DANIEL 1:4 - KA BAIBL

⁴ ïa ki samla bymdon ka jingthoh dak, hynrei, kiba bhabriew, bad kiba don buit ha ka jingstad baroh, bad ki basian ha ka jingtip, bad kiba sngewthuh ïa ka tynrai ka jingstad, bad kiba nang ban ïeng ha ka ïing u syiem; bad ba un hikai ïa ki ka jingstad bad ka ktien ki Khaldi.

Khasi CL Bible (BSI)

⁴ Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 1:4 ပူးပေါင်းရင်းမြစ်များ

JENESIS 41:46

Bad u Joseph u la laiphew snem ka rta mynba u la ïeng ha khmat u Pharaoh u syiem ka ri Ijipt. Bad u Joseph u la mih noh na khmat u Pharaoh, bad u la ïaid kylleng ïa ka ri Ijipt baroh kawei.

2 SAMUEL 14:25

Te kat u Absalom ha Israel baroh ym shym don uba ïoh ïaroh namar ka jingbhabriew jong u: naduh ka sla'jat jong u haduh ka lyngkyrwiang khlieh jong u ym shym don jingduna ha u.

PROBERB 22:29

Me ïohi ïa u briew uba minot ha la ka kam? un ïeng ha khmat ki syiem keiñ; un ym ïeng ha khmat ki briew ki bapoh.

EKLESIASTIS 7:19

Ka jingstad ka kham long ka bor ïa u riewstad ban ïa ki shiphew ngut ki nongsynshar kiba don ha ka shnong.

ISAÏAH 36:11

Te u Eliakim bad u Shebna bad u Joah ki la ong ha u Rabshakeh, “To kren, nga duwai ïa me, ha la ki shakri ha ka ktien Aram; namar ngi sngewthuh ïa kata: bad wat kren ha ngi ha ka ktien ki Jiw, ha ki shkor u paidlang uba don halor ka kynroh.”

JEREMAÏAH 5:15

Ha khmih, ngan wallam halor jong phi ïa ka jaid bynriew na sha jngai, A ka ïing Israel,” ong U Trai: “ka long ka jaid bynriew bakhrawbor, ka jaid bynriew ba na mynbarim, ka jaid bynriew kaba mem tip ïa ka ktien jong ka, lymne mem sngewthuh ïa kaba ki ong.

DANIEL 2:10

Ki Khaldi ki la ïathuh ha khmat u syiem, bad ki la ong, “Ym don u briew ha ka khyndew uba lah ban pyni ïa kane ka kam u syiem; namar ym don u syiem lymne u kynrad, lymne u nongsynshar, uba la pan ïa kiba kum kine na uno uno u riewstad, lane u nongleh byrtong, lane u Khaldi.

DANIEL 2:2

Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 3:8

Te ha kata ka por, don ki Khaldi kiba la ïawan, bad ki la mudui ïa ki Jiw.

DANIEL 4:7

Ynda kumta, la wan hapoh ki riewstad, ki nongleh byrtong, ki Khaldi, bad ki nongkren shwar: bad nga la ïathuh ïa ka jingphohsniew ha khmat jong ki; hynrei, kim shym pyntip ha nga ïa ka jingbatai jong ka.

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

DANIEL 5:7

U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

DANIEL 9:1

Ha ka snem ka banyngkong jong u Daraïos u khun u Ahasueros, uba na u symbai jong ki Mid, ïa uba la pynlong syiem halor ka hima Khaldea;

SEKHARAÏAH 2:4

bad u la ong ha u, “To mareh, to kren ha une u samla, da kaba ong, ‘Yn pynshong briew ha Jerusalem kum ha ki shnong ki bym ker kynroh, namar ka jingbun ki briew bad ki jingri ha ka.’ ”

KI KAM 7:20

Ha kata ka por, la kha ïa u Moses, bad u la long uba bhabriew shikatdei eh. Bad la ri ïa u, lai bnai, ha ka ïing u kpa jong u;

KI KAM 7:22

Te la hikai ïa u Moses ha ka jingstad ki Ijipt baroh; bad u la long uba don bor ha ki ktien bad ha ki kam jong u.

EPHESOS 5:27

ba un da ïoh pynïeng ïa ka ha khmat ha lade hi, ka balang kaba donburom, ka bymdon kaba thohbria lane kaba sti lane kaei kaei kaba kum kita, hynrei, ba kan ïoh long ka bakhuid bad kaba khlem jingduna.

NONGBISHAR 8:18

Ynda kumta, u la ong ha u Sebah bad u Salmunna, “Kiba kumno kita ki briew ïa kiba phi la pynïap ha Tabor?” Ki te ki la ïathuh, “Kumba long ma me, kumta ki la long; ki la long uwei pa uwei kum ki khun syiem.”