DANIEL 1:17 - KA BAIBL

¹⁷ Te shaphang kine saw ngut ki samla, U Blei u la ai ïa ki ka jingtip bad ka buit ha ka jingnang bad ka jingstad baroh: bad u Daniel u la don ka jingshemphang ha ki jingithuhpaw bad ki jingphohsniew baroh.

Khasi CL Bible (BSI)

¹⁷ U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 1:17 ပူးပေါင်းရင်းမြစ်များ

1 SYIEM 3:12

ha khmih, nga la leh katba kum ka ktien jong me: ha khmih, nga la ai ha me ka dohnud bastad bad bashemphang; kumta, ba ym shym la don uwei uba kum me mynshuwa jong me, lymne hadien jong me un ym mih uba kum me.

1 SYIEM 3:28

Te ki Israel baroh ki la ïohsngew ïa kata ka jingbishar ïa kaba u syiem u la bishar; bad ki la sheptieng ïa u syiem: naba ki la ïohi ba ka jingstad U Blei ka la don ha u, ban leh ïa ka jingbishar.

2 KHRONIKL 1:10

To ai ha nga mynta, ïa ka jingstad bad ïa ka jingtip, ba nga lah ban leit shabar bad wan shapoh ha khmat une u paidlang: namar uei uba lah ban bishar ïa une u paidlang jong me, uba bun katta katta?”

2 KHRONIKL 1:12

ïa kata ka jingstad bad ka jingtip la ai ha me; bad ngan ai ha me ïa ka spah, bad ka jingdon, bad ka burom, kat kita ym don uno uno ruh na ki syiem kiba la long ha shuwa jong me uba la ïoh, lymne un ym don shuh uno uno ruh hadien jong me u ban ïoh ïa kiba kumjuh.”

2 KHRONIKL 26:5

Bad u la aiti ïa lade ban wad ïa U Blei ha ki sngi jong u Sekharaïah, uba don ka jingsngewthuh ha ki jingithuhpaw ki jong U Blei: bad katba u la dang wad ïa U Trai, U Blei u la pynman bha ïa u.

Ka Kitab U Job 32:8

Hynrei, ka mynsiem ka don ha u briew, bad ka jingpyrsad mynsiem U Badonbor Baroh ka pynshemphang ïa ki.

PROBERB 2:6

Naba U Trai u ai ka jingstad; na ka shyntur jong u ki mih ka jingtip bad ka jingshemphang:

EKLESIASTIS 2:26

Namar ïa u briew uba pynsngewbha ïa u, U Blei u ai ka jingstad, bad ka jingtip, bad ka jingkmen: hynrei, ha u nongpop, u ai ka jingshitom, ban lum bad ban kynton, ba un ai ha uta uba pynsngewbha ïa U Blei. Kane ruh ka long kaba thala bad kaba beh ïa ka lyer.

ISAÏAH 28:26

Namar U Blei jong u, U ïalam ïa u ha kaba dei, U hikai de ïa u.

ESEKIEL 28:3

ha khmih, me long kham stad ïa u Daniel; ym don ka jingrieh ba ki lah ban buhrieh na me:

DANIEL 1:18

Te ha ka bakut kita ki sngi kiba u syiem u la buh ban wallam ïa ki hapoh, u rangbah ki ïunukh u la wallam ïa ki ha khmat u Nebukhadnessar.

DANIEL 1:20

Bad ha ka jingstad bad ka jingshemphang baroh, shaphang kiba u syiem u la kylli ïa ki, u la shem ba ki la kham nang shiphew shah ban ïa ki riewstad bad ki nongleh byrtong baroh kiba ha ka hima jong u baroh.

DANIEL 1:4

ïa ki samla bymdon ka jingthoh dak, hynrei, kiba bhabriew, bad kiba don buit ha ka jingstad baroh, bad ki basian ha ka jingtip, bad kiba sngewthuh ïa ka tynrai ka jingstad, bad kiba nang ban ïeng ha ka ïing u syiem; bad ba un hikai ïa ki ka jingstad bad ka ktien ki Khaldi.

DANIEL 10:1

Ha ka snem ka balai jong u Seiros syiem ka Persha la pynpaw ei ei ha u Daniel, ïa uba la khot “u Belteshassar”; kata ruh ka la long kaba shisha, ka thma ka bakhraw keiñ: bad u la sngewthuh ïa kata, bad u la ïoh ka jingshemphang ïa kata ka jingithuhpaw.

DANIEL 2:19

Ynda kumta, la pynpaw ïa kata ka jingbuhrieh ha u Daniel ha ka jingithuhpaw mynmiet. Ynda kumta, u Daniel u la kyrkhu ïa U Blei ka bneng.

DANIEL 2:21

bad u pynkylla ma u ïa ki por bad ïa ki aïom: u pynduh ïa ki syiem, bad u thung ïa ki syiem: u ai ka jingstad ïa ki bastad, bad ka jingtip ïa kiba don jingshemphang.

DANIEL 2:23

Nga nguh ïa me, bad nga ïaroh ïa me, A me U Blei ki kpa jong nga, uba la ai ha nga ka jingstad bad ka bor, bad uba la pyntip ha nga mynta ïa kaba ngi la pan na me: namar me la pyntip ha ngi ïa kane ka kam u syiem.”

DANIEL 2:30

Hynrei, shaphang jong nga, ym shym la pynpaw ïa kane ka jingbuhrieh ïa nga namar ba nga don ka jingstad kham tam ïa uno uno baroh u ba-im, hynrei, khnang ban pyntip ïa kata ka jingbatai ïa u syiem, bad ba me men tip ïa ki jingpyrkhat ka dohnud jong me.

DANIEL 4:6

Namar kata, nga la hukum ban wallam hapoh ha khmat jong nga ïa ki riewstad baroh jong ka Babilon, ba kin pyntip ha nga ïa ka jingbatai jong kata ka jingphohsniew.

DANIEL 5:14

Nga la ïohsngew shaphang jong me, ba ka mynsiem jong kita ki blei ka don ha me, bad ba la shem ha me ka jingshai bad ka jingshemphang bad ka jingstad babha tam eh.

DANIEL 7:1

Ha ka snem ka banyngkong ka jong u Belshassar u syiem ka Babilon, u Daniel u la phohsniew bad u la ïohi ki jingithuhpaw halor ka jingthiah jong u: ynda kumta, u la thoh ïa kata ka jingphohsniew bad u la ïathuh ïa ka jingkyllum jong kita kiei kiei ruh.

DANIEL 8:1

Ha ka snem ka balai ka jingsynshar u Belshassar syiem, ka jingithuhpaw ka la paw ha nga, ha nga, u Daniel keiñ, hadien kata kaba la paw ha nga ha kaba mynnyngkong.

JINGKHEIÑ 12:6

U te u la ong, “To sngap mynta ïa ki ktien jong nga: Lada u nongïathuhlypa jong U Trai u don hapdeng jong phi, ngan pynpaw ïa lade ha u ha ka jingithuhpaw, ngan kren ruh ha u ha ka jingphohsniew.

LOUKAS 21:15

naba ngan ai ha phi ka shyntur bad ka jingstad, ïa kaba ki nongïaleh jong phi baroh keiñ kin ym lah ban ïasei nia kylliang, lane ban ïasaid kylliang.

KI KAM 6:10

hynrei, kim ju lah ban ïaleh ïa ka jingstad bad ïa U Mynsiem, da kiba u la kren.

KI KAM 7:10

bad U la pyllait ïa u na ki jingjynjar jong u baroh, bad U la ai ha u, ka jingpynieit bad ka jingstad ha khmat u Pharaoh u syiem ka Ijipt, bad u la thung nongsynshar ïa u halor ka Ijipt, bad halor ka ïing jong u baroh.

KI KAM 7:22

Te la hikai ïa u Moses ha ka jingstad ki Ijipt baroh; bad u la long uba don bor ha ki ktien bad ha ki kam jong u.

KOLOSSAI 1:9

Na ka bynta kata, ma ngi ruh, naduh kata ka sngi ba ngi la ïohsngew, ngim man thait shuh ban duwai bad ban pan na ka bynta jong phi, ba yn pyndap ïa phi da kata ka jingtip shaphang ka mon jong u ha ka jingstad bad ka jingshemphang bakynja mynsiem baroh,

JAKOB 1:17

Ka jingai babha baroh, bad ka jingai bajanai baroh, ka long na jrong, kaba wan hiar na U Kpa ki jingshai, bad uba ym don ka jingkylla shuh, lymne ka syrngiew kaba shat da ka jingkylla.

JAKOB 1:5

Hynrei, lada uno uno ruh na phi u duna ka jingstad, to un pan na U Blei, uba ai kylluid ïa baroh bad u bym kynnoh beiñ; te yn ai ïa kata ha u.