2 SAMUEL 7:21 - KA BAIBL

²¹ Na ka bynta ka ktien jong me hi, bad katba kum ka dohnud jong me hi, me la leh ïa kane kaba khraw baroh, ïa ka ban pyntip ïa ka ha la u shakri.

Khasi CL Bible (BSI)

²¹ Ka la long ka mon jong me bad ka jingthmu jong me, ban leh ïa kane; me la leh ïa kine kiei kiei kiba khraw khnang ban hikai ïa nga.

2 SAMUEL 7:21 ပူးပေါင်းရင်းမြစ်များ

1 KHRONIKL 17:19

A Trai, na ka bynta u shakri jong me, bad katba kum ka dohnud jong me hi, me la leh ïa kane ka bakhraw baroh, ban pyntip ïa kine kiei kiei ki bakhraw baroh.

SALM 115:1

Ym ha ngi, A Trai, ym ha ngi, hynrei, ha la ka jong ka kyrteng to ai burom, na ka bynta ka jingisynei, bad na ka bynta ka jingshisha jong me.

SALM 138:2

Ngan mane dem sha ka templ ka bakhuid jong me, bad ngan ainguh ïa ka kyrteng jong me namar ka jingleh isynei jong me bad namar ka jingshisha jong me: naba me la pynkhraw ïa la ka ktien ha khlieh ïa la ka kyrteng baroh.

JINGKHEIÑ 23:19

U Blei um long u briew, ba un lamler; lymne u khun u briew, ba un kylla-ka-bamut: ïa kaba U la ong, un ym leh? Lane ïa kaba U la kren, un ym pyndep noh?

MATHAÏOS 11:26

shisha, ko Kpa, naba kumta ka la ibit ha khmat jong me.

MATHAÏOS 24:35

Ka bneng bad ka khyndew kin leit noh, hynrei, ki ktien jong nga kin ym leit noh satia.

LOUKAS 1:72

ban pyni ka jingisynei ïa ki kpa jong ngi, bad ban kynmaw ïa ka jutang bakhuid jong U;

LOUKAS 10:21

Ha kata hi ka por, U Jisu u la shadkmen ha U Mynsiem Bakhuid, bad u la ong, “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad na ki bashemphang, bad ba me la pynpaw ïa ki ha ki khunlung; shisha, ko Kpa, naba kumta ka la ibit ha khmat jong me.

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

1 KORINTH 1:1

U Paul, ïa uba la khot u apostol U Jisu Khrist da ka mon U Blei, lem bad u Sosthenis u parabangeit.

EPHESOS 1:9

haba u la pyntip ha ngi, ïa ka jingmaïan ka mon jong u, katba kum ka jingsngewbha jong u ïa kaba u la lah thmu ha lade;

EPHESOS 3:11

katba kum ka jingthmu bymjukut, ïa kaba u la thmu ha U Khrist Jisu uba U Trai jong ngi:

EPHESOS 4:32

bad to phin long ruh kiba leh sbun paralok, kiba jemnud, kiba ïamap paralok, kumba U Blei ruh ha U Khrist u la map ïa phi.

DEUTERONOMI 9:5

Ym namar ka hok jong me, lane namar ka jinglong beit ka dohnud jong me, ba me leit ban ïoh ïa ka ri jong ki: hynrei, namar ka jingsniew keiñ jong kine ki jaid bynriew, U Trai uba U Blei jong me u beh noh ïa ki na khmat jong me, bad khnang ba un ïoh pyndep ïa kata ka ktien ïa kaba U Trai u la smai ha ki kpa jong me, ha u Abraham, u Isaak, bad u Jakob.