DANIEL 1:2 - KA BAIBL

² Bad U Trai u la ai noh ïa u Jehoïakim u syiem ka Judah ha ka kti jong u, lem bad shi bynta na ki khiew ki pliang ka ïing U Blei; te u la rah noh ïa ki sha ka ri Shinar sha ka ïing u blei jong u: bad u la wallam ïa kita ki khiew ki pliang ha ka ïing jingkynshew u blei jong u.

Khasi CL Bible (BSI)

² U Trai u la shah ïa u ban kem ïa u Syiem Jehoïakim bad kurup katto katne ki jingkynshew jong ka Templ. U la shim pat katto katne ngut ki koidi lem bad u sha ka templ jong ki blei jong u ha Babilon, bad u la buh ïa ka jingkynshew ba la ïoh kurup ha ki jaka kynshew ka templ.

DANIEL 1:2 ပူးပေါင်းရင်းမြစ်များ

JENESIS 10:10

Bad ka jingsdang ka hima jong u ka la long ka Babel, bad ka Erekh, bad ka Akkad, bad ka Kalneh, ha ka ri Shinar.

JENESIS 11:2

Ka la jia ruh, haba ki nang ïaleit kynriah noh na mihngi, ba ki la shem ïa ka 'dewmadan heh ha ka ri Shinar; bad hangta ki la ïashong duh.

2 SYIEM 24:1

Ha ki sngi jong u, u Nebukhadnessar u syiem ka Babilon u la wan kiew, bad u Jehoïakim u la wan long u shakri ïa u lai snem: hadien kata, u la kylla bad u la ïaleh bad u.

2 KHRONIKL 36:5

U Jehoïakim u la long arphew san snem ka rta, haba u la sdang ban synshar; bad u la synshar khatwei snem ha Jerusalem: bad u la leh ïa kata ka basniew ha khmat U Trai U Blei jong u.

2 KHRONIKL 36:7

U Nebukhadnessar u la kit noh ruh kiba na ki khiew ki pliang ka ïing U Trai sha Babilon, bad u la buh ïa ki ha ka templ jong u ha Babilon.

ESRA 1:7

Bad u syiem Seiros u la sei noh ïa ki khiew ki pliang jong ka ïing U Trai, ïa kiba u Nebukhadnessar u la lah kit noh na Jerusalem, bad ba u la lah buh ha ka ïing ki blei jong u;

ISAÏAH 11:11

Te kan jia ha kata ka sngi, ba U Trai un sei pat ha ka ba-ar sien ïa la ka kti ban pynïoh pat ïa i bynta ba dang sah jong u paidlang jong u, i ban dang sah, na Assyria, bad na Ijipt, bad na Pathros, bad na Kush, bad na Elam, bad na Shinar, bad na Hamath, bad na ki 'dewlynnong ka duriaw.

ISAÏAH 42:24

Uei ba la ai ïa u Jakob ban long ïa ka jinglute, bad ïa u Israel ha ki dakaid? Um long U Trai? ïa uba ngi la leh pop, bad ha ki lynti jong U kim treh ban ïaid, lymne kim shym la kohnguh ïa ka hukum jong U.

JEREMAÏAH 25:1

Ka ktien kaba la wan ha u Jeremaïah shaphang u paidbah Judah baroh ha ka basaw snem jong u Jehoïakim u khun u Josaïah, u syiem ka Judah; kata ka la long ka snem ka banyngkong jong u Nebukhadressar u syiem ka Babilon;

JEREMAÏAH 27:16

Nga la kren ruh ha ki lyngdoh bad ha une u paidlang baroh, nga da ong, “Kumne u ong U Trai: ‘Wat sngap ïa ki ktien ki nongïathuhlypa jong phi kiba ïathuhlypa ha phi, da kaba ong, “Ha khmih, mynta ïa ki khiew ki pliang ka ïing U Trai yn sa wallam pat kloi na Babilon:” naba ki ïathuhlypa ïa ka lamler ha phi.

JEREMAÏAH 28:3

Hapdeng ar snem ngan wallam pat sha kane ka jaka ïa ki khiew ki pliang baroh ki jong ka ïing U Trai, kiba u Nebukhadnessar u syiem ka Babilon u la shim noh na kane ka jaka, bad u la kit noh sha Babilon:

JEREMAÏAH 35:11

Hynrei, haba u Nebukhadressar u syiem ka Babilon u wan kiew sha kane ka ri, ngi la ong, ‘Ïa, ngin ïaleit sha Jerusalem namar ba sheptieng ïa u paidïapom ki Khaldi, bad namar ba sheptieng ïa u paidïapom ki nong Syria;’ kumta ngi shong ha Jerusalem.”

JEREMAÏAH 50:2

“To ïathuh phi hapdeng ki jaid bynriew bad to pynbna, bad to pynïeng ïa ka lama; to pynbna, bad wat buhrieh: to ong, ‘Ïa ka Babilon la jop, ïa u Bel la pynlehrain, u Merodak u la khaw-eit; ïa ki dur jong ka la pynlehrain, ki durblei jong ka ki la khaw-eit.’

JEREMAÏAH 51:44

Bad ngan leh ïa ka jingbishar halor u Bel ha Babilon, bad ngan ai noh na ka shyntur jong u ïa kata kaba u la nguid; bad ki jaid bynriew kin ym tuid lang shuh ha u: shisha, ka kynroh ka Babilon kan kyllon noh.

DANIEL 5:13

Ynda kumta, la wallam ïa u Daniel hapoh ha khmat u syiem. U syiem u la kren bad u la ong ha u Daniel, “Me long uta u Daniel, uba na kita ki khun ka jinglongmraw jong ki Judah, ïa kiba u syiem u kpa jong nga u la wallam noh na ri Judah?

DANIEL 5:18

A me u syiem U Blei U Bahakhlieh Tam Eh u la ai ha u Nebukhadnessar u kpa jong me ïa ka hima, bad ïa ka jingkhraw, bad ïa ka burom, bad ïa ka jingdonburom:

HABAKKUK 1:16

Namar kata, u kñia ha ka jar jong u, bad u thang ïa ka jingiwbih thang ha u bnoh jong u; naba da kita ka bynta jong u ka long kaba sngaid, bad ka jingbam jong u kaba khleiñ.

SEKHARAÏAH 5:11

U te u la ong ha nga, “Ïa ka ban thaw ïing ïa ka ha ka ri Shinar: bad ynda la khreh ïa ka, yn buh noh ïa ka hangta ha la ka jong ka jaka.”

DEUTERONOMI 32:30

Kumno uwei un beh ïa ki shi hajar, bad ar ngut kin ïa-pynphet ïap ïa ki shiphew hajar, lymda U Mawsiang jong ki u la die noh ïa ki, bad U Trai u la aiti noh ïa ki?

NONGBISHAR 2:14

Hangta, ka jingbitar U Trai ka la meh pyrshah ïa ki Israel, bad u la ai noh ïa ki ha ki kti ki nonglute kiba la lute ïa ki, bad u la die noh ïa ki ha ki kti ki nongshun jong ki baroh sawdong, ba kumta kim lah shuh ban ïeng ha khmat ki nongshun jong ki.

NONGBISHAR 3:8

Namar kata, ka jingbitar U Trai ka la meh ïa ki Israel, bad u la die noh ïa ki ha ka kti u Kushan-rishathaim u syiem ka Mesopotamia: bad ki khun Israel ki la shakri ïa u Kushan-rishathaim, phra snem.

NONGBISHAR 4:2

Te U Trai u la die noh ïa ki ha ka kti u Jabin u syiem ka Kanaan, uba synshar ha Hasor; u rangbah ki paidïapom jong u, u Sisera, uba shong ha Harosheth ki Jentil.

1 SAMUEL 5:2

Bad ki Philistia, haba ki la shim ïa ka synduk U Blei, ki la wallam ïa ka hapoh ka ïing u Dagon, bad ki la buh ïa ka hajan u Dagon.