2 SAMUEL 9:3 - KA BAIBL

³ Bad u syiem u la kylli, “Don ne em uno uno uba dang sah na ka ïing u Saul, ba ngan ïoh leh ïa ka jingisynei U Blei ïa u?” Te u Siba u la ïathuh ha u syiem, “Dang sah sa uwei u khun u jong u Jonathan, u ba-dkoh ki kjat.”

Khasi CL Bible (BSI)

³ U syiem u kylli ïa u, “Don mano mano ba dang sah na ka longïing u Saul ïa uba nga lah ban pyn-i ka jingïaineh bad ka jingbhasbun ïa u, kumba nga la kular ha U Blei ba ngan leh?” U Siba u jubab, “Don sa tang uwei na ki khun shynrang jong u Jonathan. U dei uba dkoh.”

2 SAMUEL 9:3 ပူးပေါင်းရင်းမြစ်များ

2 SAMUEL 19:26

U te u la ïathuh, “Ko syiem kynrad, u shakri jong nga u la shukor ïa nga: naba u shakri jong me u la ong, ‘Ngan sa teh jin ïa ka kadda, ba ngan shong halor jong ka, ba ngan dup leit bad u syiem,’ naba u shakri jong me u ba-dkoh.

2 SAMUEL 19:27

Bad u la kren siar sniew ïa la u shakri ha u syiem kynrad jong nga; hynrei, u syiem kynrad jong nga u long kum u angel U Blei: namar kata, to leh ïa kaba ibit ha khmat jong me.

2 SAMUEL 4:4

Bad u Jonathan, u khun u Saul, u la don u khun u ba-dkoh ki kjat. Une, u la san snem ka rta haba la poi ka jingbna na Jesril shaphang u Saul bad u Jonathan, te ka nongsumar ka la shim, ka la rah ïa u bad ka la phet ïap: ka la jia te katba ka la pynkloi ban phet, ba u la hap, bad u la dkoh. Bad ka kyrteng jong u ka la long “u Mephibosheth”.

2 SAMUEL 9:13

Kumta, u Mephibosheth u la shong duh ha Jerusalem: naba u la bam jingbam ha la ka sngi ha ka miej u syiem: te u ba-dkoh na ki kjat jong u baroh ar.

2 SAMUEL 9:7

Bad u Dabid u la ong ha u, “Wat sheptieng: naba ngan leh isynei keiñ ïa me shisha na ka bynta u Jonathan u kpa jong me, bad ngan ai noh pat ha me ïa ka khyndew baroh ka jong u Saul u kpa jong me; bad men ïoh bam kpu ha ka miej jong nga ha la ka sngi.”

LOUKAS 6:36

To long phi kiba isynei, kumba U Kpa jong phi ruh U long uba isynei.”

DEUTERONOMI 10:15

Tang ba U Trai u la don ka jingsngewbha ha ki kpa jong me ban ieit ïa ki, bad u la jied ïa u symbai jong ki hadien jong ki, ïa phi keiñ nalor ki kynja bynriew baroh, kumba long ha kane ka sngi.

DEUTERONOMI 4:37

Te namar ba u la ieit ïa ki kpa jong me, namar kata keiñ, u la jied ïa ki symbai jong ki hadien jong ki, bad u la wallam noh ïa me ha khmat jong u, da ka bor bakhraw jong u, na ka ri Ijipt;