2 SAMUEL 8:2 - KA BAIBL

² Bad u la shoh ïa ki Moab, bad u la thew ïa ki da u ksai, u da pynthiah ïa ki ha khyndew; ïa ka ban pynïap u la thew da ar tylli ki ksai, ïa ka ban ri im te u la thew da uwei u ksai shilynter. Bad kita ki Moab ki la long ki khun kliarwait, bad kiba ai khrong ha u Dabid.

Khasi CL Bible (BSI)

² Nangta u jop ïa ki Moab. U la phah thiah ïa ki koidi ha madan bad pynïap ar ngut na man ki lai ngut. Kumta ki Moab ki kylla long noh ki raïot jong u, bad ki siew khajna sha u.

2 SAMUEL 8:2 ပူးပေါင်းရင်းမြစ်များ

2 SAMUEL 12:31

Bad u la leit lam noh ïa ki briew kiba ha ka, bad u la buh ïa ki ha ki kurat, bad ha ki nar puh, bad ha ki sdie nar, bad u la pyntrei ïa ki ha ki pajwa maw-it: bad kumta, u la leh ha ki shnong ki khun u Ammon baroh. Kumta u Dabid bad u paidbah baroh ki la leit phai pat sha Jerusalem.

2 SAMUEL 8:6

Hangta u Dabid u la buh ïa ki karod ha Syria jong ka Damaskos: te kita ki Syria ki la long ki khun kliarwait ha u Dabid, bad kiba ai khrong. Bad U Trai u la ai ka jingjop ïa u Dabid kat shaba u la leit.

1 SYIEM 4:21

Te u Solomon u la synshar halor ki hima baroh naduh kata ka Wah haduh ka ri ki Philistia, bad haduh ka pud ka ri Ijipt: ki la wallam ki jingnguh syiem, bad ki la shakri ïa u Solomon ha ki sngi ka rta jong u baroh.

2 SYIEM 1:1

Te ynda la ïap u Ahab, ki Moab ki la ïaleh pyrshah ïa ki Israel.

2 SYIEM 17:3

U Shalmanesar u syiem ka Assyria u la wan kiew ban ïaleh ïa u; te u Hoshea u la kylla long u shakri jong u, bad u la wallam ki jingai sngewbha ïa u.

1 KHRONIKL 18:2

Bad u la shoh ïa ki Moab; bad ki Moab ki la long ki khun kliarwait u Dabid, bad kiba ai khrong.

2 KHRONIKL 26:8

Bad ki Ammon ki la ai ki jingai sngewbha ïa u Ussiah: bad ka nam jong u ka la phriang kylleng wat shaduh khap Ijipt; naba u la man khraw bor shibun.

SALM 108:9

U Moab u long u khiew sait jaiñ jong nga; halor ka Edom ngan shat ïa la ka juti; halor ka Philistia ngan risa.”

SALM 18:45

Ki nongwei kin dam noh, bad kin mih da kaba khynñiuh na kita ki jaka bakhim jong ki.

SALM 60:10

Me mem shym la kyntait ïa ngi, A U Blei? Bad me, A U Blei, mem mih noh shuh bad ki paidïapom jong ngi.

SALM 60:8

U Moab u long u khiew sait jaiñ jong nga; halor ka Edom ngan shat ïa la ka juti: ko Philistia, to risa namar jong nga.”

SALM 83:6

ki ïingjaiñ u Edom bad ki Ishmael; ki Moab, bad ki Hagar;

ISAÏAH 36:16

Wat sngap ïa u Hesekaïah: namar kumne ong u syiem ka Assyria: “To ïasuk bad nga, bad to wan mih noh sha nga; bad to bam phi uwei uwei baroh na la u dieng Waiñ, bad uwei uwei baroh na la u dieng Dumbur, bad to dih phi uwei uwei baroh ïa ki um na la ka jong ka pipa.

JINGKHEIÑ 24:17

Nga ïohi ïa u, hynrei, ym mynta: nga ïoh khmih ïa u, hynrei, ym najan: u khlur un wan noh na u Jakob, bad u dieng synshar un mih noh na u Israel, u ban shoh lwet ïa ki Moab baroh sawdong, bad u ban pynjot noh ïa ki khun baroh u Sheth.

1 SAMUEL 10:27

Hynrei, don ki khun u Belial kiba la ïa-ong, “Kumno une un pynim ïa ngi?” Bad ki la beiñ ïa u, bad kim shym wallam ka jingai sngewbha ïa u. Hynrei, u, u la leh kum bym ïohsngew.

1 SAMUEL 14:47

Te haba u Saul u la shimti ïa ka jinglong syiem halor ki Israel, u la ïaleh thma ïa la ki nongshun baroh kylleng, ïa ki Moab, bad ïa ki khun u Ammon, bad ïa ka Edom, bad ïa ki syiem Sobah, bad ïa ki Philistia de: bad shano shano ba u la phai la ka khmat, u la jop.

1 SAMUEL 22:3

Te u Dabid u la leit noh nangta sha Mispeh ri Moab: bad u la ong ha u syiem ka Moab, “Nga kyrpad ïa me, to shah ïa u kpa jong nga bad ïa ka kmie jong nga ban wan shong bad phi, tad ynda ngan ïoh tip U Blei un leh kumno ïa nga.”

1 SAMUEL 22:4

Te u la ïalam ïa ki ha khmat u syiem ka Moab: bad ki la shong lem bad u baroh ki sngi ba u Dabid u la don ha kata ka kut.