2 SAMUEL 6:5 - KA BAIBL

⁵ Bad u Dabid bad ka ïing Israel baroh ki la tem ha khmat U Trai ïa ki jingtem baroh kiba da u dieng Kseh, ïa ki duitara, ïa ki nebel, ïa ki kanjari, ïa ki manirai, bad ïa ki shakuriaw de.

Khasi CL Bible (BSI)

⁵ U Dabid bad ki Israel baroh ki la ïashad kmen bad ïarwai shitrhem da ka bor baroh ban burom ïa U Trai. Ki da tem ïa ki duitara, ki jingtem ksai, ki ksing, ki kanjari, bad ki shakuriaw.

2 SAMUEL 6:5 ပူးပေါင်းရင်းမြစ်များ

2 SYIEM 3:15

Hynrei, to wallam ha nga uwei u nongtem.” Te haba uta u nongtem u la tem, ka kti U Trai ka la wan ha u.

1 KHRONIKL 13:8

Bad u Dabid bad ki Israel baroh ki la tem jingtem ha khmat U Blei da ka bor jong ki baroh: da ki jingrwai, bad da ki duitara, bad da ki nebel, bad da ki kanjari, bad da ki ksing padiah, bad da ki ronsing.

1 KHRONIKL 15:28

Kumne ki Israel baroh ki la wallam artet ïa ka synduk ka jutang U Trai da ka jingrisa, bad da ka jingsawa ka jingput, bad ki ronsing, bad da ki 'sing padiah, ki da pynsawa jam da ki nebel bad ki duitara.

2 KHRONIKL 20:28

Bad ki la wan sha Jerusalem bad ki nebel bad ki duitara bad ki ronsing sha ka ïing U Trai.

SALM 47:5

U Blei u la leit kiew bad ka jingrisa, U Trai bad ka jingsawa ka turoi.

DANIEL 3:10

Me, ko syiem, me la buh ka hukum, ba uno uno u briew uba ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ka kynja jingtem baroh, un dem un mane ïa kata ka durblei ksiar:

DANIEL 3:15

Mynta, lada phi la khreh hamar ba phi ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, ban dem ban mane ïa kata ka durblei ïa kaba nga la thaw, bha: hynrei, lada phim mane, yn sa bred noh ïa phi ha kata kajuh ka por hapdeng ka lawar ding ba la thang rhem; bad uei uta U Blei uba lah ban pyllait ïa phi na ki kti jong nga?”

DANIEL 3:5

ba hamar ka por ba phi ïohsngew ïa ka jingsawa ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, phin dem phin mane ruh ïa ka durblei ksiar ïa kaba u Nebukhadnessar syiem u la pynïeng:

DANIEL 3:7

Namar kata, ha kata ka por, haba kita ki kynja bynriew baroh ki la ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, bad ki kynja jingtem baroh, kita ki kynja bynriew baroh, ki jaid bynriew, bad ki ktien, ki la dem ki la mane ruh ïa kata ka durblei ksiar kaba u Nebukhadnessar syiem u la lah pynïeng.

AMOS 5:23

To pynkynriah noh na nga ïa ka jingsawa ki jingrwai jong me; naba ngan ym sngap ïa ka jingkynud ki bela jong me.

AMOS 6:5

kiba rwai ïa ki jingrwai ba thala ha ki sur jong ka bela; kiba thaw ha lade ïa ki jingtem bathymmai, kum u Dabid;

1 SAMUEL 10:5

Hadien kata, men poi sha u lum U Blei, ha kaba don ka karod ki Philistia: te ynda me la poi shata sha ka shnong, men ïashem bad u paidbah ki nongïathuhlypa ki da hiar na kata ka jaka jrong, ki da don ruh ha shuwa jong ki ka bela, bad ka kanjari, bad ka sharati, bad ka duitara de; ba ki dang ïathuhlypa:

1 SAMUEL 16:16

To ai te ba u kynrad jong ngi un hukum ïa la ki shakri, kiba ha khmat jong me, ba kin wad da u briew uba nang tem duitara: te kan jia, haba uta u mynsiem bymman uba na U Blei u wan ha me, ba u ruh un tem da la ka kti, bad me ruh men bha.”