2 SAMUEL 7:23 - KA BAIBL

²³ Bad kano ka jaid bynriew kawei ha ka khyndew kaba kum u paidlang jong me, kum ki Israel keiñ, ïa kaba U Blei u la leit ban pynim, ba kin long u paidlang ïa u hi, bad ban pynlong ïa lade ka nam, bad ban leh na ka bynta jong phi ïa kiei kiei ki bakhraw, bad ïa kiei kiei kiba itriem na ka bynta ka ri jong me, ha khmat u paidlang jong me, kiba me la pynim na ka ri Ijipt na ka bynta ïa lade, na kita ki jaid bynriew bad na ki blei jong ki?

Khasi CL Bible (BSI)

²³ Ym don kawei pat ka jaitbynriew ha ka pyrthei kaba kum ki Israel, ïa kiba me la pyllait im na ka jinglongmraw ban pynlong ïa ki, ki briew jong me hi. Kiei kiei kiba khraw bad kiba phylla me la leh na ka bynta jong ki, ki la pynphriang ïa ka nam jong me kylleng satlak ka pyrthei. Me la beh noh ïa kiwei pat ki jaitbynriew bad ïa ki blei jong ki katba ki briew jong me ki nang ïaid shaphrang, ki briew ïa kiba me la pyllaitluid na Ijipt ban long ki jong me hi.

2 SAMUEL 7:23 ပူးပေါင်းရင်းမြစ်များ

2 SAMUEL 7:24

Namar me la pynskhem ha lade ïa u paidlang jong me, ïa ki Israel keiñ, ba kin long u paidlang ïa me hi junom; naba ma me, A Trai, me la jia long U Blei jong ki.

1 KHRONIKL 17:21

Bad kano kawei ka jaid bynriew ha ka khyndew kaba kum u paidlang jong me ki Israel, ïa kiba U Blei u la leit ban pynim ba kin long u paidlang ïa u hi, ban pynlong ïa me ka nam da kiei kiei kiba khraw bad kiba itriem, ha kaba beh noh ïa ki jaid bynriew na khmat ki briew jong me, ïa kiba me la pynim na Ijipt?

NEHEMAÏAH 1:10

Mynta, kine ki long ki shakri jong me bad u paidlang jong me, ïa kiba me la pynim da ka bor bakhraw jong me, bad da ka kti badonbor jong me.

SALM 106:22

ki kam kiba phylla ha ka ri u Ham, bad kiei kiei kiba itieng ha ka Duriaw Basaw.

SALM 111:9

U la phah ïa ka jingpynim ïa la ki briew; u la hukum ïa la ka jutang junom: ka bakhuid bad kaba itieng long ka kyrteng jong u.

SALM 145:6

Te ki briew kin kren ïa ka bor ki jingleh ba-itieng jong me; nga ruh ngan pynbna ïa ka jingkhraw jong me.

SALM 147:20

Um shym leh kumta bad kano kano ka jaid bynriew: bad ïa ki jingbishar jong u, kim shym la ithuh ïa ki. To ïaroh ïa U Trai.

SALM 40:5

Ki long shibun, A Trai U Blei jong nga, ki kam ki baphylla kiba me la leh, bad ki jingmut jong me kiba sha ngi: ym lah ban buh ryntih ïa ki ha me; lada ngan ïathuh bad kren ïa ki, ki kham bun ban ïa kaba lah ban ñiew.

SALM 44:3

Namar kim shym ïoh ha ki ïa ka ri da la ka jong ka wait, lymne ym shym la pynim ïa ki da la ka jong ka ksang'ti: hynrei, ka kti kamon jong me, bad ka ksang'ti jong me, bad ka jingshai ka khmat jong me, namar ba me la ieit ïa ki.

SALM 65:5

Da kiei kiei kiba itieng men phai ktien ïa ngi ha ka hok, A U Blei ka jingpynim jong ngi; me uba long ka jingshaniah ki bakut ka khyndew baroh, bad ka jong kita kiba sha jngai halor ka duriaw:

SALM 66:3

To ong ha U Blei, “Katno kiba itriem ki long ki kam jong me! Namar ka jingkhraw ka bor jong me, ki nongshun jong me kin pynkohnguh ïa lade ha me.

EKSODOS 12:12

Naba ngan ïaid lyngba ka ri Ijipt ha kane ka miet, bad ngan shoh ïap ïa u khun nyngkong baroh kiba ha ka ri Ijipt, u jong u briew bad u jong u mrad ruh; bad pyrshah ïa ki blei ka ri Ijipt ngan pynlong ïa ka jingbishar: ma nga, nga long U Trai.

EKSODOS 33:16

Naba da kumno yn tip hangne ba ma nga bad u paidlang jong me, ngi la shem ïa ka jingsngewbha ha khmat jong me? ym dei da kaba leit ma me ryngkat bad ngi, ba kumta, ma nga bad u paidlang jong me ngin sa long kiba la kyrpang na ki briew baroh kiba ha ka khmat ka pyrthei.”

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

EKSODOS 9:15

Naba lada nga la lah kner ïa la ka kti, bad shoh ïa me bad ïa ki briew jong me da ka jingïapthem, te ïa me la lah ot noh na ka pyrthei;

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

JEREMAÏAH 32:20

uba la buh ki dak bad ki jingphylla ha ka ri Ijipt haduh kane ka sngi keiñ, kumjuh ha Israel bad hapdeng kiwei pat ki briew; bad uba la pynlong ïa lade ka kyrteng, kumba ka long ha kane ka sngi;

JEREMAÏAH 32:21

bad uba la ïalam noh ïa la ki briew ki Israel na ka ri Ijipt da ki dak, bad da ki jingphylla, bad da ka kti bakhlaiñ, bad da ka ksang'ti ba la kner, bad da ka jingitieng bakhraw;

ESEKIEL 20:9

Hynrei, nga la leh na ka bynta la ka kyrteng, ba yn ym pyntngit ïa ka ha khmat ki jaid bynriew, hapdeng kiba ki la don, kiba ha khmat jong ki nga la pynpaw ïa lade ha ki, ha kaba wallam noh ïa ki na ka ri Ijipt.

JINGKHEIÑ 6:27

“Kumta keiñ, kin ïabuh ïa ka kyrteng jong nga halor ki khun Israel; ma nga te ngan kyrkhu ïa ki.”

EPHESOS 1:6

ïa ka ban ïaroh ïa ka burom ka jingaiei jong u, kaba u la ai ei ha ngi ha uta U Ba-ieit,

DEUTERONOMI 10:21

U ruh u long ka jingïaroh jong me, bad u long U Blei jong me, uba na ka bynta jong me u la leh ïa kine kiei kiei kiba khraw bad ba-itieng, ïa kiba me la ïohi da la ki khmat.

DEUTERONOMI 15:15

Bad men kynmaw, ba me hi me la ju long u mraw ha ka ri Ijipt, bad ba U Trai uba U Blei jong me u la siewspah ïa me: namar kata, nga hukum ha me ïa kane mynta.

DEUTERONOMI 33:29

Suk ma me, A Israel: uei uba kat ma me, A u paidlang ba la pynim da U Trai, uba ka stieh ka jingïarap jong me, bad uba long ka waitlam ka jinglong burom jong me! bad ki nongshun jong me ruh kin nguh ïa me; bad men ïoh ïuh top halor ki jaka kiba jrong jong ki.”

DEUTERONOMI 9:26

Nga la duwai te ha U Trai, nga la ong, ‘A Trai uba U Blei, wat pynjot noh ïa la u paidlang, bad ïa la ka bynta pateng, ïa kiba me la siewspah da ka bor khraw jong me, ïa kiba me la wallam noh na ka ri Ijipt da ka kti badonbor.

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

JOSHUA 7:9

Namar ki Kanaan bad ki trai-shnong kiba ha ka ri kin ïohsngew ïa kane, bad kin ker sawdong ïa ngi, kin ot noh ruh ïa ka kyrteng jong ngi na ka khyndew: te men leh kumno ïa la ka kyrteng bakhraw?”

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u:

JINGPYNPAW 5:9

Bad ki ïarwai ïa ka jingrwai bathymmai, ki da ong, “Me long uba dei ban shim ïa kata ka kitab, bad ban plie ïa kita ki jingpyndait jong ka; naba la pynïap keiñ ïa me, bad me la siewspah ha U Blei da ka snam jong me ïa kiba na ka jaid, bad na ka thylliej, bad na u paidlang, bad na ka kynja bynriew baroh;