2 SAMUEL 7:26 - KA BAIBL

²⁶ Bad to ai ba ka kyrteng jong me kan long ïa kaba la pynkhraw junom, da kaba ong, ‘U Trai ki paid u long U Blei halor ki Israel:’ bad to ai ba ka ïing u Dabid u shakri jong me kan long ïa kaba la pynskhem ha khmat jong me.

Khasi CL Bible (BSI)

²⁶ Ka nam jong me kan long kaba khraw, bad ki briew kin ong junom, ‘U Trai Nongsynshar u long U Blei halor ki Israel.’ Bad men pynneh ïa ka longïing syiem jong nga ha ki por baroh.

2 SAMUEL 7:26 ပူးပေါင်းရင်းမြစ်များ

JENESIS 17:18

Te u Abraham u la ong ha U Blei, “A tang ba un da ïoh im u Ishmael ha khmat jong me!”

2 SAMUEL 7:25

Mynta te, A Trai U Blei, to pynskhem junom ïa kata ka ktien kaba me la kren shaphang u shakri jong me, bad shaphang kata ka ïing jong u, bad to leh ruh kumba me la ong.

1 SYIEM 18:36

Te hamar ka por ainguh ïa ka jingkñia la janmiet, u Elijah u nongïathuhlypa u la wan hajan, bad u la ong, “A Trai, U Blei jong u Abraham, u jong u Isaak, bad u jong u Israel, to pyntip ha kane ka sngi ba me long U Blei ha Israel, bad ba nga long ma nga u shakri jong me, bad ba nga la leh ïa kine kiei kiei baroh da ka ktien jong me.

1 SYIEM 18:37

Sngew ïa nga, A Trai, to sngew ïa nga, ba une u paidbah un ïoh tip ba ma me, U Trai, me long U Blei, bad ba me la pynphai pat ïa ka dohnud jong ki.”

SALM 115:1

Ym ha ngi, A Trai, ym ha ngi, hynrei, ha la ka jong ka kyrteng to ai burom, na ka bynta ka jingisynei, bad na ka bynta ka jingshisha jong me.

SALM 61:7

Un ïoh ïaineh ha khmat U Blei junom: A, to khreh ïa ka jingleh isynei bad ka jingshisha, ba kin ri pynim ïa u.

SALM 89:36

u symbai jong u un neh junom, bad ka khet jong u kum ka sngi ha khmat jong nga.

MATHAÏOS 6:9

Namar kata, phin duwai kumne: “Ko Kpa jong ngi uba ha bneng, long bakhuid ka kyrteng jong me.

ÏOANNIS 12:28

Ko Kpa, pyndonburom ïa la ka kyrteng.” Ynda kumta, la wan ka ktien na bneng, “Nga la pyndonburom te, bad ngan pyndonburom ïa ka pat.”