2 SAMUEL 7:16 - KA BAIBL

¹⁶ Bad ïa ka ïing jong me bad ïa ka jinglong syiem jong me yn pynskhem ha khmat jong me junom: yn pynskhem keiñ ïa ka khet jong me junom.’ ”

Khasi CL Bible (BSI)

¹⁶ Men ïai don ki khun ki ksiew, bad ngan pynlong ïa ka hima jong me ban neh junom. Ka longïing syiem jong me kan ym kut.’ ”

2 SAMUEL 7:16 ပူးပေါင်းရင်းမြစ်များ

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

2 SAMUEL 22:51

Ïa ka jingpynim kaba khraw u ai ha u syiem jong u: bad u leh isynei ïa uta uba la sleh jong u, ïa u Dabid keiñ, bad ïa u symbai jong u junom.”

2 SAMUEL 7:13

Un tei ma u keiñ ïa ka ïing ïa ka kyrteng jong nga; nga ruh ngan pynskhem ïa ka khet ka jinglong syiem jong u junom.

2 SAMUEL 7:17

Katba kum kine ki ktien baroh, bad katba kum kane ka jingithuhpaw baroh, kumta keiñ u Nathan u la kren ha u Dabid.

1 SYIEM 2:4

ba U Trai un pynskhem ïa ka ktien jong u kaba u la kren shaphang jong nga, u da ong, ‘Lada ki khun jong me kin sumar ha ka lynti jong ki, ban ïaid ha khmat jong nga ha ka jingshisha da ka dohnud jong ki baroh bad ka mynsiem jong ki baroh, yn ym duh ïa me (u la ong) u briew halor ka khet Israel.’

1 SYIEM 9:5

nga te ngan pynskhem ïa ka khet ka hima jong me halor ki Israel junom: kat kumba nga la kular ha u Dabid u kpa jong me, da kaba ong, ‘Kan ym duh briew ïa me halor ka khet ki Israel.’

2 SYIEM 19:34

“Naba ngan ïada ïa kane ka shnong ban pynim ïa ka, na ka bynta jong nga hi, bad na ka bynta u Dabid u shakri jong nga.”

2 SYIEM 8:19

La kumta ruh, U Trai un ym pynduh ïa ka Judah, na ka bynta u Dabid u shakri jong u, kumba u la kular ha u ban ai ha u ka sharak, bad ha ki khun jong u borabor.

2 KHRONIKL 6:16

Namar kata te, A Trai, U Blei ki Israel, to sumar ïa kata kaba me la kular bad u shakri jong me u Dabid u kpa jong nga, me da ong, ‘Kan ym duh briew ïa me ha khmat jong nga ban shong halor ka khet Israel; tangba ki khun jong me kin sumar la ka ïaid ka ïeng, ban ïaid ha ka hukum jong nga, kumba me ruh, me la ïaid ha khmat jong nga.’

Ka Kitab U Job 36:7

Um phai noh ïa la ki khmat na u bahok: hynrei, ryngkat bad ki syiem halor ka khet u pynskhem ïa ki junom, bad la pynkyntiew ïa ki.

SALM 45:6

Ka khet jong me, A Blei, ka long sha ka bymjukut ki bymjukut; u dieng synshar ka jinglehhok u long u dieng synshar ka hima jong me.

SALM 72:5

Kin sheptieng ïa me katba sah ka sngi, bad slem kat u bnai, pateng la pateng bynriew baroh.

SALM 89:4

ïa u symbai jong me ngan pynskhem junom, bad ngan tei ïa ka khet jong me pateng la pateng bynriew baroh. Selah.

ISAÏAH 9:6

Namar ha ngi la kha ïa u khun, la ai ïa u khun ha ngi; te ka jingsynshar kan long halor ka tyrpeng jong u: bad yn khot ïa ka kyrteng jong u, “U Baphylla, U Nongsylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

JEREMAÏAH 17:25

ynda kumta, kin rung na ki khyrdop kane ka nongbah ki syiem bad ki bakhraw batri kiba shong halor ka khet u Dabid, ki da shong ha ki kali bad ha ki kulai, kita, bad ki bakhraw batri jong ki, ki rangbah Judah, bad kiba shong ha Jerusalem: bad kane ka nongbah kan neh junom.

JEREMAÏAH 33:17

“Naba kumne u ong U Trai: ‘U Dabid un ym duh briew lano lano ruh u ban shong halor ka khet jong ka ïing Israel;

ESEKIEL 37:25

Bad kin ïoh shong ha ka ri kaba nga la ai ha u Jakob u shakri jong nga, ha kaba ki kpa jong phi ki la shong: kin shong hangta, ma ki, bad ki khun jong ki ruh, bad ki ksiew jong ki ruh de junom: bad u Dabid u shakri jong nga un long u nongïalam jong ki junom junom.

DANIEL 2:44

Te ha ki sngi jong kita ki syiem, U Blei ka bneng un pynïeng ïa ka hima, ïa kaba yn ym pynduh lano lano ruh, lymne yn ym iehnoh ïa ka jingsynshar jong ka ha kawei pat ka jaid bynriew; hynrei, kan pynlwet bad kan bam duh ïa kine ki hima baroh bad kan ïaisah bymjukut.

DANIEL 7:14

Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

MATHAÏOS 16:18

Nga ruh nga ong ha me, ba me long u Petros, bad halor une u mawsiang ngan tei ïa ka balang jong nga; te ki khyrdop ka dujok kin ym lah ïa ka.

ÏOANNIS 12:34

Uta u paidbah u la ïathuh ha U, “Ngi, ngi la ïohsngew na Ka Hukum, ba uta U Khrist u ïaisah sha ka bymjukut; te kumno ba ong ma me, ka dei ba yn kyntiew ïa U Khun u briew? uei une U Khun u briew?”

HEBRU 1:8

Hynrei, shaphang uta U Khun, u ong: “Ka khet jong me, A Blei, ka long sha ki bymjukut ki bymjukut; bad u dieng synshar ka hima jong me u long u dieng synshar ka jinglehhok.

JINGPYNPAW 11:15

Bad u angel u bahynñiew u la pynsawa; bad ki la long ki ktien bajam ha bneng kiba ong, “Kata ka hima ka jong ka pyrthei ka la jia long ka jong U Trai jong ngi, bad U Khrist jong u: te un synshar keiñ sha ki bymjukut ki bymjukut.”

1 SAMUEL 25:28

To map, nga kyrpad ïa me, ïa ka jingpalat ka shakri jong me: namar U Trai da shisha un pynlong ka ïing kaba skhem ïa u kynrad jong nga, naba u kynrad jong nga u ïaleh ïa ki jingïaleh thma ki jong U Trai; bad yn ym shem ei ei ka basniew ha me baroh ki sngi jong me.