukum junom ïa phi pateng la pateng: ba ha u bnai u bahynñiew, ha ka sngi ka bashiphew jong uta u bnai, phin leh sngewsih ïa la ki mynsiem, bad phin ym kam ïa kano kano ruh ka jingkam da lei lei ruh, la u long u parakher paramer, lane u nongwei uba wanhap hapdeng jong phi:

LEBITIKOS 16:31

Ka long ka Sabbaton ka jingshongthait ïa phi, bad phin pynkhuslai ïa la ki mynsiem; da ka hukum ba-neh junom.

JINGKHEIÑ 29:7

“Bad ha ka sngi bashiphew une u bnai bahynñiew, kan long ka jingïaseng ka bakyntang ha phi; te phin pynshitom ïa la ki mynsiem; wat trei shuh ïa ka kam ei ei ruh ha ka:

MATHAÏOS 28:10

Ynda kumta, U Jisu u la ong ha ki, “To wat sheptieng! to khie leit noh, to ïathuh ha ki para jong nga, ba kin leit sha Galilaïa, hangta ruh kin ïohi ïa nga.”

MATHAÏOS 28:5

Hynrei, uta u angel u da ïathuh u la ong ha kita ki kynthei, “To wat sheptieng phi; naba nga tip ba phi ïawad ïa U Jisu ïa uba la sahnarphna:

MARKOS 16:6

U te u la ong ha ki, “Wat sheptieng; phi wad ïa U Jisu uba na Nasaret, ïa uba la sahnarphna? U la mihpat, um don hangne: ha khmih ka jaka ha kaba ki la ïabuh ïa U.

LOUKAS 1:13

Hynrei, uta u angel u la ong ha u, “Wat sheptieng, ko Sakharaïa: naba la shahshkor ïa ka jingduwai jong me; te ka tnga jong me ka Elisabet kan kha khun shynrang ïa me, bad men khot ïa ka kyrteng jong u, ‘u Ïoannis’:

LOUKAS 1:30

Uta u angel u la ong te ha ka, “To wat sheptieng, ko Mari; naba pha la shem ka jingaiei bad U Blei:

LOUKAS 2:10

Hynrei, uta u angel u la ong ha ki, “Wat sheptieng; naba ha khmih, nga wallam ha phi ïa ka khubor babha ka jingkmen bakhraw ka ban long ha ki briew baroh:

LOUKAS 24:38

U la kylli te ïa ki, “Balei phi ïasngewtieng? bad namar balei ba ki jingmut artatien ki ïamih ha ki dohnud jong phi?

KI KAM 27:24

u da ong, ‘Ko Paul, wat sheptieng; ka dei ïa me ban ïeng ha khmat u Kaisar. Ha khmih ruh U Blei u la ai ha me ïa kito baroh kiba ïaid lieng lem bad me.’

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;