2 SAMUEL 7:24 - KA BAIBL

²⁴ Namar me la pynskhem ha lade ïa u paidlang jong me, ïa ki Israel keiñ, ba kin long u paidlang ïa me hi junom; naba ma me, A Trai, me la jia long U Blei jong ki.

Khasi CL Bible (BSI)

²⁴ Me la pynlong ïa ki Israel, ki briew jong me hi junom, bad me, A Trai, me la long U Blei jong ki.

2 SAMUEL 7:24 ပူးပေါင်းရင်းမြစ်များ

JENESIS 17:7

Bad ngan pynskhem ïa la ka jutang hapdeng jong nga bad me bad u symbai jong me hadien jong me ruh, ha ki pateng la pateng bynriew jong ki, ban long ka jutang ka baïaineh junom, ban long U Blei ïa me, bad ïa u symbai jong me hadien jong me.

JENESIS 17:8

Bad ngan ai ha me, bad ha u symbai jong me hadien jong me, ïa ka ri ha kaba me shong nongwei, ïa ka ri Kanaan baroh kawei keiñ, ïa ka ban long ka bynta trai ba-neh junom; bad ngan long U Blei jong ki.”

2 SAMUEL 7:23

Bad kano ka jaid bynriew kawei ha ka khyndew kaba kum u paidlang jong me, kum ki Israel keiñ, ïa kaba U Blei u la leit ban pynim, ba kin long u paidlang ïa u hi, bad ban pynlong ïa lade ka nam, bad ban leh na ka bynta jong phi ïa kiei kiei ki bakhraw, bad ïa kiei kiei kiba itriem na ka bynta ka ri jong me, ha khmat u paidlang jong me, kiba me la pynim na ka ri Ijipt na ka bynta ïa lade, na kita ki jaid bynriew bad na ki blei jong ki?

2 SAMUEL 7:25

Mynta te, A Trai U Blei, to pynskhem junom ïa kata ka ktien kaba me la kren shaphang u shakri jong me, bad shaphang kata ka ïing jong u, bad to leh ruh kumba me la ong.

1 KHRONIKL 17:22

Naba ïa ki briew jong me ki Israel, me la pynlong u paidlang la u jong hi ha la ka rta; bad ma me, A Trai, me la jia long U Blei jong ki.

SALM 48:14

“Naba une U Blei u long U Blei jong ngi junom la junom: un long u nongïalam jong ngi jin haduh ka jingïap.”

EKSODOS 15:2

U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

ISAÏAH 12:2

“Ha khmih, U Blei u long ka jingpynim jong nga; ngan shaniah, bad ngan ym sngewsheptieng: namar U Trai Jehobah u long ka bor bad ka jingrwai jong nga; u la kylla long ruh ka jingpynim jong nga.”

JEREMAÏAH 31:1

“Ha kata ka por,” ong U Trai, “ngan long U Blei jong ki ïing Israel baroh, bad kin long ki briew jong nga.”

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

JEREMAÏAH 32:38

bad kin long ki briew jong nga, bad ngan long U Blei jong ki:

HOSIA 1:10

Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

SEKHARAÏAH 13:9

Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

ÏOANNIS 1:12

Hynrei, kat kiba la pdiang ïa u, ha kito, u la ai bor ban long ki khun U Blei, kata, ha kita kiba ngeit ha ka kyrteng jong u:

DEUTERONOMI 26:18

U Trai ruh u la shim ïa me ha kane ka sngi ban long u paidlang la u jong hi, kumba u la kular ïa me, bad ba men sumar ïa ki hukum jong u baroh;

DEUTERONOMI 27:9

Te u Moses, bad ki Lebi ki lyngdoh, ki la ïakren ha ki Israel baroh, da kaba ong, “To sumar, to shahshkor ruh, A Israel; ha kane ka sngi la pynlong ïa me u paidlang ïa U Trai uba U Blei jong me.

DEUTERONOMI 32:6

Kumne mo phi siew kylliang ïa U Trai, A u paidlang ba-bieit bad bymnang? um long ma U, U kpa jong me uba la siewspah ïa me? Um shym la thaw ïa me, bad la pynneh ïa me?

1 PETROS 2:10

kiba mynno mynno ruh kim long u paidlang, hynrei, mynta, ki long keiñ u paidlang U Blei: ïa kiba ym shym la isynei, hynrei, mynta, la isynei ïa ki.