2 SAMUEL 8:4 - KA BAIBL

⁴ Bad u Dabid u la kem na u, shi hajar hynñiewspah ki nongshong kulai, bad arphew hajar ki shipai ba ïaleh na tbian: bad u Dabid u la ot ïa ki thied khohwah jong ki kulai ki kali ïapom baroh, hynrei, u la pynsah na ki, shispah tylli ïa ki kali ïapom.

Khasi CL Bible (BSI)

⁴ U Dabid u la ïohkem shihajar hynñiewspah ngut ki shipai shong kulai bad arphew hajar ngut ki shipai ïaid kjat. U la buh bun tylli ki kulai na ka bynta ki shispah tylli ki kali ïapom bad ïa kiba sah u la pyndkoh.

2 SAMUEL 8:4 ပူးပေါင်းရင်းမြစ်များ

JENESIS 49:6

Wat ai ba ka mynsiem jong nga kan wan hapoh ka jingïasylla jong ki: ka burom jong nga kan ym ïasoh bad ka jingïalang jong ki: naba ha la ka jingbitar ki la pynïap ïa u briew, bad ha la ka jingmon pathar hi ki la ot noh ïa ki masi.

1 SYIEM 10:26

Te u Solomon u la lum lang ïa ki kali bad ki nongshong kulai: bad u la don shi hajar sawspah ki kali ïapom, bad khat-ar hajar ki nongshong kulai, kiba u la buh ha ki shnong ri kali, bad lem bad u syiem ha Jerusalem.

1 KHRONIKL 18:4

Bad u Dabid u la shim na u, shi hajar ki kali, bad hynñiew hajar ki nongshong kulai, bad arphew hajar kiba ïaleh na tbian: bad u Dabid u la ot ïa ki thied khohwah ki kulai ki kali ïapom baroh, hynrei, u la tyngkai na ki, shispah tylli ïa ki kali ïapom.

SALM 20:7

Don kiba shaniah ha ki kali, kiwei pat ruh ha ki kulai: hynrei, ngi ngin ïathuh ïa ka kyrteng U Trai U Blei jong ngi.

DEUTERONOMI 17:16

Hynrei, un ym pynbun ïa ki kulai ha lade, lymne pynphai pat ïa uta u paidlang sha ka ri Ijipt, khnang ba un ïoh pynbun ïa ki kulai: namar U Trai u la ong ha phi, ‘Wat leit phai pat shuh da kata ka lynti.’

JOSHUA 11:6

Te U Trai u la ong ha u Joshua, “Wat sheptieng namar jong ki: namar lashai hamar kane ka por ngan aiti noh ïa ki baroh ba la pynïap ha khmat ki Israel: men thait ïa ki thied khohwah ki kulai jong ki, bad men thang ïa ki kali jong ki da ka ding.”

JOSHUA 11:9

Bad u Joshua u la leh ha ki kat kumba U Trai u la hukum ïa u: u la thait ïa ki thied ki khohwah ki kulai jong ki, bad u la thang ïa ki kali jong ki da ka ding.