DANIEL 1:7 - KA BAIBL

⁷ Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

Khasi CL Bible (BSI)

⁷ U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

DANIEL 1:7 ပူးပေါင်းရင်းမြစ်များ

JENESIS 41:45

Bad u Pharaoh u la khot kyrteng “u Saphnath-Paaneah” ïa u Joseph; bad u la ai ha u ïa ka Asenath ka khun u Potipherah, u lyngdoh ka shnong On, ban long ka tnga jong u. Ynda kumta, u Joseph u la leit noh lyngba ka ri Ijipt.

2 SYIEM 23:34

Bad u Pharaoh-nekoh u la pynlong syiem ïa u Eliakim u khun u Josaïah ha ka jaka u Josaïah u kpa jong u, bad u la pynkylla ïa ka kyrteng jong u, “u Jehoïakim”: hynrei, u la shim noh ïa u Jehoahas; bad ynda u la poi sha ka ri Ijipt, u la ïap hangta.

2 SYIEM 24:17

Bad u syiem ka Babilon u la pynlong syiem ha ka jaka jong u ïa u Mathaniah u para u kpa jong u, bad u la pynkylla ïa ka kyrteng jong u, u Sedekaïah.

DANIEL 1:19

Bad u syiem u la ïakren bad ki; te hapdeng jong ki baroh, ym shym la shem uwei ruh kum u Daniel, u Hananiah, u Mishael, bad u Asariah: namar kata, ki la ïeng ha khmat u syiem.

DANIEL 1:3

Bad u syiem u la ong ïa u Aspenas u rangbah ki ïunukh jong u, ban wallam na ki khun Israel, na ka jaid syiem bad na ki bakhraw batri keiñ;

DANIEL 10:1

Ha ka snem ka balai jong u Seiros syiem ka Persha la pynpaw ei ei ha u Daniel, ïa uba la khot “u Belteshassar”; kata ruh ka la long kaba shisha, ka thma ka bakhraw keiñ: bad u la sngewthuh ïa kata, bad u la ïoh ka jingshemphang ïa kata ka jingithuhpaw.

DANIEL 2:26

U syiem u la ïathuh bad u la ong ha u Daniel, uba ka kyrteng u Belteshassar, “Me lah ban pyntip ha nga ïa kata ka jingphohsniew ïa kaba nga la ïohi, bad ïa ka jingbatai de?”

DANIEL 2:49

Te u Daniel u la kyrpad ïa u syiem, bad u la buh ïa u Shadrak, ïa u Meshak, bad ïa u Abednego, halor ki kam ka shnat jong ka Babilon; hynrei, u Daniel u la shong ha ka khyrdop u syiem.

DANIEL 4:5

Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 4:8

Hynrei, ha ka bakhatduh u la wan ha khmat jong nga u Daniel, uba kyrteng ‘u Belteshassar’, kum ka kyrteng u blei jong nga, bad uba ka mynsiem kita ki blei bakhuid ka don ha u: bad nga la ïathuh ïa kata ka jingphohsniew ha khmat jong u, nga da ong,

DANIEL 5:12

namar ïa ka mynsiem ka babha eh, bad ïa ka jingtip, bad ïa ka jingshemphang, ïa ka jingbatai ki jingphohsniew, bad ïa kaba pynpaw ïa ki jingong kiba dum, bad ïa kaba pynshai ïa ki jingeh, la shem ha une hi u Daniel, ïa uba u syiem u la kyrteng ‘u Belteshassar’. Mynta, to ai ba yn khot ïa u Daniel, bad un pyni ïa kata ka jingbatai.”