2 SAMUEL 9:11 - KA BAIBL

¹¹ Ynda kumta, u Siba u la ong ha u syiem, “Katba kum kita kiei kiei baroh ba u syiem kynrad jong nga u la hukum ïa la u shakri, kumta u shakri jong me un leh keiñ.” “U Mephibosheth te”, u la ong u syiem, “un ïoh bam jingbam ha ka miej jong nga, kumjuh kum uwei na ki khun u syiem.”

Khasi CL Bible (BSI)

¹¹ U Siba u jubab, “Ngan leh ïa kaei kaei baroh kaba ma phi Syiem Kynrad phi hukum.” Kumta u Mephibosheth u ïabam lang ha ka miej bam jong u syiem, kum uwei na ki khun shynrang jong u syiem.

2 SAMUEL 9:11 ပူးပေါင်းရင်းမြစ်များ

2 SAMUEL 15:15

Te kita ki shakri u syiem ki la ïa-ong ha u syiem, “Ha khmih, ki shakri jong me ki la kloi ban leh ïa kiei kiei baroh ba u syiem kynrad jong ngi u mon.”

2 SAMUEL 19:17

Bad ki la don lem bad u shi hajar ki rangbah Benjamin, bad u Siba ruh uta u shakri ka ïing u Saul, bad la ki khun shynrang khatsan ngut bad la ki shakri arphew ngut lem bad u; bad ki la leit sha shiliang ka Jordan ha khmat u syiem.

2 SAMUEL 19:24

Bad u Mephibosheth u khun u Saul ruh u la wan hiar ban tan ïa u syiem; te um shym la sum ïa la ki kjat, lymne shna ïa la ki tmain, lymne sait ïa la ki jaiñ, naduh kata ka sngi ba u la leit noh u syiem haduh ka sngi ba u la wan sha la ïing ha kaba suk.

2 SAMUEL 19:26

U te u la ïathuh, “Ko syiem kynrad, u shakri jong nga u la shukor ïa nga: naba u shakri jong me u la ong, ‘Ngan sa teh jin ïa ka kadda, ba ngan shong halor jong ka, ba ngan dup leit bad u syiem,’ naba u shakri jong me u ba-dkoh.

2 SAMUEL 9:10

Ma me te, bad ki khun shynrang jong me, bad ki shakri jong me, phin rep ïa kata ka khyndew na ka bynta jong u; bad men wallam shapoh ïa ka jingmih, khnang ba u khun u kynrad jong me un ïoh kpu ba un bam: hynrei, u Mephibosheth u khun u kynrad jong me un bam kpu ha la ka sngi ha ka miej jong nga.” U Siba te u la don khatsan ngut ki khun shynrang, bad arphew ngut ki shakri.

2 SAMUEL 9:12

U Mephibosheth te u la don u khun uba dang khynnah, uba ka kyrteng jong u, “u Mikah”. Bad baroh kat kiba shong ha ïing u Siba ki la long ki shakri ïa u Mephibosheth.

2 SAMUEL 9:13

Kumta, u Mephibosheth u la shong duh ha Jerusalem: naba u la bam jingbam ha la ka sngi ha ka miej u syiem: te u ba-dkoh na ki kjat jong u baroh ar.