DANIEL 1:9 - KA BAIBL

⁹ Te U Blei u la pynshem ïa u Daniel ka jingsngewbha bad ka jingieit ha khmat uta u rangbah ki ïunukh.

Khasi CL Bible (BSI)

⁹ bad U Blei u la pynlong ïa u Ashkenas ban pyrkhat sngewlem ïa u Daniel.

DANIEL 1:9 ပူးပေါင်းရင်းမြစ်များ

JENESIS 32:28

U Angel pat u la ong, “Yn ym khot shuh ïa ka kyrteng jong me, ‘u Jakob’, hynrei ‘u Israel’: naba kum u syiem me la ïoh bor bad U Blei bad ki briew, te me la jop ruh.”

JENESIS 39:21

Hynrei, U Trai u la don ryngkat bad u Joseph, bad u la pyni ïa ka jingisynei ïa u, bad u la ai ha u ka jingmonbha ha khmat u nongap ïing byndi.

1 SYIEM 8:50

bad to map ïa ki briew jong me kiba la leh pop ïa me, bad ïa ki jingpalat jong ki baroh ha kiba ki la leh palat ïa me; bad to ai kin shem jingisynei ha khmat kita kiba la ring mraw ïa ki, ba kita kin leh isynei ïa ki:

NEHEMAÏAH 1:11

A Trai, nga kyrpad ïa me, to pynshah mynta ïa ka shkor jong me ha ka jingduwai u shakri jong me, bad ha ki jingduwai ki shakri jong me, kiba sngewbha ban sheptieng ïa ka kyrteng jong me; bad pynman bha, nga kyrpad ïa me, ïa la u shakri ha kane ka sngi, bad ai ka jingisynei ha u ha khmat une u briew.” Namar nga la long u nongrah khuri ïa u syiem.

NEHEMAÏAH 2:4

Ynda kumta, u syiem u la ong ha nga, “Kaei me kyrpad?” Hangta nga la duwai ha U Blei ka bneng.

ESTHER 2:9

Te kata ka 'thei samla ka la pynsngewbha ïa u, bad ka la ïoh jingleh ieit na u; bad u la ai shisyndon ha ka, ïa kita kiei kiei ban pynkhuid ïa ka, lem bad ki bynta jong ka, bad ïa ki hynñiew ngut ki 'thei samla, kiba ibit ban ai ha ka, na ka ïing u syiem: bad u la pynkynriah noh ïa ka bad ïa ki 'thei samla jong ka sha ka jaka ba kham bha ha ka ïing ki kynthei.

Ka Kitab U Job 5:15

Hynrei, u pynim na ka waitlam ka shyntur jong ki, ïa u baduk keiñ na ka kti jong uba don bor.

Ka Kitab U Job 5:16

Kumta u baduk u don jingkyrmen, bad ka jingbymhok ka khang la ka shyntur.

SALM 106:46

U la pynlong ruh ba kita baroh kiba la ring mraw ïa ki, ki la isynei ïa ki.

SALM 4:3

Hynrei, to tip ba U Trai u la buh kyrpang ïa uba riewblei na ka bynta ïa lade: U Trai un sngew haba ngan kyrpad ïa u.

PROBERB 16:7

Haba ki lynti u briew ki pynsngewbha ïa U Trai, u pynlong wat ïa ki nongshun jong u ba kin ïasuk bad u.

DANIEL 1:10

Bad uta u rangbah ki ïunukh u la ong ha u Daniel, “Nga sheptieng ïa u kynrad jong nga u syiem, uba la buh ïa ka jingbam bad ïa ka jingdih jong phi: namar balei un ïohi ba ki khmat jong phi ki kham sniew ban ïa kita ki samla kiba ïabiang ka rta bad phi? Kumta, phin pynrem ïa ka khlieh jong nga ha khmat u syiem.”

KI KAM 7:10

bad U la pyllait ïa u na ki jingjynjar jong u baroh, bad U la ai ha u, ka jingpynieit bad ka jingstad ha khmat u Pharaoh u syiem ka Ijipt, bad u la thung nongsynshar ïa u halor ka Ijipt, bad halor ka ïing jong u baroh.