DANIEL 1:5 - KA BAIBL

⁵ Bad u syiem u la buh ka bynta ba ha la ka sngi ïa ki na ka jingbam syiem, bad na ka Waiñ kaba u dih, bad ba yn bsa ïa ki lai snem; ba ha ka bakut kita ruh ki lah ban ïeng ha khmat u syiem.

Khasi CL Bible (BSI)

⁵ U syiem u la ai ruh ki hukum ba man la ka sngi la dei ban ai ïa ki da kajuh ka jingbam bad ka waiñ kum ïa ki dkhot jong ka ïingbishar syiem. Hadien lai snem jong kane ka jingai jinghikai ki dei ban wan mih ha khmat u syiem.

DANIEL 1:5 ပူးပေါင်းရင်းမြစ်များ

JENESIS 41:46

Bad u Joseph u la laiphew snem ka rta mynba u la ïeng ha khmat u Pharaoh u syiem ka ri Ijipt. Bad u Joseph u la mih noh na khmat u Pharaoh, bad u la ïaid kylleng ïa ka ri Ijipt baroh kawei.

1 SYIEM 10:8

Suk ki briew jong me, suk kine ki shakri, kiba ïeng borabor ha khmat jong me, kiba ïohsngew ïa ka jingstad jong me.

2 SYIEM 25:30

Te ïa ka bynta jong u, ka bynta kaba borabor la ju ai ha u da u syiem, man la ka sngi shi bynta, baroh ki sngi ka jingim jong u.

2 KHRONIKL 9:7

Suk ki briew jong me, bad suk kine ki shakri jong me, kiba ïeng ha la ka sngi ha khmat jong me, bad kiba ïohsngew ïa ka jingstad jong me.

PROBERB 23:3

Wat sngewkwah ïa ki jingbam bang jong u; haba ki long ki jingbam bashukor.

JEREMAÏAH 15:19

Namar kata, kumne u ong U Trai, “Lada men phai pat, te ngan wallam ïa me pat, ba men ïoh ïeng ha khmat jong nga; bad lada men shim ïa kaba kordor na kaba poh, te men long kum ka shyntur jong nga: ki kin phai pat sha me, hynrei, me men ym phai pat sha ki.

DANIEL 1:19

Bad u syiem u la ïakren bad ki; te hapdeng jong ki baroh, ym shym la shem uwei ruh kum u Daniel, u Hananiah, u Mishael, bad u Asariah: namar kata, ki la ïeng ha khmat u syiem.

DANIEL 1:8

Hynrei, u Daniel u la thmu ha la ka dohnud ba un ym pyntngit ïa lade da ka jingbam syiem, lymne da ka Waiñ ba u dih: namar kata, u la kyrpad ïa u rangbah ki ïunukh ba um dei ban pyntngit ïa lade.

MATHAÏOS 6:11

To ai ha ngi mynta ka jingbam jong ngi kaba ha la ka sngi ka sngi.

LOUKAS 1:19

Uta u angel u da ïathuh u la ong te ha u, “Nga long u Gabriel, uba ïeng ha khmat U Blei; te la phah ïa nga ban kren ha me, bad ban wallam ruh ha me ïa kine ki khubor babha.

LOUKAS 11:3

Ai ha ngi ha la ka sngi ka sngi ïa ka jingbam jong ngi kaba biang.

LOUKAS 21:36

Namar kata, to sharai phi ha la ka sngi da kaba duwai, ba yn ïoh ñiew ïa phi kaba bit ban lait noh na kine kiei kiei baroh ki ban sa jia, bad ban ïeng ha khmat U Khun u briew.”

1 SAMUEL 16:22

Te u Saul u la phah sha u Jesse, u da ong, “Nga kyrpad ïa me, to shah ïa u Dabid ban sah ha khmat jong nga; namar u la shem ïa ka jingsngewbha ha khmat jong nga.”