2 SAMUEL 9:7 - KA BAIBL

⁷ Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

Khasi CL Bible (BSI)

⁷ “Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

2 SAMUEL 9:7 ပူးပေါင်းရင်းမြစ်များ

JENESIS 43:18

Te kita ki briew ki la kyiuh haba la ïalam ïa ki shapoh ka ïing u Joseph; ki la ïa-ong ruh, “Namar kita ki sbai ba la buh pat ha ki byrni jong ngi ha kata kaba shi sien wan, la ïalam ïa ngi shapoh shane; ïa ka ban ïoh ban ïa ngi, bad ïa ka ban pynhap ïa ngi, bad ïa ka ban buh mraw ïa ngi, bad ban shim ïa ki kadda jong ngi ruh de.”

JENESIS 43:23

U te u la ong, “Ka jingsuk ïa phi, to wat sheptieng shuh: U Blei jong phi, bad U Blei u kpa jong phi, u la ai ïa ka jingkynshew ha ki byrni jong phi: ki sbai jong phi ki la wan ha nga.” Bad u la wallam shabar ïa u Simeon sha ki.

2 SAMUEL 12:8

bad nga la ai ha me ïa ka ïing u kynrad jong me, bad ïa ki tnga u kynrad jong me ha ka shadem jong me, bad nga la ai ha me ïa ka ïing u Israel bad ïa ka jong u Judah; bad lada kata ka la kham khyndiat, ngan da la ai kham bun shikatdei.

2 SAMUEL 19:28

Naba ka ïing u kpa jong nga baroh ki la long tang ki riewïap ha khmat u syiem kynrad jong nga: pynban, me la buh ïa la u shakri hapdeng kita kiba bam ha ka miej jong me hi. Namar kata, nga dang don ka hok aïu ba ngan nang lynñiar shuh ha u syiem?”

2 SAMUEL 19:29

Bad u syiem u la ong ha u, “Ïa ka ban lei me shu dang kren ïa la ki kam? Nga ong, ‘Ma me bad u Siba phin ïabynta ïa kata ka khyndew.’ ”

2 SAMUEL 19:33

Bad u syiem u la ong ha u Barsillai, “Ale sha shiliang bad nga, bad ngan bsa ïa me bad nga ha Jerusalem.”

2 SAMUEL 21:7

Hynrei, u syiem u la pynim ïa u Mephibosheth, u khun u Jonathan u khun u Saul, namar kata ka jingïakular U Trai kaba la don hapdeng jong ki, hapdeng u Dabid keiñ bad u Jonathan u khun u Saul.

2 SAMUEL 9:1

Bad u Dabid u la ong, “Dang don ne em uno uno ïa uba la pynsah na ka ïing u Saul, ba ngan ïoh leh isynei ïa u na ka bynta u Jonathan?”

2 SAMUEL 9:10

Ma me te, bad ki khun shynrang jong me, bad ki shakri jong me, phin rep ïa kata ka khyndew na ka bynta jong u; bad men wallam shapoh ïa ka jingmih, khnang ba u khun u kynrad jong me un ïoh kpu ba un bam: hynrei, u Mephibosheth u khun u kynrad jong me un bam kpu ha la ka sngi ha ka miej jong nga.” U Siba te u la don khatsan ngut ki khun shynrang, bad arphew ngut ki shakri.

2 SAMUEL 9:11

Ynda kumta, u Siba u la ong ha u syiem, “Katba kum kita kiei kiei baroh ba u syiem kynrad jong nga u la hukum ïa la u shakri, kumta u shakri jong me un leh keiñ.” “U Mephibosheth te”, u la ong u syiem, “un ïoh bam jingbam ha ka miej jong nga, kumjuh kum uwei na ki khun u syiem.”

2 SAMUEL 9:13

Kumta, u Mephibosheth u la shong duh ha Jerusalem: naba u la bam jingbam ha la ka sngi ha ka miej u syiem: te u ba-dkoh na ki kjat jong u baroh ar.

2 SAMUEL 9:3

Bad u syiem u la kylli, “Don ne em uno uno uba dang sah na ka ïing u Saul, ba ngan ïoh leh ïa ka jingisynei U Blei ïa u?” Te u Siba u la ïathuh ha u syiem, “Dang sah sa uwei u khun u jong u Jonathan, u ba-dkoh ki kjat.”

1 SYIEM 2:7

Hynrei, to leh sbun ha ki khun u Barsillai u nong Gilead, bad to ai ba kin long na kita ki ban bam ha ka miej jong me: naba kumta ki la ïawan sha nga mynba nga la phet na u Absalom u hynmen jong me.

2 SYIEM 25:29

bad u la pli ïa ki jaiñ byndi jong u, bad u la bam jingbam ha khmat jong u borabor baroh ki sngi ka jingim jong u.

SALM 41:9

Wat uta u lok ba-ieit jong nga hi ruh, ha uba nga la shaniah, uba la ju bam ïa u kpu jong nga, u la rah ïa la ka khongdong'jat pyrshah ïa nga.

JEREMAÏAH 52:33

Bad u la bujli ïa ki jaiñ byndi jong u, bad u la bam kpu ha khmat jong u ha la ka sngi baroh ki sngi ka rta jong u.

SEKHARAÏAH 7:9

“Kumne u la kren U Trai ki paid, u da ong, ‘To bishar ïa ka jingbishar kaba shisha, bad to leh isynei bad ïa-isynei lem uwei uwei ïa la u para baroh:

MATHAÏOS 6:11

To ai ha ngi mynta ka jingbam jong ngi kaba ha la ka sngi ka sngi.

LOUKAS 22:30

ba phin ïoh bam bad ïoh dih ha ka miej jong nga ha kata ka hima jong nga, bad halor ki khet phin ïoh shong bishar ïa ki khat-ar ki jaid Israel.”

JINGPYNPAW 3:20

Ha khmih, nga ïeng ha ka jingkhang bad nga tied: lada uno uno ruh un ïohsngew ïa ka ktien jong nga, bad un plie ïa kata ka jingkhang, ngan wan rung hapoh ha u, bad ngan ïakhawai miet lem bad u, bad ma u lem bad nga.

1 SAMUEL 12:24

Tang ba phin sheptieng ïa U Trai, bad shakri ïa u ha kaba shisha da ka dohnud jong phi baroh: naba to pyrkhat ïa kaba katno kiba khraw u la leh na ka bynta jong phi.

1 SAMUEL 20:15

hynrei ruh, wat pynkut noh ïa la ka jingisynei na ka ïing jong nga lano lano ruh: em, lymne ynda U Trai u la pynjot noh ïa ki nongshun u Dabid uwei pa uwei baroh na khmat ka pyrthei.”

1 SAMUEL 22:23

To sah ma me bad nga, wat sheptieng; naba uta uba wad ïa ka jingim jong nga u wad ïa ka jingim jong me ruh: hynrei, bad nga men ïoh ka jingïada.”