2 SAMUEL 7:15 - KA BAIBL

¹⁵ hynrei, ka jingisynei jong nga kan ym kynriah noh na u, kumba nga la shim noh na u Saul, ïa uba nga la kyntait noh ha khmat jong me.

Khasi CL Bible (BSI)

¹⁵ Hynrei ngan ym weng noh na u ïa la ka jingkyrshan kumba nga la weng noh na u Saul, ïa uba nga la pynkynriah noh khnang ba men long syiem ma me.

2 SAMUEL 7:15 ပူးပေါင်းရင်းမြစ်များ

2 SAMUEL 7:14

Ma nga ngan dei khun ïa u, u ruh un dei kpa ïa nga: lada un leh palat, ngan sneng sympat ïa u da u dieng sympat briew, bad da ki jingshoh khun bynriew;

2 SAMUEL 7:16

Bad ïa ka ïing jong me bad ïa ka jinglong syiem jong me yn pynskhem ha khmat jong me junom: yn pynskhem keiñ ïa ka khet jong me junom.’ ”

1 SYIEM 11:13

Hynrei, ngan ym kad ïa ka hima baroh; hynrei, ngan ai kawei ka jaid ha u khun jong me, na ka bynta u Dabid u shakri jong nga, bad na ka bynta ka Jerusalem kaba nga la jied.”

SALM 89:28

Ïa la ka jingisynei ngan ri ïa u junom, bad ka jutang jong nga kan neh skhem bad u.

SALM 89:31

lada kin pynkheiñ ïa ki aiñ jong nga, bad kim sumar ïa ki hukum jong nga;

SALM 89:33

Hynrei, ngan ym shim duh noh ïa la ka jingisynei na u, lymne ngan ym pynduh ïa la ka jingshisha.

SALM 89:34

Ïa la ka jutang ngan ym pynkheiñ, lymne pynkylla ïa kata kaba la mih noh na ka rmiang shyntur jong nga.

SALM 89:49

A Trai, hangno ki jingisynei kiba mynbarim jong me, kiba me la smai ha u Dabid ha ka jingshisha jong me?

ISAÏAH 37:35

“Namar ngan da ïa kane ka nongbah ban pynim ïa ka, na ka bynta jong nga hi, bad na ka bynta u Dabid u shakri jong nga.”

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

1 SAMUEL 15:23

Namar ka jingleh kiat ka long kat ka pop ka jingleh byrtong hi, bad ka jingmutlop ka long kum kaba mane bleithaw bad ki teraph. Namar ba me la kyntait ïa ka ktien U Trai, ma u ruh u la kyntait ïa me na kaba long syiem.”

1 SAMUEL 15:26

Te u Samuel u la ong ha u Saul, “Ngan ym leit phai bad me: naba me, me la kyntait ïa ka ktien U Trai, bad U Trai ruh u la kyntait ïa me na kaba long syiem halor ki Israel.”

1 SAMUEL 15:28

Te u Samuel u la ong ha u, “U Trai u la kad noh ïa ka hima Israel na me ha kane ka sngi, bad u la aiti noh ïa ka ha uwei u paramarjan jong me, uba kham bha ïa me.

1 SAMUEL 16:14

Hynrei, U Mynsiem U Trai u la kynriah noh na u Saul, bad u mynsiem bymman na U Trai u la pynsheptieng ïa u.

1 SAMUEL 19:24

Bad u ruh u la loit noh ïa la ki jaiñ, bad u la ïathuhlypa ruh ha khmat u Samuel, bad u la thiah lyngkhuit baroh kata ka sngi bad baroh kata ka miet. Namar kata, ki la ju ong, “U Saul ruh pleng u don hapdeng ki nongïathuhlypa?”