2 SAMUEL 7:22 - KA BAIBL

²² Namar kata, me long u bakhraw, A Trai U Blei; naba ym don uba kat ma me, lymne ym don U Blei nalor jong me, katba kum kata baroh ïa kaba ngi la ïohsngew da la ki shkor.

Khasi CL Bible (BSI)

²² Katno me long uba khraw; A Trai Nongsynshar! Ym don uwei pat uba kum ma me, ngi la ju tip ba dei tang ma me hi uba long U Blei.

2 SAMUEL 7:22 ပူးပေါင်းရင်းမြစ်များ

2 SAMUEL 22:32

“Naba uei uba long U Blei, hynrei, tang U Trai? bad uei uba long u mawsiang, hynrei, tang U Blei jong ngi?

1 SYIEM 8:23

bad u la ong ruh, “A Trai, U Blei ki Israel, ym don Blei kum ma me, ha bneng sha jrong, lane ha ka khyndew shapoh; uba sumar ïa ka jutang bad ka jingisynei bad la ki shakri, kiba ïaid ha khmat jong me da ka dohnud jong ki baroh:

1 KHRONIKL 16:25

Naba u bakhraw long U Trai, bad ïa uba dei ïaroh eh: u long uba dei ruh ban sheptieng ïa u nalor ki blei baroh.

2 KHRONIKL 2:5

Bad ka ïing kaba nga thaw ka long kaba khraw: namar U Blei jong ngi u long u bakhraw tam ïa ki blei baroh.

SALM 135:5

Naba nga tip ba U Trai u long u bakhraw, bad ba U Trai jong ngi u ha khlieh ki blei baroh.

SALM 145:3

U bakhraw long U Trai, bad uba dei ïaroh eh; bad ka jingkhraw jong u ka bym lah ïit shuh.

SALM 44:1

Ngi la ïohsngew da la ki shkor, A U Blei, ki kpa jong ngi ki la ïathuh ha ngi, ïa ka kam kaba me la leh ha ki sngi jong ki, ha ki sngi mynbarim.

SALM 48:1

U bakhraw long U Trai, bad uba dei eh ban ïaroh, ha ka nongbah U Blei jong ngi, ha u lum bakyntang jong u.

SALM 86:10

Naba me long u bakhraw, bad me leh ïa kiei kiei ki baphylla: me long U Blei tang ma me hi.

SALM 86:8

Ym don uba kat ma me hapdeng ki blei, A Trai; lymne ki kam kum ki kam jong me.

SALM 89:6

Naba uei ha ki suiñ uba lah ban ïapyrshang bad U Trai? Uei na ki khun jong ki bakhrawbor uba kat U Trai.

SALM 89:8

A Trai U Blei ki paid, uei u bakhrawbor kat ma me, Ko Jah? Bad ka jingshisha jong me ka baroh sawdong ïa me.

SALM 96:4

Naba U Trai u long u bakhraw, bad uba dei ïaroh eh: u long uba dei ban sheptieng ïa u halor ki blei baroh.

EKSODOS 10:2

bad ba me ruh men pynsngew ha la ki khun, bad ha u khun jong u khun jong me, ïa kiei kiei kat kiba nga la leh ha ka ri Ijipt, bad ïa ki dak phylla jong nga ïa kiba nga la trei hapdeng jong ki; khnang ba phin ïoh tip ba ma nga, nga long U Trai.”

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 8:10

U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 8:6

Te u Aaron u la kner ïa la ka kti halor kita ki um ka Ijipt; bad ki jakoid ki la ïamih, bad ki la ïatyllup ïa ka ri Ijipt.

EKSODOS 9:14

Naba ha kane ka por, ngan sa phah ïa ki jingpynshitom jong nga baroh halor ka dohnud jong me, bad halor ki shakri jong me, bad halor ki briew jong me; khnang ba men ïoh tip ba ym don uba kat nga ha ka pyrthei baroh.

ISAÏAH 40:18

Badno te phin pynsyriem ïa U Blei? Bad ka dur aïu phin ïanujor bad u?

ISAÏAH 40:25

Badno te phin pynsyriem ïa nga, ba ngan long uba ïamarryngkat? ong uta U Bakhuid.

ISAÏAH 45:18

Naba kumne u ong U Trai uba la thaw ïa ki bneng; uta u long U Blei; u la thaw ïa ka khyndew bad u la pynlong ïa ka; u la thung ïa ka, um shym la thaw suda ïa ka, u la thaw ïa ka ban shong briew: “Nga, nga long U Trai; te ym don uwei pat.

ISAÏAH 45:22

“To phai khmat sha nga, bad to long ba la pynim ki bakut jong ka pyrthei baroh; namar nga, nga long U Blei, bad ym don uwei pat.

ISAÏAH 45:5

Nga, nga long U Trai, te ym don uwei pat: nalor jong nga ym don U Blei: ngan panpoh ïa me, la mem shym la ithuh ïa nga:

ESEKIEL 36:22

“Namar kata, to ong ha ka ïing Israel, ‘Kumne u ong U Trai U Blei: A ka ïing Israel, nga leh ïa kane ym na ka bynta jong phi, hynrei, na ka bynta ka kyrteng bakhuid jong nga, ïa kaba phi la pyntngit sang hapdeng ki jaid bynriew, sha kiba phi la leit.

ESEKIEL 36:32

‘To phin tip,’ ong U Trai U Blei, ‘ba nga leh ïa kane ym na ka bynta jong phi hi: to sngewlehrain bad to sngewlyngngoh, A ka ïing Israel, namar ki lynti jong phi.’ ”

DANIEL 2:45

Kat kumba me la ïohi ba la khlaw ïa uta u maw na u lum ym da ki kti, bad ba u la pynlwet ïa ka nar, ïa ka rnong, ïa ka 'dewbyrtha, ïa ka rupa, bad ïa ka ksiar; U Blei u bakhraw u la pyntip ïa u syiem kaei ka ban sa jia hadien kane: te ka jingphohsniew ka long kaba shisha, bad ka jingbatai jong ka, kaba skhem.”

MIKAH 7:18

Uei uba long U Blei kat ma me, uba map ïa ka jingbymhok, bad uba ïaid lait ïa ka jingryngkang jong kita kiba sah ka jingïoh kynti jong u? um bat ïa la ka jingbitar junom, namar u sngewbha ha ka jingisynei.

DEUTERONOMI 3:24

‘A Trai uba U Blei, me la sdang ban pyni ha la u shakri ïa ka jingkhraw jong me, bad ïa ka kti badonbor jong me: naba uno u blei uba ha ki bneng lane ha ka khyndew, uba lah ban leh katba kum ki jingleh jong me, bad katba kum ki bor jong me?

DEUTERONOMI 32:39

“ ‘To khmih mynta, ba ma nga, ma nga keiñ long ma U, bad ym don u blei nalor jong nga; ma nga uba pynïap, bad ma nga uba pynim ruh: ma nga uba pynmong, bad ma nga uba pynkhiah ruh: lymne ym don uba lah ban pyllait noh na ka kti jong nga.

DEUTERONOMI 4:35

Ha me keiñ la pyni ïa kane, khnang ba men ïoh tip ba U Trai u long U Blei; ym don uwei pat, tang ma u.

DEUTERONOMI 4:39

Namar kata, to tip ha kane ka sngi, bad to da pyrkhat ruh ha la ka dohnud, ba U Trai, ma u hi u long U Blei ha ki bneng sha jrong bad ha ka pyrthei shapoh: uwei pat, um don shuh keiñ.

1 SAMUEL 2:2

“Ym don u bakhuid kat U Trai; naba nalor jong me ym don shuh mano mano; lymne ym don u mawsiang kum U Blei jong ngi.