2 SAMUEL 8:6 - KA BAIBL

⁶ Hangta u Dabid u la buh ïa ki karod ha Syria jong ka Damaskos: te kita ki Syria ki la long ki khun kliarwait ha u Dabid, bad kiba ai khrong. Bad U Trai u la ai ka jingjop ïa u Dabid kat shaba u la leit.

Khasi CL Bible (BSI)

⁶ Nangta u la pynïeng ki dara sah shipai ha ki ri jong ki, bad ki la kylla long ki raïot jong u bad ki siew khajna sha u. U Trai u la pynlong ïa u Dabid ban jop kylleng kylleng.

2 SAMUEL 8:6 ပူးပေါင်းရင်းမြစ်များ

2 SAMUEL 10:19

Te haba kita ki syiem baroh kiba la long ki shakri ïa u Hadareser ki la ïohi ba la pynïap ïa ki ha khmat ki Israel, ki la ïasuk noh bad ki Israel, bad ki la shakri ïa ki. Kumta, ki Syria ki la sheptieng ban ïarap shuh ïa ki khun u Ammon.

2 SAMUEL 23:14

Te mynkata, u Dabid u la don ha ka kut, bad ka karod ki Philistia ka la don mynkata ha Bethlehem.

2 SAMUEL 3:18

Mynta te, to leh kumta: naba U Trai u la kren shaphang u Dabid, u da ong, ‘Da ka kti u Dabid u shakri jong nga ngan pyllait ïa ki briew jong nga ki Israel na ka kti ki Philistia, bad na ka kti ki nongshun jong ki baroh.’ ”

2 SAMUEL 5:10

Bad u Dabid u la nang ïoh bor nang ïoh bor; bad U Trai, U Blei ki paid, u la don ryngkat bad u.

2 SAMUEL 7:9

Bad nga la don ryngkat bad me kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ïa me ka nam ka bakhraw, kum ka nam jong ki bakhraw tam kiba ha ka pyrthei.

2 SAMUEL 8:14

Bad u la buh ki karod ha ka ri Edom; ha ka ri Edom baroh kawei keiñ u la buh ki karod, bad ki Edom baroh ki la long ki khun kliarwait ha u Dabid. U Trai te u la ai ka jingjop ïa u Dabid kat shaba u la leit.

2 SAMUEL 8:2

Bad u la shoh ïa ki Moab, bad u la thew ïa ki da u ksai, u da pynthiah ïa ki ha khyndew; ïa ka ban pynïap u la thew da ar tylli ki ksai, ïa ka ban ri im te u la thew da uwei u ksai shilynter. Bad kita ki Moab ki la long ki khun kliarwait, bad kiba ai khrong ha u Dabid.

2 SAMUEL 8:7

U Dabid u la shim noh ïa kita ki 'tieh ksiar ruh kiba ha ki shakri u Hadadeser, bad u la wallam ïa ki sha Jerusalem.

1 SYIEM 4:21

Te u Solomon u la synshar halor ki hima baroh naduh kata ka Wah haduh ka ri ki Philistia, bad haduh ka pud ka ri Ijipt: ki la wallam ki jingnguh syiem, bad ki la shakri ïa u Solomon ha ki sngi ka rta jong u baroh.

2 SYIEM 1:1

Te ynda la ïap u Ahab, ki Moab ki la ïaleh pyrshah ïa ki Israel.

2 SYIEM 14:28

Te kiba dang sah na ki kam u Jeroboam, bad baroh kaba u la leh, bad ka bor jong u, kumno u la ïaleh thma, bad kumno u la pynïoh pat ha ki Israel ïa ka Damaskos bad ka Hamath, kiba la ju dei ki jong ka Judah, ym shym la thoh ïa ki ha Ka Kitab Ki Khronikl Ki Syiem Ki Israel?

2 SYIEM 18:7

U Trai u la don lem bad u: kat shaba u leit u man bha: bad u la ïaleh pyrshah ïa u syiem ka Assyria, bad um shym shakri ïa u.

2 SYIEM 3:4

Te u Mesha u syiem ki Moab u la long u nongri blang; bad u ju ai ha u syiem ki Israel u shñiuh ki khun langbrot shispah hajar, bad u jong ki langbrot shynrang shispah hajar.

1 KHRONIKL 18:13

Bad u la buh ki karod ha Edom; bad ki Edom baroh ki la long ki khun kliarwait ha u Dabid. Bad U Trai u la ai ka jingjop ïa u Dabid kat shaba u la leit.

2 KHRONIKL 17:2

Bad u la buh shipai ha ki nongbah ba la ker kut ka Judah baroh, bad u la buh ki karod ha ka ri Judah, bad ha ki shnong Ephraim, ïa kiba u Asa u kpa jong u, u la lah knieh.

SALM 140:7

A U Blei U Trai, ka bor ka jingpynim jong nga, me la tap ïa ka khlieh jong nga ha ka sngi ka jingïaleh thma.

SALM 60:10

Me mem shym la kyntait ïa ngi, A U Blei? Bad me, A U Blei, mem mih noh shuh bad ki paidïapom jong ngi.

PROBERB 21:31

Ïa u kulai la khreh hamar ka sngi ba-ïaleh thma: hynrei, ka jingjop ka long na U Trai.

1 SAMUEL 13:3

Bad u Jonathan u la pom ïa ka karod ki Philistia kaba ha Geba, te ki Philistia ki la ïohsngew ïa kata. Bad u Saul u la put da ka ronsing kylleng ka ri baroh, da kaba ong, “To kin ïohsngew ki Hebru.”

1 SAMUEL 14:1

Te ha kawei ka sngi ka la jia, ba u Jonathan u khun u Saul u la ong ha uta u samla uba rah ïa ki atiar jong u, “Ïa, ngin ïaleit sha shiliang sha kata ka karod ki Philistia sha lyndet.” Hynrei, um shym ïathuh ïa la u kpa.

1 SAMUEL 14:15

Bad la don ka jingkyiuh ha ka jaka shong dara, ha lyngkha, bad hapdeng ki briew baroh; kata ka karod, bad kita ki nonglute, ki ruh ki la kyiuh: bad ka khyndew ruh ka la khynñiuh; kumta ka la long ka jingkyiuh ka bakhraw eh.

1 SAMUEL 14:6

Bad u Jonathan u la ong ha uta u samla uba rah ïa ki atiar jong u, “Ïa ngin ïaryngkang sha kata ka karod jong kine kiba khlem otsher: lehse U Trai un ïatrei lem bad ngi: namar ym don ka jingwit ïa U Trai ban pynim da ki babun lane da ki bakhyndiat.”