2 SAMUEL 7:3 - KA BAIBL

³ Bad u Nathan u la ong ha u syiem, “Khie, to leh ïa kiei kiei baroh kiba ha ka dohnud jong me; naba U Trai u don lem bad me.”

Khasi CL Bible (BSI)

³ U Nathan u jubab, “Leh ïa kano kano kaba phi pyrkhat, namar U Trai u don ryngkat bad phi.”

2 SAMUEL 7:3 ပူးပေါင်းရင်းမြစ်များ

2 SAMUEL 7:4

Te ha kata ka miet, ka la jia ba ka ktien U Trai ka la wan ha u Nathan, ka da ong,

1 SYIEM 1:8

Hynrei, u Sadok lyngdoh, bad u Benaïah u khun u Jehoïada, bad u Nathan u nongïathuhlypa, bad u Shimei, bad u Rei, bad ki rangbah khraw bor jong u Dabid, kim shym la leit lem bad u Adonijah.

2 SYIEM 4:27

Te ynda ka la poi ha uta u briew jong U Blei ha uta u lum, ka la bat na ki kjat jong u. Bad u Gehasi u la wan hajan ban beh noh ïa ka; hynrei, uta u briew jong U Blei u la ong, “To ieh ïa ka: namar ka mynsiem jong ka, ka khuslai hapoh jong ka; bad U Trai u la buhrieh ïa kata na nga, bad um shym la ïathuh ha nga.”

1 KHRONIKL 22:7

Bad u Dabid u la ong ha u Solomon u khun jong u, “Ha nga hi, ka la don ha ka dohnud jong nga ban thaw ka ïing ïa ka kyrteng U Trai U Blei jong nga.

1 KHRONIKL 28:2

Ynda kumta, u Dabid u syiem u la ïeng joit da la ki kjat, bad u la ong, “To sngap ïa nga, ko para, bad ki briew jong nga: ma nga te, ka la don ha ka dohnud jong nga ban tei ka ïing shongthait ïa ka synduk ka jutang U Trai, bad ban long ka jingïuh kjat jong U Blei jong ngi; bad nga la lah khreh khnang ïa ka jingtei.

1 KHRONIKL 29:29

Te ki kam jong u Dabid u syiem, ki banyngkong bad ki bakhatduh, ha khmih, la thoh ïa ki ha Ka Jingïathuhkhana u Samuel u nongïohi, bad ha Ka Jingïathuhkhana u Nathan u nongïathuhlypa, bad ha Ka Jingïathuhkhana u Gad u nongïohi;

2 KHRONIKL 29:25

Te u la buh ïa ki Lebi ha ka ïing U Trai bad ki shakuriaw, bad ki nebel, bad ki duitara de, kat kum ka hukum jong u Dabid, bad ka jong u Gad u nongïohi jong u syiem, bad u Nathan u nongïathuhlypa: namar ka hukum ka la long na U Trai da ki nongïathuhlypa jong U.

SALM 20:4

Un ai ha me ïa ka jingkwah ka dohnud jong me, bad un pyndep ïa ka jingpyrkhat jong me baroh.

SALM 37:4

To pynsngewbha ïa lade ruh ha U Trai; te un ai ha me ïa ki jingkwah ka dohnud jong me.

1 ÏOANNIS 2:27

Te shaphang jong phi, kata ka jingpynsleh ïa kaba phi la pdiang na u ka ïaisah ha phi, te phim donkam shuh ba uno uno ruh un da hikai ïa phi; hynrei, kumba kata ka jingpynsleh jong u ka hikai ïa phi shaphang kiei kiei baroh, bad ka long kaba shisha, bad kam long kaba lamler, te kumta kumba la hikai ïa phi, phin ïaisah ha u.

1 SAMUEL 10:7

Te ynda kin jia kine ki dak ïa me, to leh katba me shem lad; namar U Blei u don ryngkat bad me.

1 SAMUEL 14:7

Te uta uba rah ïa ki atiar jong u, u la ong ha u, “To leh ïa kiei kiei baroh katba don ha ka dohnud jong me; to phai, ha khmih nga don ryngkat bad me katba mon ka dohnud jong me.”

1 SAMUEL 16:7

Hynrei, U Trai u la ong ha u Samuel, “Wat khmih ïa ka khmat jong u, lymne ïa ka jingjrong ka rynïeng jong u, namar nga la kyntait ïa u: naba U Blei um ju khmih kumba khmih u briew; naba u briew u ïohi tang ïa ka dur kaba shabar, hynrei, U Trai u ïohi ïa ka dohnud.”