2 SAMUEL 7:19 - KA BAIBL

¹⁹ Bad kane ka la long pynban ka barit ha khmat jong me, A Trai U Blei; hynrei, me la kren shaphang ka ïing u shakri jong me sha ka ban slem eh ruh; bad kane ruh kat kum ka rukom briew, A Trai U Blei!

Khasi CL Bible (BSI)

¹⁹ Pynban, mynta me la leh kham bun, A Trai Nongsynshar; me la pynlong ki jingkular shaphang ki khun ki ksiew jong nga ha ki snem ki ban wan. Bad me shah ïa u briew ban ïohi ïa kane, A Trai Nongsynshar!

2 SAMUEL 7:19 ပူးပေါင်းရင်းမြစ်များ

2 SAMUEL 12:8

bad nga la ai ha me ïa ka ïing u kynrad jong me, bad ïa ki tnga u kynrad jong me ha ka shadem jong me, bad nga la ai ha me ïa ka ïing u Israel bad ïa ka jong u Judah; bad lada kata ka la kham khyndiat, ngan da la ai kham bun shikatdei.

2 SYIEM 3:18

Te kane ka long tang kaba rit ha khmat U Trai: un ai ruh ïa ki Moab ha ka kti jong phi.

1 KHRONIKL 17:17

Bad kane ka la long kaba rit ha khmat jong me, A U Blei, hynrei, me la kren shaphang ka ïing u shakri jong me sha ka ban slem eh ruh, bad me la ñiew ïa nga katba kum ka jinglong jong u briew u bakhraw, A Trai U Blei.

SALM 36:7

Katno ka bakordor ka jingleh isynei jong me, A Blei! Te ki khun bynriew kin rieh hapoh ka jingkah ki thapniang jong me.

ESEKIEL 34:18

Hato phi ñiew ka barit ba phi la ïoh bam ha ka jaka phlang babha, ba phi shu ïuh roit da la ki kjat ïa kaba sah na ka jaka phlang jong phi? bad ba phi la ïoh dih ïa ki um basngur, ba phi shu pynjngut ïa kaba sah da ki kjat jong phi?

JINGKHEIÑ 16:13

Hato me ñiew sting ba me la pynwan ïa ngi na ka ri kaba tuid da ka dud, bad ka ngap, ïa ka ban pynïap ïa ngi ha kane ka ri khlaw, lymda men ïoh pynlong syiem phar ïa lade halor jong ngi?

JINGKHEIÑ 16:9

phi ñiew sting, ba U Blei jong u Israel u la pynkyrpang ïa phi na u paidlang ki Israel, ban pynwan hajan ha lade ïa phi; ban trei ïa ka kam jong Ka Tabernakl U Trai, bad ban ïeng ha khmat u paidlang ïa ka ban shakri ïa ki?

EPHESOS 2:7

ba un ïoh pyni ha ki rta ki ban sa wan, ïa kata ka jingkynrei eh ka jingaiei jong u, ha ka jinglehsbun sha ngi ha U Khrist Jisu.

JOSHUA 5:14

Te u la ong, “Em; hynrei kum u kaptan jong u paidïapom jong U Trai nga la wan mynta.” Bad u Joshua u la dem ngon la ka khmat ha khyndew, bad u la mane, bad u la ong ha u, “U Kynrad jong nga u ong aïu ha la u shakri?”