2 TIMOTHI 2:2 - KA BAIBL

² Bad kita kiei kiei ruh ïa kiba me la ïohsngew na nga hapdeng bun ki sakhi, ïa kita keiñ, to men aiti ha ki briew ïa kiba lah ban shaniah, kiba lah ban hikai ïa kiwei ruh.

Khasi CL Bible (BSI)

² Shim ïa ki jinghikai kiba me la ïohsngew ba nga pynbna ha khmat ki sakhi babun, bad aiti ïa ki ha ki briew kiba lah ban shaniah, kiba lah ban hikai ïa kiwei ruh.

2 TIMOTHI 2:2 ပူးပေါင်းရင်းမြစ်များ

ESRA 7:10

Namar u Esra u la buh ha la ka dohnud ban wad ïa ka hukum U Trai, bad ban leh ïa ka, bad ban hikai ha Israel ïa ki aiñ bad ïa ki jingbishar.

ESRA 7:25

“Bad me, u Esra, katba kum ka jingstad U Blei jong me kaba don ha ka kti jong me, to thung ïa ki majistor bad ïa ki nongbishar, ki ban bishar ïa u paidlang baroh uba don sha shiliang ka wah, baroh kat kiba nang ïa ki hukum U Blei jong me; bad to hikai ïa uta u bymnang ïa ki.

NEHEMAÏAH 7:2

nga la ai hukum ïa u Hanani u para jong nga, bad ïa u Hananiah u nongsynshar ka ïing phira, shaphang ka Jerusalem: namar u long u briew uba ïaineh, bad uba kham sheptieng ïa U Blei ban ïa kiba bun.

SALM 101:6

Ki khmat jong nga kin long ha kiba ïaineh ki jong ka ri, ba kin ïoh shong bad nga: uba ïaid ha ka lynti kaba janai, uta keiñ u ban shakri ïa nga.

PROBERB 13:17

U nonglam-ktien uba bymman u hap ha ka jingsniew: hynrei, u nonglam-ktien uba ngeit u long ka jingkhiah.

JEREMAÏAH 23:28

U nongïathuhlypa uba don ka jingphohsniew, to un ïathuh ïa ka jingphohsniew; bad uta uba don ka ktien jong nga, to un kren biang biang ïa ka ktien jong nga. U jyntang Kew u long aïu bad u Kew?” ong U Trai.

LEBITIKOS 14:42

ynda kumta, kin shim da kiwei pat ki maw, bad kin buh ïa ki ha ka jaka jong kita ki maw; un shim ruh da kawei pat ka sorki, bad un ñiad astor biang ïa kata ka ïing.

MALAKHI 2:7

Naba ki rmiang shyntur u lyngdoh ki dei ban sumar khop ïa ka jingtip, bad ki dei ban wad ïa ka hukum na ka shyntur jong u: naba u long u nonglam-ktien jong U Trai ki paid.

JINGKHEIÑ 12:7

Hynrei, u Moses, u shakri jong nga um long kumta; u long uba ïaineh keiñ ha ka ïing jong nga baroh:

MATHAÏOS 13:52

U la ong te ha ki, “Namar kata, u nongthoh baroh uba la ïoh hikai ha ka hima ki bneng, u long kum u briew uba u trai ïing, uba sei noh na ka jingkynshew jong u ïa kiei kiei ruh ki bathymmai bad barim.”

MATHAÏOS 24:25

Ha khmih, nga la ïathuhlypa ha phi.

LOUKAS 12:42

Bad U Trai u la ong, “Uno te uba long u sordar uba lah ban shaniah bad u bastad, ïa uba u kynrad jong u un buh halor kiba ha ïing jong u, ïa ka ban ai ha ki, ïa la ka bynta ka jingbam ha ka por babiang?

1 KORINTH 4:2

Nalor kane, ka donkam ha ki sordar, ba u briew u long uba lah ban shaniah.

2 KORINTH 2:14

Hynrei, long ka jingnguh ïa U Blei, uba pynrisa ïa ngi ha la ka sngi ha U Khrist, bad uba pynpaw ïa ka jingiwbih ka jingtip jong u da ngi ha ka jaka baroh.

2 KORINTH 3:5

ym naba ngi long kiba bit na lade hi ïa ka ban pyrkhat ïa kaei kaei ruh kumba napoh lade hi; hynrei, ka jingbit jong ngi ka long na U Blei,

KOLOSSAI 1:7

kumba phi la ïoh hikai na u Epaphras u para shakri ba-ieit jong ngi, uba long u nongïalap baïaineh jong U Khrist na ka bynta jong phi;

1 TIMOTHI 1:12

Te nga sngewnguh ïa uta uba la ai bor ïa nga, U Khrist Jisu uba U Trai jong ngi, naba u la ñiew ïa nga uba dei ban shaniah, haba u la thung ïa nga ha ka kam jong u;

1 TIMOTHI 1:18

Ïa kane ka hukum nga aiti ha me, ko Timothi u khun jong nga, katba kum kita ki jingïathuhlypa kiba la long mynshuwa shaphang jong me, ba da ki, men ïoh ïaleh thma ïa kata ka jingïaleh thma babha;

1 TIMOTHI 4:14

Wat lyndet ïa kata ka jingai kaba ha me, ïa kaba la ai ha me da ka jingïathuhlypa, lem bad kaba buh ïa ki kti jong kata ka Presbyteri.

1 TIMOTHI 4:6

Lada me pynkynmaw ïa kita ki parabangeit shaphang kine kiei kiei ruh, men long u shakri babha u jong U Jisu Khrist, ba la bsa ha ki ktien jong ka jingngeit bad ki jong kata ka jinghikai babha, ïa kaba me la ju bud.

1 TIMOTHI 5:22

Me, wat buh kyrkieh ïa la ki kti hano hano ruh em; lymne wat ïakit pop lem bad kiwei ki briew: to ri ïa lade uba sngur.

1 TIMOTHI 6:12

To ïaleh ïa ka jingïaleh babha jong ka jingngeit, to men bat khak ïa ka jingim bymjukut, sha kaba la khot ruh ïa me, bad me la phla ïa kata ka jingphla babha ha khmat bun ki sakhi.

2 TIMOTHI 3:10

Hynrei, ma me, me la bud ïa ka jinghikai, ka jinglong jingim, ka jingthmu, ka jingngeit, ka jingshahslem, ka jingieit, ka jingïaishah,

2 TIMOTHI 3:14

Hynrei, ma me, to ïaineh ha kita kiei kiei ruh ïa kiba me la nang, bad ha kiba la pynngeit skhem ïa me, da kaba tip nano me la nang ïa ki;

HEBRU 2:17

Namar kata, ka la dei ban pynlong ïa u, uba syriem ïa la ki para ha kiei kiei baroh, ba un ïoh long U Rangbah lyngdoh ba-isynei bad ïa uba lah ban shaniah ha kiei kiei kiba dei sha U Blei, ba un pynlong ka kuna namar ki pop u paidlang.

1 SAMUEL 2:35

Bad ngan pynmih ha lade ïa u lyngdoh uba ngeit, u ban leh kat kaba don ha ka dohnud jong nga bad ha ka jingmut jong nga: bad ngan tei ïa ka ïing kaba skhem ha u; bad un ïaid ha khmat uba la sleh jong nga junom.