2 SAMUEL 8:14 - KA BAIBL

¹⁴ Bad u la buh ki karod ha ka ri Edom; ha ka ri Edom baroh kawei keiñ u la buh ki karod, bad ki Edom baroh ki la long ki khun kliarwait ha u Dabid. U Trai te u la ai ka jingjop ïa u Dabid kat shaba u la leit.

Khasi CL Bible (BSI)

¹⁴ U la pynïeng ki dara sah shipai ha kylleng ka Edom, bad ki briew hangta ki kylla long ki raïot jong u. U Trai u la pynlong ïa u Dabid ban jop kylleng kylleng.

2 SAMUEL 8:14 ပူးပေါင်းရင်းမြစ်များ

JENESIS 25:23

Bad U Trai u la ong ha ka, “Don ha ka kpoh jong pha ar ki jaid bynriew, bad ar ki paidbah keiñ kin sa ïakhlad noh ïa lade hi ha ka kpoh jong pha; bad uwei u paidlang un kham don bor ïa uta uwei pat; bad uta uba shuwa un shakri ïa uba hadien.”

JENESIS 27:29

to long ba ki paidlang kin ïashakri ïa me, bad ki jaid bynriew kin ïadem khrup ha me: to long u trai halor la ki para, bad to long ba ki khun shynrang ka kmie jong me kin dem khrup ha me: uta uba tim ïa me un long uba la shah tim hi, bad uta uba kyrkhu ïa me un long uba la shah kyrkhu hi.”

2 SAMUEL 5:10

Bad u Dabid u la nang ïoh bor nang ïoh bor; bad U Trai, U Blei ki paid, u la don ryngkat bad u.

2 SAMUEL 7:9

Bad nga la don ryngkat bad me kat shaba me la leit, bad nga la ot noh ïa ki nongshun jong me baroh na khmat jong me; bad ngan pynlong ïa me ka nam ka bakhraw, kum ka nam jong ki bakhraw tam kiba ha ka pyrthei.

2 SAMUEL 8:15

Bad u Dabid u la synshar halor ki Israel baroh: bad u Dabid u la leh ïa ka jingbishar bad ïa ka hok ïa ki briew jong u baroh.

2 SAMUEL 8:6

Hangta u Dabid u la buh ïa ki karod ha Syria jong ka Damaskos: te kita ki Syria ki la long ki khun kliarwait ha u Dabid, bad kiba ai khrong. Bad U Trai u la ai ka jingjop ïa u Dabid kat shaba u la leit.

1 SYIEM 11:15

Naba mynba u Dabid u la don ha Edom, bad u Joab u kaptan u paidïapom u la leit kiew ban tep ïa kiba la pynïap, haba u la lah pynïap ïa u shynrang baroh ha Edom;

1 SYIEM 22:47

Te ym shym la don syiem ha Edom: u lyngskor u la long u syiem.

1 SYIEM 22:48

U Jehoshaphat u la thaw ki lieng Tarshish ban leit sha Ophir ban ïoh ka ksiar: hynrei, kim shym ïoh leit; namar ki lieng ki la pait ha Esion-geber.

2 SYIEM 14:7

U la pynïap na ki Edom ha ka Them Mluh shiphew hajar ngut, bad u la jop ïa ka Selah ha ka thma, bad u la khot kyrteng ïa ka, “ka Jokthil” haduh kane ka sngi.

2 SYIEM 18:7

U Trai u la don lem bad u: kat shaba u leit u man bha: bad u la ïaleh pyrshah ïa u syiem ka Assyria, bad um shym shakri ïa u.

1 KHRONIKL 18:13

Bad u la buh ki karod ha Edom; bad ki Edom baroh ki la long ki khun kliarwait ha u Dabid. Bad U Trai u la ai ka jingjop ïa u Dabid kat shaba u la leit.

SALM 60:1

A U Blei, me la kyntait ïa ngi, me la pynkheiñ lwet ïa ngi; me la bitar; A to pynbha pat ïa ngi.