2 SAMUEL 7:7 - KA BAIBL

⁷ Ha kita ki jaka baroh ha kiba nga la ïaid ryngkat bad ki khun Israel baroh, nga la kren shikyntien ne em ha kano kano ruh na ki jaid ki Israel, ïa kiba nga la hukum ba kin bsa ïa ki briew jong nga ki Israel, da kaba ong, “Balei ba phim shym la tei ka ïing dieng Kedar ïa nga?”

Khasi CL Bible (BSI)

⁷ Ha ka jingleit jong nga baroh bad ki paid Israel ngam pat ju ong ha uno uno na ki nongïalam ba nga la thung, balei ba kim shym la tei ïa nga ka templ kaba thaw da ki dieng Kedar.’

2 SAMUEL 7:7 ပူးပေါင်းရင်းမြစ်များ

2 SAMUEL 5:2

Mynshuwa ruh, mynba u Saul u la long syiem halor jong ngi, long ma me uba la ju ïalam shabar bad uba wallam shapoh ïa ki Israel: bad U Trai u la ong ha me, ‘Men bsa ma me ïa ki briew jong nga ki Israel, bad men long u nongïalam ïa ki Israel.’ ”

1 KHRONIKL 11:2

Wat mynno mynno ruh, haba u Saul u dang long syiem, dei ma me uba la ïalam shabar bad uba la wallam shapoh ha Israel: bad U Trai U Blei jong me u la ong ha me, ‘Men bsa ïa ki briew jong nga ki Israel, bad men long u nongïalam halor ki briew jong nga ki Israel.’ ”

1 KHRONIKL 17:6

Ha ki jaka baroh ha kiba nga la ïaid lem bad ki Israel baroh, hato nga la kren shikyntien bad uno uno na ki nongbishar jong ki Israel, ïa kiba nga la hukum ban bsa ïa ki briew jong nga, ba nga ong, “Balei phim shym la tei ka ïing Kedar ïa nga?” ’

ISAÏAH 40:11

Un bsa ïa ka kynhun jong u kum u nongaplangbrot, ha ka ksang'ti jong u un lum ïa ki khun langbrot, bad ha ka shadem jong u un rah ïa ki, bad un ïalam suki ïa kiba ai buiñ.

ISAÏAH 66:1

Kumne u ong U Trai, “Ka bneng ka long ka khet jong nga, bad ka khyndew ka jingïuh kjat jong nga: kaba kumno ka ïing phin tei ïa nga? Bad kaba kumno ka jaka ka jingshongthait jong nga?

JEREMAÏAH 23:4

Bad ngan buh ki nongsharai halor jong ki, ki ban bsa ïa ki: te kin ym sheptieng shuh, lymne khaw-eit, lymne kin ym duna kawei ruh,” ong U Trai.

JEREMAÏAH 3:15

“ ‘Bad ngan ai ïa phi ki nongaplangbrot kiba kat kum ka dohnud jong nga, ki ban bsa ïa phi da ka jingtip bad ka jingshemphang.

ESEKIEL 34:15

Ma nga hi ngan bsa ïa ki langbrot jong nga bad ngan pynthiah ïa ki,’ ong U Trai U Blei.

ESEKIEL 34:2

“Ko khun u briew, to ïathuhlypa pyrshah ïa ki nongaplangbrot jong ki Israel, to ïathuhlypa, bad to ong ruh ha ki, ha ki nongaplangbrot keiñ, ‘Kumne u ong U Trai U Blei: Kordit ïa ki nongaplangbrot jong ki Israel kiba bsa ïa lade! ym dei ïa ki nongaplangbrot ban bsa ïa ki langbrot?

ESEKIEL 34:23

Bad ngan thung ïa uwei u nongaplangbrot halor jong ki, u te un bsa ïa ki, u shakri jong nga keiñ u Dabid; un bsa ïa ki, bad un long u nongaplangbrot jong ki.

MIKAH 5:4

Bad un ïeng, bad un bsa ïa la ka kynhun ha ka bor U Trai, ha ka burom ka kyrteng U Trai U Blei jong u: bad kin ïashong; naba hangta un long uba khraw haduh ki bakut ka pyrthei.

MATHAÏOS 2:6

“ ‘Pha ruh ka Bethlehem, ka ri Judia, pham long i barit tam hapdeng ki syiem Judia: naba na pha un mih U Nongsynshar, u ban sharai ïa ki briew jong nga ki Israel.’ ”

KI KAM 20:28

To sumar shaphang ïa lade bad shaphang kata ka kynhun baroh, ha kaba U Mynsiem Bakhuid u la pynlong ïa phi ki nongsharai, ban bsa ïa ka balang U Blei, ïa kaba u la thied da ka snam jong u hi.

KI KAM 21:28

ki da ïapyrta noh, “Ko rangbah Israel, to ïarap kloi! Dei une u briew uba hikai kylleng la kylleng ruh ïa ki briew baroh ban ïaleh ïa u paidlang, bad ïa ka hukum, bad ïa kane ka jaka! Bad nalor kata, u la ïalam ïa ki Grik ruh hapoh ka templ, bad u la pyntngit ïa kane ka jaka bakyntang!”

DEUTERONOMI 23:14

naba U Trai uba U Blei jong me u ïaid hapdeng ki dara jong me, ban pynim ïa me, bad ban aiti ïa ki nongshun jong me ha khmat jong me; namar kata, kita ki dara jong me kin long bakhuid; ba un ym ïohi kaei kaei ruh kaba tngit ha me, bad un phai noh na me.

1 PETROS 5:1

Ïa ki tymmen basan kiba hapdeng jong phi, namar kata, nga kyntu, uba u para tymmen basan keiñ, bad u sakhi ïa kita ki jingshahshitom U Khrist, bad u nongïoh bynta ruh na kata ka burom ïa ka ban sa pynpaw,