2 SAMUEL 7:8 - KA BAIBL

⁸ Mynta te men ong kumne ïa u Dabid u shakri jong nga, “Kumne u ong U Trai ki paid: Nga la shim ïa me na kata ka jingker, bad na kaba bud ïa ki langbrot, ïa ka ban long u nongïalam halor ki briew jong nga, halor ki Israel keiñ.

Khasi CL Bible (BSI)

⁸ “Kumta ïathuh ha u shakri jong nga u Dabid ba nga U Trai Badonbor Baroh nga ong ha u, ‘Nga la shim ïa me na kaba sharai ïa ki langbrot ha ki pyntha phlang, bad nga la thung ïa me u nongsynshar ïa ki briew jong nga ki Israel.

2 SAMUEL 7:8 ပူးပေါင်းရင်းမြစ်များ

2 SAMUEL 12:7

U Nathan te u la ong ha u Dabid, “Me long ma me uta u briew. Kumne u ong U Trai, U Blei ki Israel, ‘Nga la pynsleh ïa me ban long u syiem halor ki Israel, nga la pynim ruh ïa me na ka kti u Saul;

2 SAMUEL 14:13

Te kata ka briew ka la ong, “Namar kata te balei ba me la pyrkhat kumne pyrshah ïa u paidbah jong U Blei? namar haba u syiem u kren ïa kane ka ktien u long kum uba rem, ha kaba u syiem um wallam pat sha la ïing ïa uba la beh noh jong u.

2 SAMUEL 23:1

Te kine ki long ki ktien ki bakhatduh ki jong u Dabid. U Dabid u khun u Jesse u ong, bad uta u briew ïa uba la kyntiew sha jrong u ong, uta uba la sleh jong U Blei u Jakob, bad u nongrwai babang jong u Israel:

2 SAMUEL 24:17

U Dabid te u la kren ha U Trai haba u la ïohi ïa uta u angel uba la shoh ïa u paidbah, bad u la ong, “Ha khmih, nga, nga la leh pop, bad nga, nga la leh kiat: hynrei, kine ki langbrot, ki la leh aïu kine? nga kyrpad ïa me, to ka kti jong me kan long halor jong nga, bad halor ka ïing u kpa jong nga.”

2 SAMUEL 5:2

Mynshuwa ruh, mynba u Saul u la long syiem halor jong ngi, long ma me uba la ju ïalam shabar bad uba wallam shapoh ïa ki Israel: bad U Trai u la ong ha me, ‘Men bsa ma me ïa ki briew jong nga ki Israel, bad men long u nongïalam ïa ki Israel.’ ”

2 SAMUEL 6:21

Te u Dabid u la ong ha ka Mikhal, “Ka la long ha khmat U Trai keiñ, uba la jied ïa nga pynban, ban ïa u kpa jong pha, bad ban ïa ka ïing jong u baroh, u da thung ïa nga ban long u nongïalam halor u paidbah jong U Trai, halor ki Israel: namar kata, ngan nang leh sngewbha ruh ha khmat U Trai.

1 SYIEM 3:6

U Solomon te u la ong, “Me la pyni ka jingsbun bakhraw ha u shakri jong me u Dabid u kpa jong nga, kat kumba u la ïaid ha khmat jong me ha ka jingshisha, bad ha ka hok, bad ha ka jingbeit ka dohnud bad me; bad me la tyngkai na ka bynta jong u ïa kane ka jingsbun bakhraw, ba me la ai ha u, u khun ban shong halor ka khet jong u, kumba ka long ha kane ka sngi.

1 SYIEM 8:16

‘Naduh kata ka sngi ba nga la wallam noh ïa u paidbah jong nga – ki Israel – na Ijipt, ngam shym la jied kano kano ka shnong na ki jaid Israel baroh ban tei ïa ka ïing, ba ka kyrteng jong nga kan ïoh long hangta; hynrei, nga la jied ïa u Dabid ban long halor u paidbah jong nga, ki Israel.’

1 KHRONIKL 17:7

Namar kata te, men ong ha u shakri jong nga u Dabid, ‘Kumne u ong U Trai ki paid, Nga la shim ïa me na ka sem langbrot, na kaba bud ïa ki langbrot, ba men long u nongïalam halor ki briew jong nga ki Israel:

1 KHRONIKL 21:17

Bad u Dabid u la ong ha U Blei, “Ym long ma nga uba la hukum ban kheiñ ïa u paidbah? dei ma nga keiñ uba la leh pop bad nga la leh bymman eh; hynrei, kine ki langbrot, ki la leh aïu kine? Nga kyrpad ïa me, A Trai U Blei jong nga, to ka kti jong me kan long halor jong nga, bad halor ka ïing u kpa jong nga; hynrei, ym halor une u paidbah jong me, ba kin ïapkhlam.”

AMOS 7:15

te U Trai u la shim noh ïa nga na kaba sharai ïa ka kynhun, bad U Trai u la ong ha nga, ‘Khie leit, ïathuhlypa ha ki Israel ki briew jong nga.’

KI KAM 7:46

uba la shem ka jingaiei ha khmat U Blei, bad u la pan ban shem ka jaka shongneh ïa U Blei u Jakob.

1 SAMUEL 10:1

Ynda kumta, u Samuel u la shim shi tyndong ka umphniang, bad u la theh ïa ka halor ka khlieh jong u, bad u la doh ïa u, bad u la ong, “Hato U Trai um shym la pynsleh ïa me ban long u nongïalam halor ka bynta jong u?

1 SAMUEL 2:8

U pynïeng ïa ki baduk na ka 'dewmet, u pynkyntiew ruh ïa ki bakyrduh khait na ka thliew sboh, ban pynshong ïa ki lem bad ki syiem, bad ban pynïoh ha ki ka khet ka burom; naba ki rijied jong ka khyndew ki long ki jong U Trai, bad u la pynshong ma u ïa ka pyrthei halor jong ki.

1 SAMUEL 9:16

“Lashai hamar kane ka por ngan phah sha me ïa u briew uba na ka ri Benjamin, te men pynsleh ïa u ban long u nongïalam halor ki briew jong nga ki Israel, bad un pyllait ïa ki briew jong nga na ka kti ki Philistia: namar nga la khmih ïa la ki briew, naba ka jinglynñiar jong ki ka la poi sha nga.”