2 SAMUEL 6:20 - KA BAIBL

²⁰ Ynda kumta, u Dabid u la leit phai noh ïa ka ban kyrkhu ïa la ki ba-ha-ïing. Te ka Mikhal ka khun u Saul ka la leit tan ïa u Dabid, bad ka la ong, “A katno uba donburom mo u syiem ki Israel u la long ha kane ka sngi, uba ha kane ka sngi u la pynlyngkhuit ïa lade ha khmat ki shakri kynthei jong ki shakri jong u, kumjuh kumba u 'riewthala u pynlyngkhuit khlem rain ïa lade!”

Khasi CL Bible (BSI)

²⁰ Hadien kata, haba u Dabid u la leit sha ïing ban khublei ïa la ki ba-ha-ïing, ka Mikhal ka wan mih ban ïakynduh ïa u. “U syiem ki Israel u la pynkhraw nam ïa lade ha kane ka sngi!” ka ong. “U la pynlyngkhuit ïa lade kum u bieit ha khmat ki shakri kynthei jong ki rangbah synshar jong u.”

2 SAMUEL 6:20 ပူးပေါင်းရင်းမြစ်များ

JENESIS 18:19

Naba nga ithuh ïa u, ba un hukum ïa la ki khun bad ïa la ki ïing hadien jong u, ba kin ïoh rakhe ïa ka lynti jong U Trai, ïa ka ban leh ïa ka hok bad ïa ka jingleh adkar; ba U Trai un ïoh pynwan ha u Abraham ïa kata ïa kaba u la ong shaphang jong u.”

2 SAMUEL 6:14

Bad u Dabid u la shad katba u lah ha khmat U Trai; bad u Dabid u la phong da ka ephod linen.

2 SAMUEL 6:16

Te katba ka synduk U Trai ka la wan poi shapoh ka nongbah u Dabid, hangta ka Mikhal ka khun u Saul haba ka la khmih na ka jingkhang ïit, ka la ïohi ïa u syiem Dabid ba u da rynsied bad ba u da shad ha khmat U Trai; bad ka la beiñ ïa u ha la ka dohnud.

2 SAMUEL 6:18

Bad ynda u Dabid u la pyndep ban kñia ainguh ïa kita ki jingainguh thang bad ïa kita ki jingainguh bapynïasuk, u la kyrkhu keiñ ïa uta u paidbah ha ka kyrteng U Trai ki paid.

2 SAMUEL 6:19

Bad u la sam ha kita ki briew baroh, kata ha u paidlang ki Israel baroh, ha ki shynrang bad ha ki kynthei ruh, ha uwei pa uwei baroh, uwei u kpu, bad shi tukra ka doh, bad iwei i kpu da u soh Khajur. Kumta uta u paidbah baroh ki la leit wan noh uwei pa uwei baroh ha la ka jong ka ïing.

1 KHRONIKL 16:43

Te u paidbah baroh ki la ïaleit noh uwei pa uwei sha la ïing la ïing: bad u Dabid u la leit phai ban kyrkhu ïa la ka ïing.

Ka Kitab U Job 30:8

Ki khun jong ki riewbieit, shisha, ki khun ki kynja bapoh; la sympat ïa ki na ka ri.

SALM 101:2

Ngan leh stad ha ka lynti kaba janai: A lano men wan ha nga? ngan ïaid ha la ïing bad ka dohnud ka bajanai.

SALM 30:1

Ngan ïaroh ïa me, A Trai; namar me la pynkyntiew ïa nga, bad mem shym la pynkmen ïa ki nongshun jong nga halor jong nga.

EKLESIASTIS 7:17

Wat long u bymman than eh, lymne wat long u babieit: balei men shu ïap shuwa ka por jong me?

MARKOS 14:66

Te haba u Petros u dang don harum ha kata ka phyllaw, kawei na kita ki shakri jong u rangbah lyngdoh ka la wan;

MARKOS 3:21

Te haba ki kur jong u ki la bna, ki la leit noh ban bat ïa u, naba ki la ong, “Um tipbriew shuh.”

ÏOANNIS 13:6

Ynda kumta, U wan ha u Simon Petros; u te u ong ha U, “Ko Trai, me, me sait ïa ki kjat jong nga?”

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

NONGBISHAR 9:4

Bad ki la ai ha u hynñiewphew ki sbai rupa na ka ïing u Baal-berith; da kita, u Abimelekh u la wer ïa ki briew bathala bad basting, kiba la bud ïa u.

1 SAMUEL 14:49

Te ki khun shynrang u Saul ki la long u Jonathan, bad u Ishbi, bad u Melkhi-shua de: bad ki kyrteng ki ar ngut ki khun kynthei jong u kine; ka kyrteng ka banyngkong “ka Merab”, bad ka kyrteng ka bakhatduh “ka Mikhal”:

1 SAMUEL 18:20

Te ka Mikhal ka khun u Saul ka la ieit ïa u Dabid: bad ki la ïathuh ha u Saul, bad u la sngewbha ïa kata.