2 TIMOTHI 4:3 - KA BAIBL

³ Namar ka por kan jia, haba kin ym shahshkor ïa ka jinghikai bajanai; hynrei, haba ki don ki shkor ba-dait, kin ïakynton ha lade ïa ki nonghikai katba kum ki jingkwah brai jong ki hi;

Khasi CL Bible (BSI)

³ Ka por kan sa poi haba ki briew kin ym shahshkor ïa ka jinghikai shongtynrai badei, hynrei kin kohnguh ïa la ki jingkwah bad kin nang pynbun ïa ki nonghikai ki ban ïathuh ha ki ïa kaei kaba ki shkor ba-dait jong ki, ki kwah ban ïohsngew.

2 TIMOTHI 4:3 ပူးပေါင်းရင်းမြစ်များ

1 SYIEM 18:22

Ynda kumta te, u Elijah u la ong ha uta u paidbah, “Ma nga, tang marwei hi, nga dang sah u nongïathuhlypa jong U Trai, hynrei, ki nongïathuhlypa u Baal ki long sawspah sanphew ngut.

1 SYIEM 22:18

Bad u syiem ki Israel u la ong ha u Jehoshaphat, “Ngam shym la ïathuh ïa me ba un ym ïathuhlypa ka babha shaphang jong nga, hynrei, tang ka basniew?”

1 SYIEM 22:8

Te u syiem ki Israel u la ong ha u Jehoshaphat, “Dang don sa uwei u briew da uba ngi lah ban ïakylli na U Trai, u Mikaïah u khun u Imlah: hynrei, nga isih ïa u; namar um ju ïathuhlypa ka babha shaphang jong nga, hynrei, tang ka basniew.” Te u Jehoshaphat u la ong, “Wat ai ba u syiem un ong kumta.”

EKSODOS 32:33

Te U Trai u la ong ha u Moses, “Jar uba la leh pop pyrshah ïa nga, ïa uta keiñ ngan pyndam noh na ka kitab jong nga.

ISAÏAH 28:12

ha uba u la ong, “Kane ka long ka jingjahthait, to ai phi ka jingjahthait ha uta uba tlot; bad kane ka long ka jingpynpyngngad:” pynban, kim mon ban sngew.

ISAÏAH 30:10

kiba ong ha ki nongïohi, “Wat ïohi”; ha ki nongïathuhlypa ruh, “Wat ïathuhlypa ha ngi ïa kiei kiei kiba dei, kren ha ngi ïa kiei kiei kiba jlih, ïathuhlypa ïa ki jingshukor:

JEREMAÏAH 18:18

Ynda kumta, ki la ong, “Ïa, to ngin ïathaw ki buit ban ïaleh ïa u Jeremaïah; naba ka hukum kan ym duh na u lyngdoh, lymne ka jingpyrkhat na uba stad, lymne ka ktien na u nongïathuhlypa, ïa ngin shoh ïa u da u thylliej, bad to ngin ym shahshkor ïa kino kino ki ktien jong u.”

JEREMAÏAH 27:9

Hynrei ma phi, to wat sngap ïa la ki nongïathuhlypa, lymne ïa la ki nongkhan, lymne ïa la ki jingphohsniew, lymne ïa la ki nongkren shwar, lymne ïa la ki nongkren byrtong, kiba kren ha phi, ki ïa-ong, ‘Phin ym shakri ïa u syiem ka Babilon:’

JEREMAÏAH 29:8

Naba kumne u ong U Trai ki paid, U Blei ki Israel: “Wat shah ïa ki nongïathuhlypa jong phi kiba hapdeng jong phi, bad ki nongkhan jong phi, ba kin shukor ïa phi, lymne wat sngap ïa ki jingphohsniew ïa kiba phi phohsniew.

JEREMAÏAH 5:31

ki nongïathuhlypa ki ïathuhlypa lamler, bad ki lyngdoh ki synshar da la ka buit; bad u paidbah jong nga u sngewbha ba ka long kumta: te phin leh kumno ha ka jingkut jong ka?

MIKAH 2:11

Lada u briew uba ïaid ha ka mynsiem ka jingshukor u lamler, u da ong, ‘Ngan ïathuhlypa ha me ïa ka Waiñ bad ka 'iad eh;’ uta keiñ, un wan long u nongïathuhlypa ïa une u paidbah.

LOUKAS 20:19

Kita ki rangbah lyngdoh bad kita ki nongthoh te ki la ïawad dong ban kem ïa U ha kata ka por, hynrei, ki la ïasheptieng ïa u paidlang; naba ki la sngewthuh ba dei ïa ki ba U la kren ïa kane ka pharshi.

LOUKAS 6:26

“Kordit ïa phi, haba ki briew baroh kin kren bha ïa phi! naba kumjuh hi ki kpa jong ki, ki la leh ïa ki nongïathuhlypa balamler.”

ÏOANNIS 8:45

Hynrei, ïa nga, namar ba nga ong ïa kaba shisha, ïa nga phim ngeit.

KI KAM 17:21

(Te ki nong Athen baroh bad ki sohshnong kiba shong basa hangta, kim ju kloi ïa kaei kaei ruh kawei pat, hynrei, tang ban ïathuh lane ban ïohsngew ïa kaei kaei kaba kham thymmai.)

1 KORINTH 2:1

Kumta, ma nga ruh, haba nga la wan ha phi, ko parabangeit, ngam shym la wan katba kum ka jingpnah ka jingkren lane ka jingstad, da kaba ïalap ha phi ïa ka jingphla U Blei.

1 KORINTH 2:4

Te kata ka jingkren jong nga bad kata ka jingïalap jong nga, kim shym long da ki ktien khroh ka jingstad, hynrei, da ka jingpyni U Mynsiem bad ka bor:

GALATIA 4:16

Hato kumta te nga la kylla long u nongshun jong phi, namar ba nga ïathuh ïa kaba shisha ha phi?

1 TIMOTHI 1:10

ïa kiba ïakai kynthei, ïa kiba ïaleh sang para shynrang, ïa ki nongtuh briew, ïa ki nonglamler, ïa ki nongsmai lamler, bad lada don kaei kaei kawei pat kaba ïaleh pyrshah ïa kata ka jinghikai bajanai;

2 TIMOTHI 1:13

To ïaibat ïa ka rukom ki ktien bajanai, ïa kiba me la ïohsngew na nga, ha ka jingngeit bad ka jingieit kaba ha U Khrist Jisu.

JUDAH 1:18

kumno ki la ju ong ha phi, ba ha ka Ïa ka bakhatduh kin long ki nongkrenbeiñ, kiba da ïaid katba kum kita ki jingkwah brai ki bymriewblei jong ki hi.