DANIEL 1:8 - KA BAIBL

⁸ Hynrei, u Daniel u la thmu ha la ka dohnud ba un ym pyntngit ïa lade da ka jingbam syiem, lymne da ka Waiñ ba u dih: namar kata, u la kyrpad ïa u rangbah ki ïunukh ba um dei ban pyntngit ïa lade.

Khasi CL Bible (BSI)

⁸ U Daniel u la kut jingmut ban ym shah ïa lade ban long u bymkhuid kat kum ka jinglehniam da kaba bam ïa ka jingbam bad dih ïa ka waiñ jong ka ïingbishar syiem, kumta u la kyrpad ïa u Ashkenas ban ïarap ïa u,

DANIEL 1:8 ပူးပေါင်းရင်းမြစ်များ

1 SYIEM 5:5

Te ha khmih, nga thmu ban tei ka ïing ïa ka kyrteng U Trai U Blei jong nga, kumba U Trai u la kren ha u Dabid u kpa jong nga, u da ong, ‘U khun jong me, uba ngan pynshong halor ka khet jong me ha ka jaka jong me, un tei ka ïing ïa ka kyrteng jong nga.’

SALM 106:28

Ki la pynïasoh ïa lade ruh ha u Baal-peor, bad ki la bam ïa ki jingkñia jong ki baïap.

SALM 119:106

Nga la smai, bad nga la pynskhem ïa ka, ba ngan sumar ïa ki jingbishar hok jong me.

SALM 119:115

To kynriah noh na nga, phi ki nongleh bymman; ba ngan ïoh sumar ïa ki hukum U Blei jong nga.

SALM 141:4

Wat pyndem ïa ka dohnud jong nga sha kano kano ka basniew, ïa ka ban lap miet ha ki jingleh ka jingsniew lem bad ki briew kiba leh ïa ka bymman: bad wat ai ba ngan bam na ki jingbam babang jong ki.

PROBERB 23:3

Wat sngewkwah ïa ki jingbam bang jong u; haba ki long ki jingbam bashukor.

DANIEL 1:5

Bad u syiem u la buh ka bynta ba ha la ka sngi ïa ki na ka jingbam syiem, bad na ka Waiñ kaba u dih, bad ba yn bsa ïa ki lai snem; ba ha ka bakut kita ruh ki lah ban ïeng ha khmat u syiem.

DANIEL 5:4

Ki la ïadih Waiñ, bad ki la ïaroh ïa ki blei kiba da ka ksiar, bad da ka rupa, da ka rnong, da u nar, da ka dieng, bad da u maw.

KI KAM 11:23

uba haba u la poi, bad ba u la ïohi ïa ka jingaiei ka jong U Blei, u la sngewkmen, bad u la kyntu ïa ki baroh, ba da ka jingthmu skhem ka dohnud kin snoh ha U Trai:

KI KAM 15:20

hynrei, ba ngin thoh sha ki, ba kin kyndiah noh na ki jingbit-tngit ki bleithaw, bad na kaba klim, bad na kaba la khyrwait, bad na ka snam de;

1 KORINTH 7:37

Hynrei, uta uba ïeng skhem ha la ka dohnud, bad u bymdonkam, hynrei, u don bor ha la ka mon hi, bad u la kut jingmut ïa kane ha la ka dohnud, ïa ka ban ri kyndong ïa kata ka khun sotti jong u, u leh bha.

2 KORINTH 9:7

Uwei pa uwei na phi katba u thmu ha la ka dohnud, kumta un ai: ym na kaba sngewsih lane na kaba pynbor, namar U Blei u ieit ïa uba ai da kaba kmen keiñ.

DEUTERONOMI 32:38

kiba la bam ïa ka khleiñ ki jingkñia jong ki, bad kiba la dih ïa ka Waiñ ki jingainguh dih jong ki? to ai kin ïamih ban ïarap ïa phi, to ai kin long ka jingïada ïa phi.