2 SAMUEL 7:12 - KA BAIBL

¹² Haba la pynkut noh ïa ki sngi jong me, bad ba me la ïohthiah noh bad ki kpa jong me, ngan pynïeng ïa u symbai jong me hadien jong me, u ban mih noh na ka kpoh jong me, bad ngan pynskhem ïa ka jinglong syiem jong u.

Khasi CL Bible (BSI)

¹² Ynda me ïap, bad la tep ïa me bad ki kpa tymmen jong me, ngan thung syiem ïa uwei na ki khun shynrang jong me, bad ngan pynkhlaiñ ïa ka hima jong u.

2 SAMUEL 7:12 ပူးပေါင်းရင်းမြစ်များ

JENESIS 15:4

Bad ha khmih, ka ktien U Trai ka la wan kumne ha u, ka da ong, “Une un ym ïoh long u nongïoh pateng jong me; hynrei, uta u ban mih noh keiñ na ka kpoh jong me hi un long u nongïoh pateng jong me.”

2 SAMUEL 22:51

Ïa ka jingpynim kaba khraw u ai ha u syiem jong u: bad u leh isynei ïa uta uba la sleh jong u, ïa u Dabid keiñ, bad ïa u symbai jong u junom.”

1 SYIEM 1:21

Ynda kumta, kan jia, ynda u syiem kynrad jong nga un thiah bad ki kpa jong u, ba ïa nga bad ïa u Solomon u khun jong nga yn ñiew ki bapop.”

1 SYIEM 1:48

Te kumne ruh u la ong u syiem, ‘Long ba la kyrkhu U Trai, U Blei jong ki Israel, uba la ai ïa u ban shong halor ka khet jong nga ha kane ka sngi, katba ki khmat jong nga ki dang ïohi.’ ”

1 SYIEM 2:1

Te ki sngi u Dabid ki la jan ba un ïap; bad u la hukum ïa u Solomon u khun jong u, u da ong,

1 SYIEM 2:10

Kumta u Dabid u la thiah noh bad ki kpa jong u, bad la tep ïa u ha ka shnong u Dabid.

1 SYIEM 2:4

ba U Trai un pynskhem ïa ka ktien jong u kaba u la kren shaphang jong nga, u da ong, ‘Lada ki khun jong me kin sumar ha ka lynti jong ki, ban ïaid ha khmat jong nga ha ka jingshisha da ka dohnud jong ki baroh bad ka mynsiem jong ki baroh, yn ym duh ïa me (u la ong) u briew halor ka khet Israel.’

1 SYIEM 5:5

Te ha khmih, nga thmu ban tei ka ïing ïa ka kyrteng U Trai U Blei jong nga, kumba U Trai u la kren ha u Dabid u kpa jong nga, u da ong, ‘U khun jong me, uba ngan pynshong halor ka khet jong me ha ka jaka jong me, un tei ka ïing ïa ka kyrteng jong nga.’

1 SYIEM 8:15

Te u la ong, “Long ba la kyrkhu ïa U Trai, U Blei jong ki Israel, uba la kren da la ka shyntur ha u Dabid u kpa jong nga, bad u la pyndep ïa ka da la ka kti, u da ong,

1 SYIEM 8:19

la kumta ruh, men ym tei ïa kata ka ïing; hynrei, u khun jong me u ban mih noh na ka syngkai jong me, uta un sa tei ïa kata ka ïing ïa ka kyrteng jong nga.’

1 SYIEM 8:20

Bad U Trai u la pynskhem ïa la ka ktien kaba u la kren; naba nga la ïeng ha ka jaka u Dabid u kpa jong nga, bad nga shong halor ka khet Israel, kumba U Trai u la kular, bad nga la tei ïa kata ka ïing ïa ka kyrteng U Trai, U Blei ki Israel.

1 SYIEM 9:5

nga te ngan pynskhem ïa ka khet ka hima jong me halor ki Israel junom: kat kumba nga la kular ha u Dabid u kpa jong me, da kaba ong, ‘Kan ym duh briew ïa me halor ka khet ki Israel.’

2 SYIEM 8:19

La kumta ruh, U Trai un ym pynduh ïa ka Judah, na ka bynta u Dabid u shakri jong u, kumba u la kular ha u ban ai ha u ka sharak, bad ha ki khun jong u borabor.

1 KHRONIKL 17:11

Te kan jia, haba ki sngi jong me ki la dap ba me dei ban ïaleit long lem bad ki kpa jong me, ba ngan pynïeng ïa u symbai jong me hadien jong me, u ban long na ki khun jong me; bad ngan pynskhem ïa ka hima jong u.

2 KHRONIKL 1:9

Te, A Trai uba U Blei, to ai ba ka jingkular jong me ha u Dabid u kpa jong nga kan long kaba la pynskhem: naba me la pynlong syiem ïa nga halor u paidlang uba kum ka 'dewmet ka khyndew ha ka jingbun paid.

2 KHRONIKL 13:5

kam la dei ïa phi ban tip ba U Trai, U Blei ki Israel, u la ai ïa ka hima Israel ha u Dabid ha la ka rta, ha u keiñ, bad ha ki khun jong u ruh da ka jutang ka mluh?

2 KHRONIKL 21:7

Hynrei, U Trai um mon ban pynjot noh ïa ka ïing u Dabid, namar kata ka jutang ba u la pynlong bad u Dabid, bad namar ba u la kular ban ai ka sharak ïa u bad ïa ki khun jong u borabor.

2 KHRONIKL 23:3

Te uta u paidlang baroh ki la pynlong ïa ka jutang bad u syiem ha ka ïing U Blei. Bad u la ong ha ki, “Ha khmih, u khun u syiem un synshar, kumba U Trai u la kren shaphang ki khun u Dabid.

2 KHRONIKL 6:15

uba la sumar bad u shakri jong me u Dabid u kpa jong nga ïa kata kaba me la kular ha u; shisha, me la kren da la ka shyntur, bad me la pyndep ïa ka da la ka kti, kumba ka long ha kane ka sngi.

2 KHRONIKL 6:9

la kumta ruh, men ym tei ïa kata ka ïing; hynrei, u khun jong me u ban sa mih noh na ka syngkai jong me, uta un tei ka ïing ïa ka kyrteng jong nga.”

SALM 89:29

Ïa u symbai jong u ruh ngan pynneh junom, bad ïa ka khet jong u kat ki sngi ka bneng.

ISAÏAH 11:10

Te kan jia ha kata ka sngi, ba u thied u Jesse, uba long kum ka lama ïa ki kynja bynriew; ha u ki jaid bynriew kin ïawad; bad ka jaka shongthait jong u kan long kaba donburom.

ISAÏAH 9:7

Ka jingroi ka jingsynshar jong u bad ka jingsuk kan ym kut shuh, halor ka khet u Dabid, bad halor ka hima jong u, ïa ka ban pynïeng ïa ka, bad ïa ka ban kyrshan ïa ka da ka jingbishar bad da ka hok naduh mynta bad ha la ka rta. Ka jingshitrhem U Trai ki paid kan pyndep ïa kane.

JEREMAÏAH 33:17

“Naba kumne u ong U Trai: ‘U Dabid un ym duh briew lano lano ruh u ban shong halor ka khet jong ka ïing Israel;

DANIEL 12:2

Bad bun na kita kiba ïohthiah ha ka 'dewmet ka khyndew kin kyndit, kiwei sha ka jingim bymjukut, bad kiwei pat sha ka jinglehrain bad ka jingjahburom bymjukut.

MATHAÏOS 1:1

Ka kitab ka jingkha ïa U Jisu Khrist, uba u khun u Dabid, uba u khun u Abraham.

LOUKAS 1:32

une un long U Bakhraw, bad yn khot ïa u, ‘U Khun U Bahakhlieh Tam Eh’: bad U Trai uba U Blei un ai ha u ïa ka khet u Dabid u kpa jong u;

LOUKAS 24:27

Te haba u la sdang na u Moses, bad na Ki Nongïathuhlypa baroh, u la pynpaw ha ki ha Ki Jingthoh baroh ïa kiei kiei ruh shaphang ïa lade.

KI KAM 13:36

“Namar, u Dabid ynda u la lah shakri ïa ka mon U Blei ha la ka jong ka pateng bynriew, u la ïohthiah noh, bad la pynbuh lang ïa u bad ki kpa jong u; bad u la shem ïa kaba pyut,

KI KAM 2:30

Namar kata, ba u long u nongïathuhlypa, bad ba u tip ba U Blei u la lah kular da ka jingsmai ha u, ba na u soh ka syngkai jong u, un pynmih ïa uwei u ban shong ha ka khet jong u;

1 KORINTH 15:51

Ha khmih, nga ïathuh ha phi ïa ka jingmaïan: ngin ym ïohthiah baroh, hynrei, yn pynkylla ïa ngi baroh shisyndon, ha kaba shi khyllipmat keiñ, ha ka turoi ka bakhatduh.

DEUTERONOMI 31:16

Bad U Trai u la ong ha u Moses, “Ha khmih, men sa thiah lem bad ki kpa jong me, te une u paidbah un ïeng noh, bad un leit leh nuti bad ki blei ki nongwei kata ka ri sha kaba ki ïaleit hapdeng jong ki, te kin ïa-iehnoh ïa nga, bad kin ïa-pynkheiñ ïa ka jutang jong nga ïa kaba nga la thaw bad ki.

1 THESSALONI 4:14

Namar lada ngi ngeit ba U Jisu u la ïap bad ba u la mihpat, kumta ruh, ïa kita kiba la ïohthiah ha U Jisu, U Blei un wallam lem bad u.