DANIEL 1:19 - KA BAIBL

¹⁹ Bad u syiem u la ïakren bad ki; te hapdeng jong ki baroh, ym shym la shem uwei ruh kum u Daniel, u Hananiah, u Mishael, bad u Asariah: namar kata, ki la ïeng ha khmat u syiem.

Khasi CL Bible (BSI)

¹⁹ U syiem u la ïakren bad ki baroh, bad u Daniel, u Hananaïah, u Mishael, bad u Asaraïah ki la pynhun shibun ïa u ban ïa uno uno uwei pat. Kumta ki la kylla long ki dkhot jong ka ïingbishar jong u syiem.

DANIEL 1:19 ပူးပေါင်းရင်းမြစ်များ

JENESIS 41:46

Bad u Joseph u la laiphew snem ka rta mynba u la ïeng ha khmat u Pharaoh u syiem ka ri Ijipt. Bad u Joseph u la mih noh na khmat u Pharaoh, bad u la ïaid kylleng ïa ka ri Ijipt baroh kawei.

1 SYIEM 17:1

Te u Elijah u nong Tishbi, uba la long uwei na ki nong Gilead, u la ong ha u Ahab, “Katba im U Trai, U Blei ki Israel, ha khmat jong uba nga ïeng, kan ym don umjer lymne slap ha kine ki snem, hynrei, tang katba kum ka ktien jong nga.”

PROBERB 22:29

Me ïohi ïa u briew uba minot ha la ka kam? un ïeng ha khmat ki syiem keiñ; un ym ïeng ha khmat ki briew ki bapoh.

JEREMAÏAH 15:19

Namar kata, kumne u ong U Trai, “Lada men phai pat, te ngan wallam ïa me pat, ba men ïoh ïeng ha khmat jong nga; bad lada men shim ïa kaba kordor na kaba poh, te men long kum ka shyntur jong nga: ki kin phai pat sha me, hynrei, me men ym phai pat sha ki.

DANIEL 1:18

Te ha ka bakut kita ki sngi kiba u syiem u la buh ban wallam ïa ki hapoh, u rangbah ki ïunukh u la wallam ïa ki ha khmat u Nebukhadnessar.

DANIEL 1:4

ïa ki samla bymdon ka jingthoh dak, hynrei, kiba bhabriew, bad kiba don buit ha ka jingstad baroh, bad ki basian ha ka jingtip, bad kiba sngewthuh ïa ka tynrai ka jingstad, bad kiba nang ban ïeng ha ka ïing u syiem; bad ba un hikai ïa ki ka jingstad bad ka ktien ki Khaldi.

DANIEL 1:5

Bad u syiem u la buh ka bynta ba ha la ka sngi ïa ki na ka jingbam syiem, bad na ka Waiñ kaba u dih, bad ba yn bsa ïa ki lai snem; ba ha ka bakut kita ruh ki lah ban ïeng ha khmat u syiem.

DANIEL 1:6

Te hapdeng kine, na ki khun Judah, la don u Daniel, u Hananiah, u Mishael, bad u Asariah.

DANIEL 1:7

Bad u rangbah ki ïunukh u la kyrteng ïa ki: ïa u Daniel u la khot “u Belteshassar”; bad ïa u Hananiah “u Shadrak”; bad ïa u Mishael “u Meshak”; bad ïa u Asariah “u Abednego”.

DANIEL 2:13

Kumta, kata ka hukum ka la mih noh, ban pynïap ïa kita ki riewstad; te ki la wad ïa u Daniel bad ïa ki lok jong u ruh ban pynïap ïa ki.

DANIEL 3:29

Namar kata, nga buh ïa ka hukum, ba kino kino ki kynja bynriew, ki jaid bynriew, bad ki ktien, ki ban kren ei ei ka bymdei ïa U Blei jong u Shadrak, u Meshak, bad u Abednego, yn ot lyngkhot lyngkhai ïa ki, bad yn pynlong synrum ïa ki ïing jong ki: namar ym don uwei pat U Blei uba lah ban pyllait kum ha kane ka rukom.”